បេរូត៖ មេដឹកនាំក្រុមហេសបូឡា លោក ណាអ៊ីម កាសេម បានបញ្ជាក់ជាថ្មី នៅថ្ងៃពុធថា ក្រុមលីបង់ នឹងមិនបោះបង់ចោល អាវុធរបស់ខ្លួនឡើយ ដោយលើកឡើងពី “ការគំរាមកំហែងពិតប្រាកដ និងជាយុទ្ធសាស្ត្រ” ពីអ៊ីស្រាអែល។ ថ្លែងក្នុងអំឡុងពេលព្រឹត្តិការណ៍ក្រុមប្រឹក្សា Ashura នៅជាយក្រុងភាគខាងត្បូង នៃទីក្រុងបេរ៉ូត លោក Qassem បានលើកឡើងថា “អាវុធរបស់យើង គឺសម្រាប់ប្រឈមមុខនឹងអ៊ីស្រាអែល ហើយយើងនឹងមិនបោះបង់សិទ្ធិនេះឡើយ”។
សុន្ទរកថារបស់លោក កាសេម ដែលត្រូវបានចាក់ផ្សាយដោយប៉ុស្តិ៍ទូរទស្សន៍ al-Manar កើតឡើងចំពេលមានការអំពាវនាវ ឱ្យលីបង់អះអាងការគ្រប់គ្រងរដ្ឋកាន់តែខ្លាំងលើក្រុមប្រដាប់អាវុធទាំងអស់នៅក្នុងទឹកដីរបស់ខ្លួន នេះបើយោងតាមការចុះ ផ្សាយរបស់ទីភ្នាក់ងារសារព័ត៌មានចិនស៊ិនហួ។
ក្រុមហេសបូឡា បានទទូចថាអាវុធ របស់ខ្លួនមានសារៈសំខាន់ សម្រាប់ការពារ ប្រទេស លីបង់ប្រឆាំង នឹងការឈ្លាន ពានរបស់អ៊ីស្រាអែល ។ លោក កសេម បានឲ្យដឹងនៅក្នុងសុន្ទរកថា របស់លោកថា “អ៊ីស្រាអែល គឺជាការគំរាមកំហែង ពិតប្រាកដ និងជាយុទ្ធសាស្ត្រ មិនត្រឹមតែចំពោះប៉ាឡេស្ទីន និងលីបង់ប៉ុណ្ណោះទេ ប៉ុន្តែសម្រាប់តំបន់ទាំងមូល យើងជាគណបក្សប្រឆាំង កាតព្វកិច្ចរបស់យើង គឺទប់ទល់ និងប្រឈមមុខ”។
លោក កាសេម ក៏បានច្រានចោល រាល់ការជ្រៀតជ្រែក របស់បរទេសនៅក្នុងកិច្ចការផ្ទៃក្នុង របស់ប្រទេសលីបង់ ដោយកត់សម្គាល់ថា “បញ្ហាដូចជាអាវុធគឺជាបញ្ហាផ្ទៃក្នុង ដែលត្រូវដោះស្រាយក្នុងចំណោមប្រជាជនលីបង់។ អ៊ីស្រាអែល គ្មានសិទ្ធិធ្វើអន្តរាគមន៍ ត្រួតពិនិត្យ ឬតាមដានកិច្ចសន្ទនាជាតិ របស់យើងនោះទេ”៕
ប្រែសម្រួល ឈូក បូរ៉ា
