បរទេស៖ សារព័ត៌មាន CBS បានរាយការណ៍ថា ក្រសួងសន្តិសុខមាតុភូមិរបស់សហរដ្ឋអាមេរិក (DHS) បានផ្អាកទទួលពាក្យស្នើសុំ Green Card ដែលដាក់ដោយជនអន្តោប្រវេសន៍ ដែលបានផ្តល់សិទ្ធិជ្រកកោន ឬស្ថានភាពសិទ្ធិជ្រកកោណ។ ការសម្រេចចិត្តនេះទាក់ទងនឹងបញ្ជាប្រតិបត្តិចំនួនពីរ ដែលចុះហត្ថលេខាដោយលោក Trump កាលពីដើមឆ្នាំនេះ។
យោងតាមសារព័ត៌មាន RT ចេញផ្សាយនៅថ្ងៃទី២៦ ខែមីនា ឆ្នាំ២០២៥ បានឱ្យដឹងថា សេវាសញ្ជាតិ និងអន្តោប្រវេសន៍សហរដ្ឋអាមេរិក (USCIS) តាមសេចក្តីរាយការណ៍ បានណែនាំមន្ត្រីឱ្យផ្អាកលើសំណើសុំសិទ្ធិ ស្នាក់នៅអចិន្ត្រៃយ៍ស្របច្បាប់ ដោយទុកជនភៀសខ្លួន និងអ្នកស្វែងរកសិទ្ធិជ្រកកោន ឱ្យទៅជា “ភាពមិនច្បាស់លាស់”។ វាមិនច្បាស់ទេថានៅពេលណា ដែលដំណើរការនឹងបន្តនោះទេ។
នៅក្នុងសេចក្តីថ្លែងការណ៍មួយទៅកាន់ CBS, ក្រសួងសន្តិសុខមាតុភូមិរបស់សហរដ្ឋអាមេរិក បានលើកឡើងពី “ការផ្អាកបណ្តោះអាសន្នលើការបញ្ចប់ការ កែសម្រួលជាក់លាក់នៃកម្មវិធីស្ថានភាពនេះ ដោយរង់ចាំការបញ្ចប់ការពិនិត្យ និងការពិនិត្យបន្ថែមដើម្បីកំណត់អត្តសញ្ញាណ ការក្លែងបន្លំដែលអាចកើតមាន សុវត្ថិភាពសាធារណៈ ឬកង្វល់សន្តិសុខជាតិ ស្របតាមសកម្មភាពប្រតិបត្តិរបស់លោក Trump ។
ជាពិសេស ការផ្លាស់ប្តូរនេះត្រូវបានចងភ្ជាប់ទៅនឹង បទបញ្ជាប្រតិបត្តិដែលមានគោលបំណង ការពារសហរដ្ឋអាមេរិកពី “ភេរវករបរទេស” និងការគំរាមកំហែងផ្សេងទៀត។
កាលពីដើមខែនេះ ក្រសួងសន្តិសុខមាតុភូមិរបស់សហរដ្ឋអាមេរិក បានណែនាំជនចំណាកស្រុកជាង ៥សែននាក់មកពីប្រទេសគុយបា ហៃទី នីការ៉ាហ្គា និងវេណេហ្ស៊ុយអេឡា ដែលបានចូលអាមេរិកក្រោមកម្មវិធី លើកលែងរបស់អតីតប្រធានាធិបតី Joe Biden ឱ្យចាកចេញពីប្រទេសក្នុងរយៈពេល ៣០ ថ្ងៃ ឬប្រឈមមុខនឹងការនិរទេស ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
