ភ្នំពេញ៖ ឧត្តមសេនីយ៍ឯក មុឹង ពន្លក អគ្គនាយក អគ្គនាយកដ្ឋានភស្តុភារ ហិរញ្ញវត្ថុ ក្រសួងការពារជាតិ និងជាប្រធានអនុគណៈកម្មការធានានៃគណៈកម្មការអន្តរក្រសួង នាថ្ងៃទី៦ ខែវិច្ឆិកា ឆ្នាំ២០២៤ បានអញ្ជើញចូលរួមត្រួតពិនិត្យទីតាំងលំហាត់សមយុទ្ធរួមរវាងកងទ័ព ៣ប្រទេស កម្ពុជា-ឡាវ-វៀតណាម នៅមជ្ឈមណ្ឌលហ្វឹកហ្វឺនកងរាជអាវុធហត្ថ «ភ្នំជុំសែនរីករាយ» ស្ថិតនៅភូមិសាស្រ្ត ភូមិច្រកកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ។
ដំណើរចុះត្រួតពិនិត្យនេះដឹកនាំនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ និងជាអនុប្រធានប្រចាំការនៃគណៈកម្មការអន្តរក្រសួង។
គួរបញ្ជាក់ផងដែរថា លំហាត់សមយុទ្ធរួមរវាង ៣ប្រទេស កម្ពុជា-ឡាវ-វៀតណាម នឹងប្រព្រឹត្តឡើងចំនួន៩ថ្ងៃ គឺចាប់ពីថ្ងៃទី១៧ ដល់២៥ ខែវិច្ឆិកា ឆ្នាំ២០២៤ ខាងមុខនេះ ៕
