បរទេស៖ ឯកសារ និងការទំនាក់ទំនងផ្ទៃក្នុងដែលបានចែករំលែកជាមួយ The Sunday Guardian បានបង្ហាញ និងអះអាងថា បដិវត្តន៍ពណ៌ស្រដៀងនឹងអ្វីដែលបានឃើញនៅប្រទេសបង់ក្លាដែស ថ្មីៗនេះត្រូវបានប៉ុនប៉ង ហើយនៅតែត្រូវបានប៉ុនប៉ងប្រើនៅក្នុងប្រទេសកម្ពុជាដោយសង្គមស៊ីវិល និងរដ្ឋាភិបាលដែលមានមូលដ្ឋាននៅសហរដ្ឋអាមេរិក ។
យោងតាមសារព័ត៌មាន The Sunday Guardian ចេញផ្សាយនៅថ្ងៃទី១០ ខែវិច្ឆិកា ឆ្នាំ២០២៤ បានឱ្យដឹងថា យោងតាមអ៊ីមែលផ្ទៃក្នុង របាយការណ៍ និងឯកសារដែលបានចែករំលែកជាមួយ The Sunday Guardian ដែលជាភ្នាក់ងារចម្រុះដែលមានទីតាំងនៅសហរដ្ឋអាមេរិក និងប្រទេសដទៃទៀត ដោយសហការជាមួយ អ្នកប្រឆាំងនយោបាយនៅកម្ពុជា បានប្រើប្រាស់បញ្ហាតំបន់ត្រីកោណ អភិវឌ្ឍន៍កម្ពុជា-ឡាវ-វៀតណាម (CLV-DTA)។ កិច្ចព្រមព្រៀង ដើម្បីរុញរដ្ឋាភិបាលកម្ពុជាឱ្យការពារខ្លួន ហើយអនុវត្តប្រតិបត្តិការដ៏យូរអង្វែងមួយដើម្បីដករដ្ឋាភិបាល ដែលកំពុងកាន់អំណាច ចេញពីអំណាច និងព្រមព្រៀងដំឡើងអ្នកដែលគាំទ្រ ដោយទីក្រុងវ៉ាស៊ីនតោននៅក្នុងទីក្រុងភ្នំពេញ។
រដ្ឋាភិបាលកម្ពុជាបច្ចុប្បន្នដឹកនាំដោយនាយករដ្ឋមន្ត្រី ហ៊ុន ម៉ាណែត ដែលជាអនុប្រធានគណបក្សប្រជាជនកម្ពុជា។ សម្ដេចធិបតី ហ៊ុន ម៉ាណែត បានស្នងតំណែងពីឪពុក គឺសម្តេចតេជោ ហ៊ុន សែន ដែលបច្ចុប្បន្នកាន់តំណែងជាប្រធានព្រឹទ្ធសភា។ សម្តេចតេជោ ហ៊ុន សែន ធ្លាប់ធ្វើជានាយករដ្ឋមន្ត្រីកម្ពុជាពីឆ្នាំ ១៩៨៥ ដល់ឆ្នាំ ១៩៩៣ និងពីឆ្នាំ ១៩៩៨ ដល់ឆ្នាំ ២០២៣ និងជាប្រមុខរដ្ឋាភិបាលដែលកាន់អំណាចយូរជាងគេក្នុងប្រវត្តិសាស្ត្រកម្ពុជា។ សម្តេចតេជោក៏ជាប្រធានគណបក្សប្រជាជនកម្ពុជាដែរ។
កាលពីថ្ងៃទី២ ខែសីហា សម្ដេចធិបតី ហ៊ុន ម៉ាណែត បាននិយាយថា ប្រជាជនកម្ពុជាគួរតែប្រុងប្រយ័ត្ន ក្នុងការតវ៉ាប្រឆាំងនឹងរដ្ឋាភិបាល ដោយលើកឡើងពីបាតុកម្មនាពេលថ្មីៗនេះរបស់បង់ក្លាដែសនៅក្នុងរដ្ឋធានីរបស់ខ្លួន ដែលបណ្តាលឱ្យមេដឹកនាំប្រទេសនោះលាលែងពីតំណែង ហើយរត់ចេញពីប្រទេស។
សម្តេចធិបតី បាននិយាយខណៈដែលសំដៅទៅលើការតវ៉ាប្រឆាំងរដ្ឋាភិបាលដ៏ធំដែលគ្រោងធ្វើនៅថ្ងៃទី ១៨ ខែសីហា នៅទីក្រុងភ្នំពេញថា «ខ្ញុំមិនចង់ឃើញស្ថានភាពបែបនេះកើតឡើងនៅក្នុងប្រទេសកម្ពុជាទេ ជាពិសេសនៅភ្នំពេញ»។ ទោះយ៉ាងណា ការតវ៉ាមិនអាចក្លាយទៅជាព្រឹត្តិការណ៍ទ្រង់ទ្រាយធំបានទេ ដោយសាររដ្ឋាភិបាលដឹងជាមុន។
