កំពង់ធំ: មន្ត្រីការិយាល័យដែនជម្រកសត្វព្រៃព្រៃឡង់ស្នាក់ការរងតំបន់ តាឡេង បានរួមសហការជាមួយ នឹងស្នាក់ការ ព្រះអាទិត្យ.ស្នាក់ការអូរតាលោក.និងស្នាក់ការ.អូរងាវ ជាច្រើនរូបបានចុះល្បាត ដើម្បីថែរក្សាការពារដែន ជម្រកសត្វព្រៃព្រៃឡង់ ។
នៅក្នុងកិច្ចប្រតិបត្តិការនេះ កងកម្លាំងមន្ត្រីបរិស្ថាន បានចេញពីស្នាក់ការព្រះអាទិត្យល្បាត ដល់ចំណុចអូរតាប៉ងចំណុចUTM 56 0778.1438727កងកម្លាំងបានកម្ទេចជំរុំអាឈើមួយកន្លែង។ បន្ទាប់មកកងកម្លាំងបានចុះល្បាត ដល់តំបន់អូតាប៉ង ដែលមានUTM 561070.1439223 ក៏បានជួបប្រទះដីព្រៃកាប់រៀនថ្មីៗ មួយកន្លែងនៅក្នុងអំឡុងខែ 10 ចំនួនប្រហែល1.20ហិតា។
ក្រោយពីបានជួបប្រទះដីព្រៃដែលត្រូវបានគេលួចកាត់ទន្ទ្រានរៀនយកនោះកងកម្លាំងក៏បានបន្តរដំណើរឆ្ពោះទៅដល់តំបន់អូរតាប៉ង ចំណុចយូធីអឹម 56 0478.14 39 858 ក៏បានធ្វើប្រទះជាមួយនឹងជនសង្ស័យ 1នាក់ដែលកំពុងតែលាក់ខ្លួន ពួនសម្ងំអាឈើក្នុងព្រៃព្រៃឡង់ ហើយក៏បានធ្វើការឃាត់ខ្លួន និងបានដកហូតម៉ាស៊ីនរណាន្តមួយគ្រឿង និងកាំភ្លើងហ្គាសមួយដើមទៀតផង។
ជនជាប់សង្ស័យគឺមានឈ្មោះឃីម រដ្ឋាអាយុ 38 ឆ្នាំនៅភូមិ រ៉ងខ្នាយ ឃុំមានឫទ្ធិស្រុកសណ្ដាន់ខេត្តកំពង់ធំ។
បច្ចុប្បន្នជនជាប់សង្ស័យ ត្រូវបានបញ្ជូនទៅកាន់មន្ទីរបរិស្ថាន ខេត្តកំពង់ធំ ដើម្បីចងក្រងសំណុំរឿង អនុវត្តទៅតាមនីតិវិធីច្បាប់៕ដោយសំនៀង
