កំពង់ធំ: ព្រឹកថ្ងៃទី១០ ខែវិច្ឆិកា ឆ្នាំ២០២៤ ដឹកនាំដោយលោកវរសេនីយ៍ឯក សន តាល់ បានចេញប្រតិបត្តិការ បង្ក្រាបទីតាំង ល្បែងស៊ីសងខុសច្បាប់ (មាន់ជល់ផ្ទាល់ដី) ចំនួន០១ ករណី ស្ថិតនៅចំណុច ក្នុងព្រៃចំការស្វាយចន្ទី តំបន់អូរក្បាលហុង ចំងាយពីភូមិជីវភាព ប្រហែល០៦គីឡូម៉ែត្រ ស្ថិតក្នុងភូមិសាស្រ្តភូមិជីវភាព ឃុំអណ្តូងពោធិ៍ ស្រុកតាំងគោក ខេត្តកំពង់ធំ។
ជាលទ្ធផល នៃកិច្ចប្រតិបត្តិការ កម្លាំងនគរបាលដកហូតបានវត្ថុតាងរួមមាន÷ ១.ម៉ូតូម៉ាកឌ្រីមសង់ចំនួន២០គ្រឿង។២.មាន់ជល់ចំនួន០៥ក្បាល ព្រមទាំងសម្ភារៈមួយចំនួនទៀត។ រីឯអ្នកញៀនល្បែងស៊ីសង រត់បាត់ស្រមោលពីកន្លែងកើតហេតុ ។ ករណីខាងលើនេះ សមត្ថកិច្ចជំនាញ កំពុងកសាងនីតិវិធីចាត់ការ តាមច្បាប់៕ដោយសំនៀង