ក្រោយមក នៅថ្ងៃទី២០ ខែកញ្ញា សម្តេចធិបតី ម៉ាណែត បានប្រកាសថា កម្ពុជានឹងដកខ្លួនចេញពីកិច្ចព្រមព្រៀងតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) ខណៈលោកបញ្ជាក់ថា វិធានការនេះគឺមានគោលបំណង «ដកអាវុធពីក្រុមប្រឆាំង និងរក្សាសន្តិភាព និងសាមគ្គីភាព»។
យោងតាមមន្ត្រីដែលដឹងពីការវិវត្តន៍ទាំងនេះ ដែលបាននិយាយទៅកាន់ The Sunday Guardian សម្តេចធិបតី ហ៊ុន ម៉ាណែត បានសម្រេចចិត្តដកការចូលរួមរបស់កម្ពុជាពី CLV ដោយសារសម្តេចមិនចង់ឱ្យការតវ៉ាបន្ត និងបណ្តាលឱ្យមានជនស៊ីវិលស្លាប់បាត់បង់ជីវិត។
ប្រភពផ្លូវការបាននិយាយថា រហូតមកដល់ពេលនេះ សម្តេចបានបញ្ចៀការបង្ហាញពីធាតុចូល និងព័ត៌មានដែលបង្ហាញថាក្រុមប្រឆាំងរដ្ឋាភិបាលទាំងនេះ ត្រូវបានផ្តល់មូលនិធិដោយអង្គភាពដែលមានមូលដ្ឋាននៅអាមេរិករួមទាំងមូលនិធិសង្គមបើកចំហដ៏ល្បីល្បាញរបស់មហាសេដ្ឋី George Soros ផងដែរ។
CLV បានផ្តោតការយកចិត្តទុកដាក់បន្ទាប់ពីក្រុមប្រឆាំងទាំងក្នុង និងក្រៅប្រទេសបានចាប់ផ្តើមចោទប្រកាន់ថាកិច្ចព្រមព្រៀងនេះអាចនាំឱ្យកម្ពុជាប្រគល់ទឹកដីទៅឱ្យវៀតណាម ហើយបានប្រើវាដើម្បីអំពាវនាវឱ្យមានការតវ៉ាយ៉ាងទូលំទូលាយ និងការផ្តួលរំលំរដ្ឋាភិបាលជាយថាហេតុ។
ចៃដន្យ សម្តេចតេជោ ហ៊ុន សែន គឺជាអ្នកផ្តួចផ្តើមគំនិតផ្ទាល់លើកិច្ចព្រមព្រៀង CLV-DA ក្នុងឆ្នាំ១៩៩៩ ដើម្បីអភិវឌ្ឍខេត្តចំនួន៤ របស់កម្ពុជា គឺខេត្តរតនគិរី ក្រចេះ ស្ទឹងត្រែង និងមណ្ឌលគិរី តាមរយៈការពង្រឹង ទំនាក់ទំនងដឹកជញ្ជូន និងសកម្មភាពសេដ្ឋកិច្ចជាមួយឡាវ និងវៀតណាម។ ខណៈពេលដែលកិច្ចសហប្រតិបត្តិការបានចាប់ផ្តើមជាផ្លូវការ កិច្ចព្រមព្រៀង ឆ្នាំ ២០០៤ កិច្ចព្រមព្រៀងនេះបានអនុញ្ញាតឱ្យ មានលំហូរដោយសេរីនៃប្រជាពលរដ្ឋដែលរស់នៅក្នុងខេត្តទាំងនេះ ចូលទៅក្នុងប្រទេសពីរផ្សេងទៀត ដើម្បីធ្វើពាណិជ្ជកម្ម និងការវិនិយោគ។
អ្នកដែលប្រឆាំង នឹងកិច្ចព្រមព្រៀងអះអាងថា ការផ្តល់សម្បទានដីកសិកម្មរាប់ទសវត្សរ៍ ទៅឱ្យអ្នកវិនិយោគវៀតណាម និងឡាវ នឹងនាំឱ្យបាត់បង់ការគ្រប់គ្រងដីខ្មែរ មួយចំណែកធំ។
CLV “គឺជាការបិទបាំងសម្រាប់ការកាប់បំផ្លាញព្រៃឈើខុសច្បាប់បន្ថែមទៀត ការបណ្តេញចេញពីដីធ្លី និងការកេងប្រវ័ញ្ចធនធានធម្មជាតិ ដើម្បីផលប្រយោជន៍បរទេស” មេដឹកនាំគណបក្សប្រឆាំង ដែលកំពុងនិរទេសខ្លួនលោកស្រី មូរ សុខហួរ បានសរសេរនៅពេលដែលការតវ៉ាថ្ងៃទី១៨ ខែសីហា នៅតែមិនទាន់រលត់នៅឡើយទេ៕
ប្រែសម្រួលៈ ណៃ តុលា
