នៅថ្ងៃចន្ទ ១០កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៥ ខែកក្កដា ឆ្នាំ២០២៤ លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំគណៈប្រតិភូជាន់ខ្ពស់ក្រសួង អញ្ជើញចូលរួមវេទិកានយោបាយកម្រិតខ្ពស់ស្តីពីការអភិវឌ្ឍប្រកបដោយចីរភាព ឆ្នាំ២០២៤ របស់អង្គការសហប្រជាជាតិ នៅទីក្រុងញូយ៉ក សហរដ្ឋអាម៉េរិក។
![](https://dap-news.com/wp-content/uploads/2024/07/6-23-1024x683.jpg)
![](https://dap-news.com/wp-content/uploads/2024/07/5-30-1024x683.jpg)
សូមជម្រាបថា ក្នុងអំឡុងវេទិកា លោកមន្ត្រីបានធ្វើសេចក្តីថ្លែងការណ៍ស្ដីពីការអភិវឌ្ឍប្រកបដោយចីរភាពនៅកម្ពុជា ក្រោមប្រធានបទ របៀបវារៈឆ្នាំ២០៣០ សម្រាប់ការអភិវឌ្ឍប្រកបដោយចីរភាព និងការលុបបំបាត់ភាពក្រីក្រក្នុងគ្រាមានវិបត្តិ ដោយផ្តល់ដំណោះស្រាយប្រកបដោយប្រសិទ្ធភាព និរន្តរភាព មានភាពធន់ និងនវានុវត្តន៍
និងបានធ្វើសេចក្តីថ្លែងការណ៍ស្ដីពីគោលដៅអភិវឌ្ឍន៍ប្រកបដោយចីរភាពទី៦ ស្ដីពីទឹកស្អាត និងអនាម័យ (SDG 6) នៅក្នុងព្រឹត្តិការណ៍ពិសេសកម្មវិធីសកម្មភាពទឹក។
![](https://dap-news.com/wp-content/uploads/2024/07/4-40-1024x683.jpg)
លោកមន្ត្រីបានជម្រាបប្រាប់ដល់អង្គវេទិកាថា ប្រទេសកម្ពុជាបានប្តេជ្ញាចូលរួមចំណែកនៅក្រោមកិច្ច
ព្រមព្រៀងទីក្រុងប៉ារីស ក្នុងការផ្លាស់ប្តូរទៅប្រើប្រាស់ថាមពលកកើតឡើងវិញ បង្កើនភាពធន់នឹងអាកាសធាតុ
និងលើកកម្ពស់ការគ្រប់គ្រងដីនិងទឹកប្រកបដោយនិរន្តរភាព ព្រមទាំងបានអំពាវនាវឱ្យមានការពង្រឹង
សាមគ្គីភាពជាសាកល ដើម្បីដោះស្រាយគម្លាតផ្នែកហិរញ្ញវត្ថុ បច្ចេកវិទ្យា និងការកសាងសមត្ថភាព។
![](https://dap-news.com/wp-content/uploads/2024/07/3-50-1024x683.jpg)
![](https://dap-news.com/wp-content/uploads/2024/07/8-18-1024x683.jpg)
![](https://dap-news.com/wp-content/uploads/2024/07/7-19-1024x683.jpg)
សូមបញ្ជាក់ថា វេទិកានយោបាយកម្រិតខ្ពស់ស្តីពីការអភិវឌ្ឍប្រកបដោយចីរភាពឆ្នាំ២០២៤ ប្រព្រឹត្តទៅពីថ្ងៃទី១៥-១៨ ខែកក្កដា ឆ្នាំ២០២៤ ដោយមានសមាជិកចូលរួមប្រមាណ ១៦៩ប្រទេសមកពីគ្រប់តំបន់។
![](https://dap-news.com/wp-content/uploads/2024/07/11-14-1024x683.jpg)
![](https://dap-news.com/wp-content/uploads/2024/07/5-31-1024x683.jpg)
![](https://dap-news.com/wp-content/uploads/2024/07/9-17-1024x683.jpg)
![](https://dap-news.com/wp-content/uploads/2024/07/13-8-1024x683.jpg)
ដោយឡែកប្រទេសកម្ពុជា សាធារណរដ្ឋឆេក និងហ្ស៊កដានី ត្រូវបានអង្គការសហប្រជាជាតិជ្រើសរើសជាប្រទេសដែលអនុវត្តគោលដៅអភិវឌ្ឍន៍ប្រកបដោយចីរភាពទី៦ ស្ដីពីទឹកស្អាត និងអនាម័យ បានល្អប្រសើរ និងបានអញ្ជើញតំណាងពីប្រទេសទាំង៣ ដើម្បីធ្វើការចែករំលែកបទពិសោធន៍ទៅដល់បណ្តាប្រទេសផ្សេងទៀតដែលកំពុងជួបបញ្ហា៕
![](https://dap-news.com/wp-content/uploads/2024/07/12-7-1024x683.jpg)
![](https://dap-news.com/wp-content/uploads/2024/07/2-49-1024x683.jpg)
![](https://dap-news.com/wp-content/uploads/2020/08/1-1.png)