លោក Trump អះអាងថាលោកនៅសល់សន្លឹកបៀរជាច្រើនទៀត ពាក់ព័ន្ធទៅនឹងបញ្ហាពន្ធគយ
បរទេស៖ យោងតាមការចេញផ្សាយរបស់ RT ប្រធានាធិបតី Donald Trump បានអះអាងថា សហរដ្ឋអាមេរិកគឺកំពុងកាន់ សន្លឹកបៀទាំងអស់ហើយ អរគុណចំពោះអង្គភាពពន្ធគយរបស់គាត់ ប្រសិនបើប្រទេសនេះ នឹងក្លាយជាប្រទេសក្រីក្រ នោះវាគឺជាដែលគួរឱ្យអស់សំណើចខ្លាំងណាស់។
កាលពីខែមេសា លោក Trump បានដាក់ចេញនូវពន្ធនាំចូលដែលប៉ះពាល់ដល់ប្រទេសរាប់សិបនៅទូទាំងពិភពលោក ដោយលើកឡើងពីអតុល្យភាពពាណិជ្ជកម្មមិនយុត្តិធម៌ជាមួយដៃគូទាំងឡាយ។
ប្រធានាធិបតីសហរដ្ឋអាមេរិកបានប្រើប្រាស់ច្បាប់ស្តីពីអំណាចសេដ្ឋកិច្ចគ្រាអាសន្នអន្តរជាតិ (IEEPA) ឆ្នាំ១៩៧៧ជាមូលដ្ឋានច្បាប់សម្រាប់វិធានការនេះ។ ច្បាប់អនុញ្ញាតឲ្យប្រធានាធិបតីគ្រប់គ្រង ឬរារាំងប្រតិបត្តិការពាណិជ្ជកម្ម និងហិរញ្ញវត្ថុអន្តរជាតិក្នុងអំឡុងពេលមានអាសន្នជាតិដែលបានប្រកាសពាក់ព័ន្ធនឹងការគំរាមកំហែងពីបរទេស។
ទង្វើនេះត្រូវបានរងការរិះគន់ពីសមាជិកសភាមួយចំនួនដែលប្រកែកថាវាអាចប៉ះពាល់ដល់សេដ្ឋកិច្ចក្នុងស្រុក។
នៅក្នុងការបង្ហោះនៅលើវេទិកាសង្គម Truth Social របស់គាត់កាលពីថ្ងៃសៅរ៍ លោក Trump បានសរសេរថា៖ពន្ធគយបានធ្វើឱ្យប្រទេសរបស់យើងក្លាយជាអ្នកមាន រឹងមាំ ថាមពល និងសុវត្ថិភាព… ហើយដោយសារតែអ្វីដែលខ្ញុំបានកំណត់ យើងមានសន្លឹកបៀរទាំងអស់ ។
គួរឲ្យដឹងដែរថាកាលពីដើមខែនេះ លោក Trump បានទស្សន៍ទាយពី មហន្តរាយដល់បញ្ហាសន្តិសុខជាតិ ប្រសិនបើពន្ធគយរបស់គាត់ត្រូវបានរំកិលត្រឡប់មកវិញ ដែលវានឹងអាចធ្វើឲ្យកើតឡើងនូវការបាត់បង់សម្រាប់សហរដ្ឋអាមេរិកដែលមានសក្តានុពលសរុបជាង២ទ្រីលានដុល្លារ៕
ប្រែសម្រួល៖ ស៊ុនលី
