កំពត៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី៦ ខែមិថុនា ឆ្នាំ២០២៤នេះ បានអញ្ជើញសម្ពោធ បើកឱ្យប្រើប្រាស់ជាផ្លូវការ កំពង់ផែពហុបំណងកំពត ។
![](https://dap-news.com/wp-content/uploads/2024/06/photo_2024-06-06_08-14-54-1-1024x682.jpg)
សូមរំលឹកថា កំពង់ផែពហុបំណងកំពត ដែលមានទីតាំង ស្ថិតនៅភូមិគីឡូ១២ សង្កាត់កោះតូច និងសង្កាត់បឹងទូក ក្រុងបូកគោ ខេត្តកំពត ត្រូវបានរាជរដ្ឋាភិបាល អនុញ្ញាតឱ្យបង្កើតឡើង នៅក្នុងអំឡុងឆ្នាំ២០០៥ និងត្រូវបានក្រសួងសាធារណការ និងដឹកជញ្ជូន ផ្តល់លិខិតអនុញ្ញាត ឱ្យធ្វើការអភិវឌ្ឍសាងសង់ហេដ្ឋារចនាសម្ព័ន្ធកំពង់ផែ នៅក្នុងអំឡុងឆ្នាំ២០១២ នៅលើផ្ទៃដីទំហំ សរុប ២០៧ហិកតា ដែលជាកម្មសិទ្ធិរបស់ក្រុមហ៊ុនកំពតផត។
![](https://dap-news.com/wp-content/uploads/2024/06/photo_2024-06-06_08-15-00-1-1024x682.jpg)
គម្រោងអភិវឌ្ឍន៍កំពង់ផែពហុបំណងកំពត នៅក្នុងដំណាក់កាលទី១ បានបញ្ចប់ការ សាងសង់ជាស្ថាពរស្រប តាមលក្ខណៈបច្ចេកទេស នូវហេដ្ឋារចនាសម្ព័ន្ធរូបវន្តសំខាន់ៗ រួមមាន៖ ចំណតនាវា មានបណ្តោយប្រវែង ៤៥០ម៉ែត្រ និងទទឹងប្រវែង ៦០ម៉ែត្រ មានបង្គោលចងពួរ សម្រាប់នាវាចូលចតែអែបចំណតនាវា និងរបាំងការពារការប៉ះទង្គិចនាវា, ការសាងសង់ទីលាន កុងតឺន័រ មានទំហំផ្ទៃសរុប ៥៥ ០០០ម៉ែត្រការ៉េ, ឃ្លាំងស្តុកទំនិញមានទំហំសរុប ៨ ៨០០ ម៉ែត្រការ៉េ, អគារត្រួតពិនិត្យទំនិញ មានទំហំ ១ ៣៣០ម៉ែត្រការ៉េ, ការសាងសង់ច្រកទ្វារចូល- ចេញផ្នែកខាងមុខ មានរបាំងប៉ុស្តិ៍យាមហុំព័ទ្ធដោយរបងជុំវិញ និងរោងម៉ាស៊ីនភ្លើងចំនួន ២កន្លែង រួមទាំងការសាងសង់អគាររដ្ឋបាល កម្ពស់ ៣ជាន់ មានទំហំសរុប ១ ៦៨៩ម៉ែត្រការ៉េ សម្រាប់ជាការិយាល័យបំពេញការងាររបស់បុគ្គលិកកំពង់ផែ មន្ត្រីគយ និងរដ្ឋាករកម្ពុជា មន្ត្រី សុខាភិបាល មន្ត្រីអន្តោប្រវេសន៍ និងការិយាល័យរបស់មន្ត្រីមេបញ្ជាការផែ និងកណ្ណធារ និងការ រៀបចំត្រៀមនូវបន្ទប់សម្រាប់ប្រើប្រាស់ជាមណ្ឌលត្រួតពិនិត្យចរាចរណ៍នាវា ដែលធ្វើប្រតិបត្តិការ ចូល-ចេញតាមផ្លូវទឹកផងដែរ។
![](https://dap-news.com/wp-content/uploads/2024/06/photo_2024-06-06_08-15-05-1-1024x682.jpg)
គម្រោងអភិវឌ្ឍន៍កំពង់ផែពហុបំណងកំពត ដំណាក់កាលទី១នេះ បានចំណាយថវិកា សាងសង់សរុបប្រមាណ ១៤០លានដុល្លារអាម៉េរិក ដែលជាទុនវិនិយោគរបស់ក្រុមហ៊ុនកំពតផត។
![](https://dap-news.com/wp-content/uploads/2024/06/photo_2024-06-06_08-15-09-1-1024x682.jpg)
ដោយឡែកដំណាក់កាល ទី២ និងដំណាក់កាលទី៣ គ្រោងនឹងសាងសង់ឡើង ដោយមានជម្រៅទឹករហូតដល់១៣ម៉ែត្រ ដែលនឹងអនុញ្ញាតឱ្យនាវាចំណុះ ២០ ០០០តោន អាចធ្វើប្រតិបត្តិការចូល-ចេញ កំពង់ផែប្រកបដោយសុវត្ថិភាព និងមានការសាងសង់ នូវឋបនីយភណ្ឌផែ សម្រាប់អ្នកដំណើរផងដែរ។
