កម្ពុជា មិនគាំទ្រការផ្សាយព័ត៌មានមិនពិត និងចែក រំលែកព័ត៌មានមិនពិត ព្រោះមិនបានបន្ថយភាពតានតឹង
By
Posted on
ភ្នំពេញ ៖ លោកស្រី ម៉ាលី សុជាតា អ្នកនាំពាក្យក្រសួងការពារជាតិ បានលើកឡើងថា កម្ពុជាមិនគាំទ្រ ជាដាច់ខាត ចំពោះការផ្សព្វផ្សាយព័ត៌មានមិនពិត ការចែករំលែកព័ត៌មានមិនពិត ឬការផលិតព័ត៌មានក្លែងក្លាយណាមួយ ព្រោះទង្វើទាំងនេះ មិនបានជួយដល់ការបន្ធូរបន្ថយភាពតានតឹង រវាងកម្ពុជានិងថៃនោះទេ។
លោកស្រីថា រាល់ព័ត៌មានក្លែងក្លាយទាំងនេះ មិនបានបន្ធូរបន្ថយភាពតានតឹងហើយ ថែមទាំងបង្កផលប៉ះពាល់ អវិជ្ជមាន ទៅលើសតិអារម្មណ៍ របស់សាធារណមតិ និងមិនបានជួយដល់បរិយាកាស អំណោយផល សម្រាប់កិច្ចសន្ទនាផងដែរ រវាងភាគីកម្ពុជានិងថៃ ។
ផ្ទាំងពាណិជ្ជកម្ម
នេះជាប្រសាសន៍របស់លោកស្រីអ្នកនាំពាក្យ ក្នុងសេចក្តីសង្ខេបព័ត៌មាន ប្រចាំថ្ងៃ ស្តីពី «លទ្ធផលនៃការអនុវត្តបទ ឈប់បាញ់រវាងកម្ពុជា-ថៃ» នៅល្ងាចថ្ងៃ ទី២៩ សីហា ៕
