លោក ចាន់ យុត្ថា បានលើកឡើងថា ប្រជាការពារដើរតួយ៉ាងសំខាន់ក្នុងគោលនយោបាយភូមិឃុំមានសុវត្ថិភាព!
កំពង់ធំ៖ លោក ចាន់ យុត្ថា រដ្ឋលេខាធិការក្រសួងធនធានទឹក និងឧតុនិយម និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំប្រឡាយ និងឃុំពពក បានអញ្ជើញជាអធិបតីក្នុងពិធីប្រគល់ ឯកសណ្ឋានជូនប្រជាការពារចំនួន១៣៣កំប្លេនៅមូលដ្ឋានឃុំប្រឡាយ ស្រុកស្ទោង ខេត្តកំពង់ធំ នាព្រឹកថ្ងៃទី៣១ ខែសីហា ឆ្នាំ២០២៥នេះ។
នៅក្នុងឱកាសនោះលោក ចាន់ យុត្តា បានសម្ដែងនៅការអរគុណនិងលើកទឹកចិត្តខ្ពស់បំផុតដល់បងប្អូនប្រជាការពារដែលបានលះបង់សព្វបែបយ៉ាងក្នុងការចូលរួមចំណែករក្សានិងលើកកម្ពស់សុវត្ថិភាពមូលដ្ឋានបានល្អប្រសើរកន្លងមក។
សូមបញ្ជាក់ថាក្នុងឧកាសនេះឯកឧត្តមបានឧបត្ថម្ភដល់ប្រជាការពារក្នុង១នាក់ចំនួន ២ម៉ឺនរៀល ហើយបានឆ្លៀតសួរសុខទុក្ខ និងលើកទឹកចិត្តវីរៈកងទ័ពជួរមុខ ពលបាលទោ ផាត សំណាង នៅភូមិក្រែក ឃុំប្រឡាយ ស្រុកស្ទោង ខេត្តកំពង់ធំ ប្រចាំការសមរភូមិមុខទិសប្រាសាទព្រះវិហារ និងបានឧបត្ថម្ភថវិកា ៥០ម៉ឺនរៀលផងដែរ៕
ដោយ៖សំនៀង/កំពង់ឆ្នាំង/ដើមអម្ពិល
