ភ្នំពេញ៖ ផ្លូវដី (ថ្មី) ប្រវែងជិត៤គីឡូម៉ែត្រ បំពាក់ដោយអំពូលសូឡា ស្ថិតនៅក្នុងភូមិកន្តួត ឃុំកន្តួត ស្រុកស្វាយលើ ខេត្តសៀមរាប ត្រូវបានប្រគល់ជូន ប្រជាពលរដ្ឋ សម្រាប់ប្រើប្រាស់ ជាសាធារណៈ ។
ការប្រគល់ជូននេះ ធ្វើឡើងក្រោមអធិបតីភាព លោក ឈង់ ឈា មេឃុំកន្តួត ព្រមទាំងមានការចូលរួម ពីសំណាក់ក្រុមប្រឹក្សាឃុំ មេភូមិ និងប្រជាពលរដ្ឋក្នុងមូលដ្ឋាន។
![](https://dap-news.com/wp-content/uploads/2024/06/IMG_20240615_223002_140-1024x682.jpg)
បើតាមម្ចាស់ដី៤គ្រួសារ បានអោយដឹងថា ផ្លូវដីនេះមានប្រវែងជិត៤គីឡូម៉ែត្រ ទទឹង៧ម៉ែត្រ និងទុកចំណីផ្លូវ ដាក់លូកាត់ផ្លូវ៣កន្លែង ដែលគិតជាដីផ្ទៃ៧ហិកតា ដោយបានចំណាយថវិកាសរុប ប្រមាណជិត៧មុឺនដុល្លារ។
![](https://dap-news.com/wp-content/uploads/2024/06/IMG_20240615_223005_522-1024x682.jpg)
ក្នុងពិធីប្រគល់ជូននេះ តំណាងទាំង៤គ្រួសារ បញ្ជាក់យ៉ាងច្បាស់ថា “ផ្លូវនេះ នឹងត្រូវដាក់អោយប្រើប្រាស់ជាប្រយោជន៍សាធារណៈ ពិសេសអ្នកភូមិប្រើប្រាស់ នៅភូមិកន្តួត ឃុំកន្តួតស្រុកស្វាយលើ ខេត្តសៀមរាប”។
![](https://dap-news.com/wp-content/uploads/2024/06/IMG_20240615_223009_006-1024x682.jpg)
ឆ្លៀតក្នងឱកាសនោះលោក សយ សុភាព ក្នុងនាមស្ថាបនិកជីសរីរាង្គព្រៃស្នួលមួយរូប បានចូលរួមឧបត្ថម្ភ ជីសរីរាង្គព្រៃស្នួល ក្នុង១គ្រួសារ ៣ឈុត (អ្នកដែលមានវត្តមាន) ផងដែរ។
![](https://dap-news.com/wp-content/uploads/2024/06/IMG_20240615_223108_813-1024x682.jpg)
បន្ថែមលើសពីនេះ លោក សយ សុភាព ក៏បានថ្លែងអំណេគុណ លោក ស៊ាន វិសុទ្ធ ទីប្រឹក្សារារដ្ឋាភិបាល និង លោក ហើស សិរីធន់ អ្នកសិក្សាស្រាវជ្រាវភូមិសាស្ត្រនយោបាយ ដែលបានផ្តល់កិត្តិយសក្នុងពិធីកាត់ខ្សែបូរក្រហម ប្រគល់ផ្លូវនដះផងដែរ៕
![](https://dap-news.com/wp-content/uploads/2024/06/IMG_20240615_222958_549-1024x682.jpg)
![](https://dap-news.com/wp-content/uploads/2024/06/IMG_20240615_224147_903-1024x682.jpg)
![](https://dap-news.com/wp-content/uploads/2024/06/IMG_20240615_224151_679-1024x682.jpg)
![](https://dap-news.com/wp-content/uploads/2024/06/IMG_20240615_224156_355-1024x682.jpg)
![](https://dap-news.com/wp-content/uploads/2024/06/IMG_20240615_224137_014-1024x682.jpg)
![](https://dap-news.com/wp-content/uploads/2024/06/IMG_20240615_224133_606-1024x682.jpg)
![](https://dap-news.com/wp-content/uploads/2024/06/IMG_20240615_224141_086-1024x682.jpg)
![](https://dap-news.com/wp-content/uploads/2020/08/1-1.png)