ភ្នំពេញ៖ សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា បានឆ្លៀតពេលក្នុងការស្រស់ស្រូបអាហារ ពេលព្រឹកជាមួយចៅប្រុស មុនពេលដែលសម្ដេចអញ្ជើញចាកចេញពីទីក្រុងឌូបៃ ឆ្ពោះមកកាន់រាជធានីភ្នំពេញវិញ នៅម៉ោង៩ព្រឹកនេះ។
នៅលើបណ្ដាញទំនាក់ទំនង សង្គមហ្វេសប៊ុក សម្ដេចតេជោ ហ៊ុន សែន បានសរសេរយ៉ាងដូច្នេះថា៖ «ស្រស់ស្រូបពេលព្រឹកជាមួយចៅដែលមកពីអឺរ៉ុបយប់មុិញ។ ខ្ញុំនឹងចាកចេញពីAbu Dhabi រដ្ឋធានីអារ៉ាប់អេមីរ៉ាត UAE នៅម៉ោង 9.00ព្រឹកនេះ បន្ទាប់ពីបញ្ចប់ទស្សនកិច្ច ដោយជោគជ័យ។ រយៈពេលហោះ6ម៉ោង26នាទីដែល ខ្ញុំនឹងទៅដល់ភ្នំពេញ ម៉ោង6 និង26នាទីល្ងាចនេះ។ រីករាយចុងសប្តាហ៍លើកលែងតែខ្ញុំនៅលើអាកាស»។
សូមរំលឹកថា សម្ដេចតេជោ ហ៊ុន សែន ប្រធានព្រឹទ្ធសភានិងគណៈប្រតិភូនៃព្រះរាជាណាចក្រកម្ពុជា នឹងអញ្ជើញធ្វើមាតុភូមិនិវត្តន៍ ក្រោយបញ្ចប់ទស្សនកិច្ចផ្លូវការរយៈពេល៧ថ្ងៃ នៅក្នុងប្រទេសអារ៉ាប៊ីសាអូឌីត, រដ្ឋកាតា ,សាធារណរដ្ឋតួកគីយ៉េ និងអេមីរ៉ាតអារ៉ាប់រួម៕
