បរទេស៖ កាបូបរបស់រដ្ឋមន្ត្រីសន្តិសុខមាតុភូមិអាមេរិក គឺលោកស្រី Kristi Noem ត្រូវបានគេលួចកាលពីយប់ថ្ងៃអាទិត្យ ខណៈពេលដែលលោកស្រីកំពុងពិសារអាហារ នៅភោជនីយដ្ឋានមួយក្នុងទីក្រុង Washington, DC , នេះបើតាមប្រភពសមត្ថកិច្ចពីរ បានបញ្ជាក់ប្រាប់ CNBC ។
យោងតាមសារព័ត៌មាន CNBC ចេញផ្សាយនៅថ្ងៃទី២១ ខែមេសា ឆ្នាំ២០២៥ បាឆនឱ្យដឹងថា អ្នកនាំពាក្យក្រសួង សន្តិសុខមាតុភូមិអាមេរិក បាននិយាយកាលពីថ្ងៃចន្ទថា កាបូបរបស់លោកស្រី Noem មានសាច់ប្រាក់ប្រហែល ៣.០០០ ដុល្លារ ដែលលោកស្រីបានដកសម្រាប់អាហារពេលល្ងាច និងអំណោយថ្ងៃបុណ្យ Easter និងសកម្មភាពផ្សេងៗ។
កាបូបនោះក៏មានលិខិតឆ្លងដែនរបស់លោកស្រី Noem គ្រឿងសម្អាង សែក ប័ណ្ណបើកបរ កូនសោ និងថ្នាំពេទ្យផងដែរ នេះបើយោងតាម CNN ដែលបានរាយការណ៍ជាលើកដំបូងពីការលួច។
ទីភ្នាក់ងារព័ត៌មាន CNN បានរាយការណ៍ថា សេវាសម្ងាត់របស់សហរដ្ឋអាមេរិក បានពិនិត្យមើលវីដេអូសុវត្ថិភាព ដែលបង្ហាញពីបុរសស្បែកសមិនស្គាល់អត្តសញ្ញាណម្នាក់ ដែលពាក់ម៉ាស់ពេទ្យ ឆក់យកកាបូបនោះ។
លោកស្រីបានប្រាប់ NBC News ថា សេវាសម្ងាត់បានដឹងអំពីឧបទ្ទវហេតុនេះ ប៉ុន្តែលោកស្រីមិនទាន់បាននិយាយទៅកាន់ទីភ្នាក់ងារអំពីរឿងនេះនៅឡើយទេ៕
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
