ប្រជាជនអាមេរិករាប់លាននាក់ កំពុងបោះឆ្នោតនៅថ្ងៃអង្គារនេះ ដើម្បីជ្រើសរើសប្រធានាធិបតីអាមេរិកថ្មី ដោយសម្រេចថា តើត្រូវលើកអនុប្រធានាធិបតី Kamala Harris ឱ្យក្លាយជាមេដឹកនាំស្ត្រីដំបូង របស់ប្រទេស ឬប្រគល់អតីតប្រធានាធិបតី Donald Trump ទៅសេតវិមាន ដែលគាត់បានចាញ់ ក្នុងការបោះឆ្នោតឆ្នាំ 2020។
បើតាមសារព័ត៌មាន VOA ចេញផ្សាយថា គិតត្រឹមម៉ោង១០ព្រឹកថ្ងៃទី៦ ខែវិច្ឆិកា ឆ្នាំ២០២៤នេះ លោក ដូណាល់ ត្រាំ កំពុងមានអង្គបោះឆ្នោតនាំមុខលោកស្រី កាមេឡា ហារីស 207 ទល់នឹង 91 ។
យ៉ាងណាក៏ដោយ បើតាមការស្ទង់មតិបង្ហាញថា លោកស្រី ហារីស បេក្ខជនគណបក្សប្រជាធិបតេយ្យ និង លោក ត្រាំ ដែលជាគូប្រជែងខាង គណបក្សសាធារណរដ្ឋ ត្រូវបានជាប់គាំងនៅក្នុង ការប្រកួតប្រជែង ដ៏ជិតបំផុតមួយក្នុង រយៈពេលជាច្រើនទសវត្សរ៍ ដោយអ្នកឈ្នះនឹងចាប់ផ្តើមអាណត្តិប្រធានាធិបតីរយៈពេល ៤ ឆ្នាំក្នុងខែមករា។
អ្នកវិភាគនយោបាយនិយាយថា លទ្ធផលជាតិទំនងជាត្រូវបានកំណត់ ដោយការបោះឆ្នោតនៅក្នុងរដ្ឋសមរភូមិ នយោបាយចំនួនប្រាំពីរ ដែលលាត សន្ធឹងលើផ្ទៃប្រទេស ដែលជាកន្លែង ដែលការស្ទង់មតិបង្ហាញថា បេក្ខជនទាំងពីរស្ថិតក្នុងរង្វង់២ ភាគរយនៃគ្នាទៅវិញទៅមក ។
អាស្រ័យលើចំនួនសន្លឹកឆ្នោត ជិតដល់កម្រិតណា ហើយការរាប់សន្លឹកឆ្នោតលឿនប៉ុណ្ណា នៅក្នុងរដ្ឋសំខាន់ៗ អ្នកឈ្នះទំនងជាអាចលេចឡើងនៅចុងថ្ងៃអង្គារ ឬដើមថ្ងៃពុធ ប៉ុន្តែប្រហែលជា មិនមានរយៈពេលជាច្រើនថ្ងៃ ដូចដែលបានកើតឡើងកាលពី ៤ ឆ្នាំមុន។
ទាំងលោកស្រី ហារីស និងលោក ត្រាំ បានប្រមូលផ្តុំក្រុមមេធាវីបោះឆ្នោត ដែលមានបទពិសោធន៍យ៉ាងច្រើន ដើម្បីប្រកួតប្រជែងភាព មិនប្រក្រតី ដែលពួកគេជឿថា អាចប៉ះពាល់ ដល់លទ្ធផល ចំពោះគុណវិបត្តិ របស់បេក្ខជន របស់ពួកគេ៕
ប្រែសម្រួលៈ ណៃ តុលា
