ភ្នំពេញ៖ នៅព្រឹកថ្ងៃទី១១ ខែមិថុនា ឆ្នាំ២០២៥នេះ លោកស្រី ចាយ ច័ន្ទរ៉ានី ភរិយាឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ រួមនិងយោធិននារី កងពលតូចដឹកជញ្ជូនលេខ៩៩ បានរៀបចំបាយសម្លរជាលើកទីពីរ ចែកជូនដល់បងប្អូនវីរៈកងទ័ពដែលកំពុងឈរជើងនៅសមរភូមិមុខ នៅតំបន់ប្រាសាទតាមាន់។
ជាមួយនឹងការចុះចែកអាហារ ដែលធ្វើដោយខ្លួនឯងរបស់យោធិននារី នៃកងពលតូចដឹកជញ្ជូន លេខ៩៩នេះ ក៏បាននាំយកយកគ្រឿងឧបភោគបរិភោគមួយចំនួន ចែកជូនដល់បងប្អូនកងទ័ពការពារព្រំ ដែនផងដែរ ដោយក្នុងនោះរួមមាន៖
-ទឹកសុទ្ធ ៣០កេស
-ទឹកត្រី ៦០យួរ
-ទឹកស៊ីអ៉ីវ ៦០យួរ
-សៀង ៣ប៊ីដុង
-អង្ករ២៥០គីឡូក្រាម
-ប្រេងកូឡា ១២០ដប
-ធូបមូស ១០០ប្រអប់
-តង់ ២ដុំ
-ខ្សែតង់ ១ដុំ
-គុយទាវ ៣កេស
-ស្ករត្នោត៤៣គីឡូក្រាម
-ទឹកផ្លែឈើ ២០កេស
-កាហ្វេ១០កញ្ចប់
-មី១០កេស
-ប្រហុក១០គីឡូក្រាម
-សាច់គោ ២០គីឡូក្រាម
-ប្រហុកចិញ្ច្រាំ ១១០០កំប៉ុង
-បាយសម្លរម្ជូរគ្រឿង ១១០០ប្រអប់
និងថវិកា ៤លានរៀល
សូមបញ្ជាក់ថា នេះជាលើកទីពីរហើយ ដែលកងទ័ពនារី នៃកងពលតូចដឹកជញ្ជូនលេខ៩៩ ដែល ដឹកនាំដោយលោកស្រី ចាយ ច័ន្ទរ៉ានី ដែលបានធ្វើម្ហូបអាហារ និងយកគ្រឿងឧបភោគ បរិភោគចែកជួន ដល់បងប្អូនវីរៈកងទ័ពជួរមុខ នៅតំបន់ប្រាសាទតាមាន់នោះ៕
