មន្ទីរការងារខេត្តត្បូងឃ្មុំ កំពុងខិតខំរកការងារឱ្យពលករខ្មែរត្រឡប់មកពីថៃ
By
Posted on
ត្បូងឃ្មុំ៖ លោក អ៊ុំ វាសនា ប្រធានមន្ទីរការងារនិងបណ្តុះបណ្តាលវិជ្ជាជីវៈខេត្តត្បូងឃ្មុំ បានបង្ហាញពីវឌ្ឍនភាពនៃពលករខ្មែរត្រឡប់មកពីប្រទេសថៃ ក្នុងស្រុកក្រូចឆ្មារ ដែលក្នុងនោះមានពលករសរុបចំនួន ៧៥០នាក់ ស្រី ២៧៩នាក់ ពលករបានការងារធ្វើមាន ២០២នាក់ ស្រី ៧០នាក់ ពលករមកប្រកបរបរផ្ទាល់ខ្លួន មាន ២០១នាក់ ស្រី ៨១នាក់ ពលករមិនទាន់បានការងារធ្វើមាន ៣៤៧នាក់ ស្រី១២៨នាក់ផងដែរ។
លោកបន្តថា បច្ចុប្បន្នមន្ទីរការងារកំពុងធ្វើការយ៉ាងសស្រាក់ស្រស្រាំក្នុងការជួយសម្របសម្រួលដល់ពលករដែលត្រឡប់មកពីប្រទេសថៃឱ្យទទួលបានការងារធ្វើ ដោយក្នុងនោះចំពោះបងប្អូនពលករណាដែលមិនទាន់ទទួលបានការងារធ្វើសូមធ្វើការទំនាក់ទំនងមកមន្ទីរការងារ ក្រុមការងារនឹងសម្របសម្រួលភ្លាមៗ ឬអាចទាក់ទងបានតាមរយៈលេខទូរសព្ទ១២៩៧ ដើម្បីសួរនាំព័ត៌មាន៕
ផ្ទាំងពាណិជ្ជកម្ម
អត្ថបទ:ជឿន សុធន l ត្បូងឃ្មុំ l ដើមអម្ពិល l