![](https://dap-news.com/wp-content/uploads/2024/06/photo_2024-06-06_08-15-14-1-1024x768.jpg)
កំពង់ផែពហុបំណងកំពតនេះ ត្រូវបានរំពឹងថានឹងក្លាយជាសរសៃឈាម ដ៏សំខាន់សម្រាប់ ការដឹកជញ្ជូនតាមផ្លូវសមុទ្រ របស់កម្ពុជា ដែលនឹង ចូលរួមចំណែកក្នុងការ ជំរុញសេដ្ឋកិច្ចកម្ពុជាឱ្យមានកំណើនបន្ថែមទៀត ហើយនឹងក្លាយជា កំពង់ផែទឹកជ្រៅ មួយបន្ថែមទៀតរបស់កម្ពុជា ដែលនឹងជួយបំពេញបន្ថែម ឱ្យកំពង់ផែស្វយ័តក្រុងព្រះសីហនុ និងកំពង់ផែស្វយ័តភ្នំពេញ ហើយការដឹកជញ្ជូនតាមផ្លូវសមុទ្រ ពីកំពង់ផែពហុបំណងកំពត ទៅកាន់ប្រទេសក្នុងតំបន់ អាស៊ីប៉ាស៊ីហ្វិក អាចដំណើរការទៅបាន ដោយពុំចាំបាច់ប្តូរនាវានៅកំពង់ផែណាមួយឡើយ លើកលែងតែការ ដឹកជញ្ជូនទំនិញទៅកាន់សហរដ្ឋអាមេរិក និងអឺរ៉ុប ដែលតម្រូវឱ្យប្តូរនាវានៅកំពង់ផែធំៗ មុននឹង ទៅដល់គោលដៅចុងក្រោយ៕
![](https://dap-news.com/wp-content/uploads/2024/06/photo_2024-06-06_08-15-19-1-1024x768.jpg)
![](https://dap-news.com/wp-content/uploads/2024/06/photo_2024-06-06_08-15-22-1-1024x768.jpg)
![](https://dap-news.com/wp-content/uploads/2024/06/photo_2024-06-06_08-15-28-2-768x1024.jpg)
![](https://dap-news.com/wp-content/uploads/2024/06/photo_2024-06-06_08-15-33-1-1024x768.jpg)
![](https://dap-news.com/wp-content/uploads/2024/06/photo_2024-06-06_08-15-41-1-1024x682.jpg)
![](https://dap-news.com/wp-content/uploads/2024/06/photo_2024-06-06_08-15-45-4-1024x682.jpg)
![](https://dap-news.com/wp-content/uploads/2024/06/photo_2024-06-06_08-15-50-1-1024x682.jpg)
![](https://dap-news.com/wp-content/uploads/2024/06/photo_2024-06-06_08-15-54-4-1024x682.jpg)
![](https://dap-news.com/wp-content/uploads/2024/06/photo_2024-06-06_08-15-58-4-1024x682.jpg)
![](https://dap-news.com/wp-content/uploads/2024/06/photo_2024-06-06_08-16-02-4-1024x682.jpg)
![](https://dap-news.com/wp-content/uploads/2024/06/photo_2024-06-06_08-16-08-1-1024x682.jpg)
![](https://dap-news.com/wp-content/uploads/2024/06/photo_2024-06-06_08-16-14-1-1024x682.jpg)
![](https://dap-news.com/wp-content/uploads/2024/06/photo_2024-06-06_08-16-18-2-1024x682.jpg)
![](https://dap-news.com/wp-content/uploads/2024/06/photo_2024-06-06_08-15-58-3-1024x682.jpg)
![](https://dap-news.com/wp-content/uploads/2024/06/photo_2024-06-06_08-16-02-3-1024x682.jpg)
![](https://dap-news.com/wp-content/uploads/2020/08/1-1.png)