BREAKING: នាយករដ្ឋមន្ត្រីថៃ Anutin បើកភ្លើងខៀវឲ្យយោធាគ្រប់គ្រងការប៉ះទង្គិចគ្នា នៅNong Ya Kaeo ក្នុងខេត្តស្រះកែវ
បរទេស៖ ថ្ងៃទី ១៨ ខែកញ្ញា ឆ្នាំ ២០២៥ ថ្លែងនៅសភាពាណិជ្ជកម្មថៃ នៅថ្ងៃព្រហស្បតិ៍លោកនាយករដ្ឋមន្ត្រីថ្មីរបស់ថៃ លោក Anutin Charnvirakul បានអត្ថាធិប្បាយអំពីការប៉ះទង្គិចគ្នារវាងទាហានថៃ និងប្រជាជនកម្ពុជានៅភូមិ Nong Ya Kaeo ក្នុងខេត្តស្រះកែវ។ លោកថា បញ្ហានេះត្រូវតែដោះស្រាយ និងពន្យល់ដោយយោធា ហើយយើងត្រូវតែគោរពគ្នាទៅវិញទៅមក។
សារព័ត៌មាន Khaosod English ចេញផ្សាយនៅថ្ងៃទី១៨ ខែកញ្ញា នេះថា តំបន់នោះស្ថិតនៅក្រោមច្បាប់អាជ្ញាសឹក ដូច្នេះអាជ្ញាធរធ្វើសេចក្តីសម្រេចត្រូវនៅជាមួយយោធា។ លោកមិនទាន់បានចូលកាន់តំណែងជារដ្ឋបាលរដ្ឋាភិបាលជាផ្លូវការនៅឡើយទេ ប៉ុន្តែបានសន្យាចំពោះអ្នកដែលទទួលខុសត្រូវសន្តិសុខថា នៅពេលរដ្ឋាភិបាលរបស់លោកចូលកាន់តំណែង លោកនឹងស្តាប់អ្នកដែលនៅព្រំដែន និងអ្នកទទួលខុសត្រូវផ្ទាល់លើបញ្ហាសន្តិសុខ ដូចជាការបើកច្រកព្រំដែនជាដើម។ លោកបានបន្ថែមថាមិនគួរមានការរំពឹងទុកទេព្រោះផ្លូវឆ្លងកាត់មិនទាន់បើក។
ទាក់ទិននឹងលិខិតដែលលោកនាយករដ្ឋមន្ត្រី ហ៊ុន ម៉ាណែត បានសរសេរទៅកាន់ប្រធានអាស៊ាន និងមេដឹកនាំពិភពលោកនោះ លោក Anutin និយាយថា មេដឹកនាំប្រទេសណាក៏ដោយ ត្រូវតែការពារផលប្រយោជន៍ជាតិរបស់ខ្លួន ដូចមេដឹកនាំថៃ ត្រូវតែការពារផលប្រយោជន៍របស់ប្រទេសថៃ ឲ្យលើសពីប្រទេសណា ឬហេតុផលផ្សេងទៀត។
លោកបានបញ្ជាក់ថា ផលប្រយោជន៍របស់ប្រទេសថៃគឺសន្តិភាព ស្ថិរភាព អធិបតេយ្យភាព និងសុវត្ថិភាពរបស់ប្រជាជនរបស់ប្រទេស។ លោកបានបញ្ចប់ដោយនិយាយថា “យើងប្រកាន់ខ្ជាប់នូវក្របខ័ណ្ឌនេះ និងគោលការណ៍ទាំងនេះ។ ពួកគេនឹងមិនផ្លាស់ប្តូរឡើយ”។
ប្រែប្រួលៈ ណៃ តុលា
