ទឹកស្ទឹងប៉ៃលិនបានស្រក វិលមករកសភាពធម្មតាវិញហើយ គិតត្រឹមម៉ោង ៤រសៀលនេះ

ប៉ៃលិន ៖ អភិបាលក្រុងប៉ៃលិន លោក លី សុងហ៊ី បានឱ្យដឹងតាមរយៈទូរស័ព្ទថា គិតត្រឹមម៉ោង៤រសៀលថ្ងៃទី៣១ ខែសីហា ឆ្នាំ២០២៥នេះ ទឹកស្ទឹងប៉ៃលិន ដែលមានទីតាំងក្រុងប៉ៃលិន បានស្រកចុះ និងបានវិលមករកសភាពធម្មតាវិញហើយ ។ ជាធម្មតាទៅហើយគ្រោះធម្មជាតិ ឬទឹកស្ទឹងហក់ឡើងបែបនេះ តែងស្រកទៅវិញ ក្រោយពីមានការថមថយ នៃទឹកភ្លៀងប៉ែកលើភ្នំ ។ ទឹកស្ទឹងនៅប៉ៃលិននេះឡើងលឿន ហើយក៏ស្រកលឿនផងដែរ ព្រោះនេះជាតំបន់ភ្នំ។