ក្រុមហ៊ុនអន្តរជាតិ និងជាតិល្បីជាង ២០០ បានបង្ហាញវត្តមាន ក្នុងពិព័រណ៍ពាណិជ្ជកម្ម អន្តរជាតិ កំពូលនៅកម្ពុជា
ភ្នំពេញ ៖ ក្រោមបរិយាកាសកក្រើក នៃរាជធានីភ្នំពេញ ដែលកំពុងផ្លាស់ប្តូរយ៉ាងឆាប់រហ័ស កម្ពុជាកំពុងចូល ទៅកាន់ដំណាក់កាលថ្មី ដ៏មានសន្យា ដោយមានសញ្ញាវិជ្ជមានមកពីវិស័យសេដ្ឋកិច្ច ពាណិជ្ជកម្ម និងបច្ចេកវិទ្យា នៅថ្ងៃទី ១៧ ខែកញ្ញា ឆ្នាំ ២០២៥ នៅ សល H, DIECC (កោះពេជ្រ) រាជធានីភ្នំពេញ នឹងប្រព្រឹត្តទៅជាដំណើរ ការបើកផ្លូវការ នៃស៊េរីពិព័រណ៍អន្តរជាតិនានា ស្តីពីកសិកម្ម ចិញ្ចឹមសត្វ វារីវប្បកម្ម សម្ផស្ស ឱសថវិទ្យា មន្ទីរពិសោធន៍ ឧបករណ៍វេជ្ជសាស្ត្រ អាហារ និងភេសជ្ជៈ និងឧស្សាហកម្មសត្វចិញ្ចឹម ។
នេះគឺជាពិព័រណ៍ពាណិជ្ជកម្មអន្តរជាត្រដែលធ្វើឡើងប្រចាំឆ្នាំ ដោយរៀបចំកិច្ចការដោយ ក្រុមហ៊ុន Minh Vi Exhibition and Advertisement Services Co., Ltd (VEAS) ជាមួយនឹងការគាំទ្រពីក្រសួងពាណិជ្ជកម្ម ក្រសួងកសិកម្ម រុក្ខាប្រមាញ់ និងនេសាទ (MAFF) ក្រសួងសុខាភិបាល សភាពាណិជ្ជកម្មកម្ពុជា (CCC)សម្ព័ន្ធសហគមន៍កសិកម្មកម្ពុជា (CACA) សមាគមសហព័ន្ធកសិករកម្ពុជានៃអ្នកផលិតកសិកម្ម (CFAP Cambodia) សមាគមអ្នកចិញ្ចឹមត្រីកម្ពុជា (CAA) សមាគមអ្នកចិញ្ចឹមសត្វកម្ពុជា (CLRA) សមាគមពាណិជ្ជកម្មកម្ពុជា (CBA) និងសមាគមបណ្តាញកសិករទេជោ។
ក្រៅពីនេះក៏មានការគាំទ្រ ពីសមាគមចិញ្ចឹមសត្វជ្រុំរបស់វៀតណាម សមាគមជីវៀតណាម (FAV) សមាគមថ្នាំសត្វ ល្បាយវៀតណាម (VIPA) សមាគមពេទ្យកែសម្ផស្ស និងឡេសឺរកម្ពុជា (CAMLA) សមាគមស្ប៉ា និងសុខភាពកម្ពុជា (CS WA) សមាគមអភិវឌ្ឍវិទ្យាសាស្ត្រមន្ទីរពិសោធន៍ (AMLD) សមាគមឧបករណ៍វេជ្ជសាស្ត្រទីក្រុងហូជីមិញ (HMEA) និងសហព័ន្ធម្រេច និងគ្រឿងទេសកម្ពុជា (CPSF)។ បន្ថែមពីនេះ ក៏មានការចូលរួមគាំទ្រពីស្ថាប័នឯកទេសផ្សេងៗ និងសមាគមជាច្រើនទៀតផងដែរ ។
ពិព័រណ៍នឹងប្រព្រឹត្តទៅចាប់ពីថ្ងៃទី ១៧ ដល់ ១៩ ខែកញ្ញា ឆ្នាំ ២០២៥ នៅសាល H និង G, DIECC (កោះពេជ្រ) រាជធានីភ្នំពេញ។ កម្មវិធីនេះនឹងមានអ្នកតាំងពិព័រណ៍ជាង ២០ ឈ្មោះក្រុមហ៊ុន ពីលើស ១០ ប្រទេស និងតំបន់ ដែលនាំមកដង្ហែសម្ភារៈផលិតផល បច្ចេកវិទ្យា និងសេវាកម្មដ៏ឆ្នើមរបស់ពួកគេ លើផ្ទៃតាំងពិព័រណ៍សរុប ២,៥០០ ម៉ែត្រការ៉េ។ ស៊េរីពិព័រណ៍នេះរំពឹងទទួលបានភ្ញៀវពាណិជ្ជកម្មជាង ៣,០០០នាក់ ពីទូទាំងប្រទេសកម្ពុជា និងប្រទេសក្នុងតំបន់។ កម្មវិធីនេះក៏នឹងក្លាយជាវេទិកាពាណិជ្ជកម្មដ៏ពិសេសសម្រាប់សហគ្រាសកម្ពុជា ក្នុងការអភិវឌ្ឍអាជីវកម្ម និងបណ្តាញអន្តរជាតិរបស់ខ្លួន ។
