បរទេស៖ យោងតាមការចេញផ្សាយរបស់ RT ប្រធានាធិបតីរុស្ស៊ី លោក Vladimir Putin បានអនុម័តលើទីតាំងប្រទេសស្លូវ៉ាគី ជាទីតាំងសមរម្យសម្រាប់ការចរចា អនាគតដ៏មានសក្តានុពលលើ ការដោះស្រាយជម្លោះអ៊ុយក្រែនផងដែរ។
ថ្លែងកាលពីថ្ងៃព្រហស្បតិ៍នៅក្នុង សន្និសីទសារព័ត៌មានមួយ បន្ទាប់ពីកិច្ចប្រជុំកំពូល EAEU នៅទីក្រុង St. Petersburg មេដឹកនាំរុស្ស៊ីបានបញ្ជាក់ថាប្រទេស EU មួយនេះបានត្រៀមខ្លួនជាស្រេច ដើម្បីធ្វើជាម្ចាស់ផ្ទះកិច្ចចរចាសន្តិភាព។
គំនិតនេះត្រូវបានគេរាយការណ៍ថា បានបង្ហាញឡើងនៅក្នុងអំឡុងពេល កិច្ចប្រជុំរបស់លោក Putin ក្នុងសប្តាហ៍នេះជាមួយនឹងនាយករដ្ឋមន្ត្រីស្លូវ៉ាគីលោក Robert Fico។
ប្រទេសស្លូវ៉ាគីបានតស៊ូមតិយ៉ាងខ្ជាប់ខ្ជួននូវដំណោះស្រាយដោយសន្តិវិធីចំពោះជម្លោះអ៊ុយក្រែន ដោយបង្វែរពីប្រទេស EU ផ្សេងទៀតដោយប្រឆាំងនឹង ការផ្គត់ផ្គង់អាវុធដល់ក្រុងគៀវ។ ជំហររបស់ខ្លួនដាក់ប្រទេសជាអ្នកសម្រុះសម្រួល អព្យាក្រឹតដ៏មានសក្ដានុពល នេះបើតាមលោក Putinបានពន្យល់។
គួរឲ្យដឹងដែរថាការរំពឹងទុកអំពី កិច្ចចរចាសន្តិភាពរុស្ស៊ីនិងអ៊ុយក្រែន ទទួលបានសន្ទុះជាបន្ទាប់ពី ជ័យជម្នះរបស់លោក Donald Trump ក្នុងការបោះឆ្នោតប្រធានាធិបតីអាមេរិកកាលពីខែមុន៕
ប្រែសម្រួល៖ ស៊ុន លី
