បរទេស៖ សេវាកម្មចារកម្មបរទេសរុស្ស៊ី (SVR) បានព្រមានថា សហរដ្ឋអាមេរិកកំពុងរៀបចំឆាក សម្រាប់រដ្ឋប្រហារបែបដែលធ្លាប់ធ្វើ នៅអ៊ុយក្រែននៅក្នុងប្រទេសហ្សកហ្ស៊ី ដោយជំរុញការតវ៉ាមុនការ បោះឆ្នោតសភារដូវស្លឹកឈើជ្រុះនេះ។
យោងតាមសារព័ត៌មាន RT ចេញផ្សាយនៅថ្ងៃទី២៦ ខែសីហា ឆ្នាំ២០២៤ បានឱ្យដឹងថា នៅក្នុងសេចក្តីថ្លែងការណ៍មួយកាលពីថ្ងៃចន្ទ សេវាកម្មចារកម្មបរទេសរុស្ស៊ី (SVR) បានអះអាងដោយលើកឡើងពីព័ត៌មានដែលមានថា សេតវិមាន “មិនសប្បាយចិត្តជាខ្លាំង” ជាមួយនឹងស្ថានភាពនៅក្នុងប្រទេសហ្សកហ្ស៊ី ដោយសារថា “ក្រុមប្រឆាំងដែលគ្រប់គ្រងដោយ ទីក្រុងវ៉ាស៊ីនតោននៅតែបែកបាក់គ្នា” ទោះបីជាកិច្ចខិតខំប្រឹងប្រែង របស់សហរដ្ឋអាមេរិកក្នុងការបង្រួបបង្រួម នៅមុនការបោះឆ្នោតមកដល់ នាពេលខាងមុខគ្រោងធ្វើនៅថ្ងៃទី២៦ ខែតុលា។
យោងតាមទីភ្នាក់ងារនេះ សហរដ្ឋអាមេរិកមានការព្រួយបារម្ភថា ជ័យជម្នះដ៏ខ្លាំងមួយនឹងផ្តល់ឱ្យគណបក្ស Georgian Dream ដែលកំពុងកាន់អំណាច នូវឱកាសគ្រប់គ្រាន់ដើម្បីបន្តដំណើរ អធិបតេយ្យភាពរបស់ខ្លួន ខណៈពេលដែលទប់ទល់នឹងការទាមទារ របស់លោកខាងលិចដែលប្រឆាំងនឹង ផលប្រយោជន៍ជាតិរបស់ប្រទេស។
ក្នុងពេលជាមួយគ្នានោះ សហរដ្ឋអាមេរិក “កំពុងរៀបចំបដិវត្តន៍ពណ៌” នៅហ្សកហ្ស៊ី ទីភ្នាក់ងារនេះបានបញ្ជាក់ដោយអះអាងថា អង្គការក្រៅរដ្ឋាភិបាលក្នុងស្រុក ដែលចូលបក្សសម្ព័ន្ធលោកខាងលិច កំពុងជ្រើសរើសអ្នកសង្កេតការណ៍បន្ថែមទៀត ដើម្បីតាមដានការបោះឆ្នោត ដែលបន្ទាប់មកត្រូវបានគេសន្មត់ថា ចោទប្រកាន់គណបក្សកាន់អំណាចហ្សកហ្ស៊ីថា មានការក្លែងបន្លំការបោះឆ្នោត។
សេវាកម្មចារកម្មបរទេសរុស្ស៊ី បាននិយាយនៅក្នុងសេចក្តីថ្លែងការណ៍មួយថា “នៅលើ ‘Tbilisi Maidan’ ពួកគេមានគម្រោងបង្ហាញ ‘ភស្តុតាងនៃការក្លែងបន្លំការបោះឆ្នោត’ បដិសេធមិនទទួលស្គាល់លទ្ធផលបោះឆ្នោត និងទាមទារឱ្យមានការផ្លាស់ប្តូរអំណាច។ ភ្នាក់ងារអនុវត្តច្បាប់នឹងត្រូវញុះញង់ឱ្យ ប្រើកម្លាំងដើម្បីបង្ក្រាបការតវ៉ា។ SVR បាននិយាយនៅក្នុងសេចក្តីថ្លែងការណ៍មួយថា ក្នុងពេលជាមួយគ្នានេះ អាមេរិកកំពុងស្វែងរកជម្រើសទម្លាក់ សម្រាប់ការឆ្លើយតបផ្នែកនយោបាយ និងសេដ្ឋកិច្ច ចំពោះការប្រើប្រាស់កម្លាំងហួសហេតុ ដោយអាជ្ញាធរប្រឆាំងនឹង ‘ពលរដ្ឋសន្តិភាព'” ៕
ប្រែសម្រួលៈ ណៃ តុលា