វេទិកាដ៏មានឥទ្ធិពលសម្រាប់អាជីវកម្មក្នុងស្រុក និងអន្តរជាតិក្នុងរយៈពេលចុងក្រោយនេះ កម្ពុជាបានឃើញនូវកំណើន GDP យ៉ាងមានស្ថិរភាព បរិយាកាស វិនិយោគកាន់តែប្រសើរ និង ការបំរើបច្ចេកវិទ្យាឌីជីថល កាន់តែរហ័ស ក្នុងវិស័យជាច្រើន។ រដ្ឋាភិបាល និងស្ថាប័នឯកទេសកំពុងបង្កើតមូលដ្ឋានគ្រឹះរឹងមាំសម្រាប់សេដ្ឋកិច្ចទំនើប ដោយកសិកម្មបច្ចេកវិទ្យាខ្ពស់ សុខាភិបាល សម្ផស្ស និងផលិតផលអាហារជាគ្រោងឆ្អឹងសំខាន់។ ក្នុងចរន្តនោះ ស៊េរីពិព័រណ៍ឆ្នាំនេះក្លាយជាចំណុចផ្ដោតសំខាន់សម្រាប់និន្នាការថ្មីៗ បច្ចេកវិទ្យាកម្រិតខ្ពស់ និងដំណោះស្រាយជាក់ស្តែង ដែលរួមចំណែកដល់ការអភិវឌ្ឍប្រកបដោយចីរភាព និងទូលំទូលាយ ។
ការតាំងពិព័រណ៍ជាង ២០០ ក្រុមហ៊ុន ពីលើស១០ ប្រទេស និងតំបន់ ដូចជា កម្ពុជា សាធារណរដ្ឋឆេក ចិន បារាំង អាល្លឺម៉ង់ ឥណ្ឌា កូរ៉េខាងត្បូង ម៉ាលេស៊ី តៃវ៉ាន់ ហូឡង់ វៀតណាមនឹងនាំមកបង្ហាញនូវផលិតផលពិសេស និងបច្ចេកវិទ្យាកម្រិតខ្ពស់ក្នុងវិស័យនីមួយៗ។ ភាពចម្រុះ និងគុណភាពរបស់អ្នកតាំងពិព័រណ៍បង្ហាញឲ្យឃើញពីសារសំខាន់ និងសក្តានុពលទាក់ទាញរបស់ទីផ្សារកម្ពុជាចំពោះវិនិយោគិនអន្តរជាតិ។
វេទិកាដែលបច្ចេកវិទ្យា ទីផ្សារ និងគំនិតថ្មីជួបប្រទះគ្នា៖រាល់ព្រឹត្តិការណ៍ក្នុងស៊េរីពិព័រណ៍ តែងតែភ្ជាប់ជាមួយកម្មវិធី និងសកម្មភាពជាក់ស្តែង ដែលរចនាឡើងដើម្បីផ្តល់អត្ថប្រយោជន៍កាន់តែច្រើនសម្រាប់សហគ្រាស និងភ្ញៀវ។ ក្រៅពីការតាំងបង្ហាញផលិតផល និងបច្ចេកវិទ្យា ស៊េរីពិព័រណ៍ក៏ទាក់ទាញអ្នកជំនាញ និងអ្នកទិញតាមរយៈសកម្មភាពជាច្រើន។
ជាមួយនឹងសកម្មភាពខាងលើ ក៏មានកម្មវិធី VIP Buyer Program & Business Matching (B2B Matchmaking) ដែលនឹងជួយអនុវត្តការជួបផ្ទាល់រវាងអាជីវកម្ម និងដៃគូសក្តានុពល ដើម្បីចរចាកិច្ចសន្យាពាណិជ្ជកម្មយ៉ាងមានប្រសិទ្ធភាព។ ក្រុមអ្នករៀបចំនឹងជួយរៀបចំ និងកំណត់ពេលវេលាជួបប្រជុំ ដើម្បីប្រើប្រាស់ពេលវេលាឲ្យមានតម្លៃ និងបង្កើនប្រសិទ្ធភាពពាណិជ្ជកម្មសម្រាប់ភាគីទាំង២៕
