ភ្នំពេញ៖ អង្គភាពអ្នកនាំពាក្យរាជរដ្ឋាភិបាល (អ.អ.រ) ប្រគល់បណ្ណសរសើរជូន មជ្ឈមណ្ឌលព័ត៌មានដើមអម្ពិល បន្ទាប់ពីបានចូលរួមយ៉ាងសកម្ម ក្នុងការផ្សព្វផ្សាយគោលនយោបាយ និងសមិទ្ធផលនានារបស់រាជរដ្ឋាភិបាល នីតិកាលទី៧ នៃរដ្ឋសភា ព្រមទាំងសកម្មភាពប្រតិកម្ម និងបុរេសកម្មនានា របស់អង្គភាពអ្នកនាំពាក្យរាជរដ្ឋាភិបាល (អ.អ.រ)។
លោក សយ សុភា និពន្ធនាយកនៃសារព័ត៌មានដើមអម្ពិល ក៏បានអញ្ជើញចូលរួមទទួលដោយផ្ទាល់ ក្នុងពិធីសំណេះសំណាល និងពិសារអាហារជាមួយអ្នកសារព័ត៌មាន នាថ្ងៃទី២ ខែមេសា ឆ្នាំ២០២៥នេះ នៅភោជនីយដ្ឋាន ទន្លេបាសាក់ ២ ក្រោមអធិបតីភាព លោក ប៉ែន បូណា រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រធានអង្គភាពអ្នកនាំពាក្យរាជរដ្ឋាភិបាល។
តាមរយៈបណ្ណសរសើរ របស់អង្គភាពអ្នកនាំពាក្យរាជរដ្ឋាភិបាល បានសរសេរថា «សូមកោតសរសើរ និងថ្លៃអំណរគុណយ៉ាងជ្រាវចំពោះ សារព័ត៌មានដើមអម្ពិល ដែលបានចូលរួមយ៉ាងសកម្ម ក្នុងការផ្សព្វផ្សាយគោលនយោបាយ និងសមិទ្ធផលនានារបស់រាជរដ្ឋាភិបាល នីតិកាលទី៧ នៃរដ្ឋសភា ព្រមទាំងសកម្មភាពប្រតិកម្ម និងបុរេសកម្មនានា របស់អង្គភាពអ្នកនាំពាក្យរាជរដ្ឋាភិបាល (អ.អ.រ)»៕







