អ្នកវិនិយោគ លើវិស័យអចលទ្រព្យចិន នៅកម្ពុជា អំពាវនាវ ដល់អ្នកវិនិយោគផ្សេងទៀត បន្តធ្វើការវិនិយោគ នៅកម្ពុជាឲ្យបានច្រើន
ភ្នំពេញ ៖ អ្នកវិនិយោគផ្នែកអចលទ្រព្យចិន នៅកម្ពុជា បានអំពាវនាវ ដល់អ្នកវិនិយោគផ្សេងៗទៀត បន្តធ្វើការវិនិយោគ នៅកម្ពុជា ឲ្យបានច្រើនលើវិស័យអចលទ្រព្យ ដោយរំពឹងសេដ្ឋកិច្ចកម្ពុជានឹងរីកចំរើននៅពេលខាងមុខនេះ។
ក្នុងសម្ភាសន៍ជា មួយអ្នកសារព័ត៌មាន លោក Ding Yongjun ប្រធានក្រុមហ៊ុន Morgan Groupដែលធ្វើការវិនិយោគ លើវិស័យអចលទ្រព្យបានលើកឡើងថា លោកបានមកធ្វើការវិនិយោគនៅកម្ពុជា អស់រយៈពេល២០ឆ្នាំមកហើយ ។ មូលហេតុដែលធ្វើការ វិនិយោគបន្ថែម នៅពេលនេះ ដោយសារលោកមើលឃើញថា ប្រទេសកម្ពុជាមានការរីកចំរើន ពីមួយថ្ងៃទៅមួយថ្ងៃ ។ ប្រជាពលរដ្ឋខិតខំធ្វើការ ប៉ុន្តែគាត់មានការ លំបាកក្នុងការ ជួលផ្ទះគេស្នាក់នៅ ពិសេសនោះផ្ទះ នៅចំកណ្តាលទីក្រុងមានតម្លៃ ដូច្នេះទើបលោកសម្រេច ចិត្តសាងសង់ផ្ទះ ខុនដូរ មានតម្លៃរសមរម្យ។
លោកបានបន្តថាបច្ចុប្បន្នប្រជាពលរដ្ឋកម្ពុជាមានកំណើនច្រើនដូច្នេះគាត់មាន តម្រូវការផ្ទះស្នាក់នៅ។ ការសាងសង់ផ្ទះ ស្នាក់នៅបែបខុនដូរនេះក៏ដូចជាការតបស្នបសងគុណដល់រាជរដ្ឋាភិបាលផងដែរ ។ គម្រោងនេះធ្វើនៅចំកណ្តាលក្រុង លើទំហំដី៥ហិកតា ដោយមានភាពងាយ ស្រួលរស់នៅ មានទាំងផ្សារ កន្លែងហាត់ប្រាណ…។
ទាក់ទិញនឹងបញ្ហាសេដ្ឋកិច្ចនាពេលបច្ចប្បន្នយ៉ាងណាក្តីលោកថាលោកនៅ តែចេញមកបង្កើតគម្រោងអចលទ្រព្យនេះ ព្រោះសម្តេចនាយករដ្ឋមន្ត្រី ធ្លាប់មានប្រសាសន៍ថាប្រជាពលរដ្ឋកម្ពុជា ត្រូវតែមានលំនៅឋានសមរម្យ ។
លោកបញ្ជាក់ថា៖”ខ្ញុំរស់នៅស្រុកខ្មែរជាង២០ ឆ្នាំហើយ អីចឹងខ្ញុំចង់ជួយដល់សង្គមខ្មែរ ឲ្យកាន់តែរីកចំរើន។ … ទោះបីឥលូវសេដ្ឋកិច្ចមិនសូវល្អមែន តែខ្ញុំនៅតែបន្តបើកគម្រោងថ្មី ព្រោះខ្ញុំជឿរជាក់ថាប្រទេសកម្ពុជា នឹងមានសេដ្ឋកិច្ចល្អទៅៗ នៅថ្ងៃក្រោយ”។
ជាមួយគ្នានោះដែរលោកក៏បានអំពាវនាវ ដល់ម្ចាស់គម្រោងផ្សេងៗនៅក្នុងប្រទេសកម្ពុជាបន្តធ្វើការវិនិយោគ លើគម្រោងថ្មីៗផងដែរ។
ពិធីសូត្រមន្តបើកការដ្ឋានសាងសង់គម្រោងថ្មីខុនដូចំកណ្តាលទីក្រុង Morgan Central City បានប្រព្រឹត្ត
នៅថ្ងៃទី ៨ ខែមេសា ពិធីបើកការដ្ឋានសាងសង់ និងពិធីសូត្រមន្តសម្រាប់គម្រោង Morgan Central City របស់ក្រុមហ៊ុន Morgan Group ត្រូវបានប្រារព្ធឡើង យ៉ាងអធិកអធមនៅទីតាំងគម្រោង។
លោក Ding Yongjun ប្រធានក្រុមហ៊ុន Morgan Group រួមជាមួយថ្នាក់ដឹកនាំជាន់ខ្ពស់ បានចូលរួមជាមួយមន្រ្តីសំខាន់ៗពីវិស័យនានានៅរាជធានីភ្នំពេញ មិត្តភក្តិសារព័ត៌មាន និងបុគ្គលិក Morgan។
តាមរយៈពិធីសូត្រមន្តបែបប្រពៃណី បានបួសសួងសុំឱ្យការសាងសង់ដំណើរការយ៉ាងរលូន និងបានសហការគ្នាធ្វើជាសាក្សី នៃការចាប់ផ្តើមផ្លូវការរបស់គម្រោងសម្គាល់មួយនេះ ដែលបង្ហាញពីក្តីស្រមៃ នៃជីវិតល្អប្រសើររបស់ជនរួមជាតិយើង។
គម្រោងនេះស្របតាមយុទ្ធសាស្ត្រជាតិ បង្កើតលំនៅឋានមានសុវត្ថិភាពដោយចិត្តស្មោះត្រង់។
Morgan Central City ជាគម្រោងសំខាន់មួយដែលក្រុមហ៊ុនអភិវឌ្ឍឡើង ដើម្បីគាំទ្រ”យុទ្ធសាស្ត្រទាំងប្រាំចំណុច” របស់សម្តេចមហាបវរធិបធី ហ៊ុន ម៉ាណែត ដែលផ្តោតលើការ កែលម្អជីវភាពប្រជាពលរដ្ឋ។ ប៉ុន្តែនៅអំឡុង ពេលខិតខំប្រឹងប្រែងចូលរួមអភិវឌ្ឍទីក្រុង ក៏នៅតែមានបញ្ហាក្នុងការស្វែងរកលំនៅឋាន ដូច្នេះដោយផ្អែកលើគំនិតថា «មានផ្ទះ មានសុវត្ថិភាព និងសុវត្ថិភាពនាំឱ្យមានភាពរីកចម្រើន» Morgan បានប្តេជ្ញាបង្កើតគម្រោងលំនៅឋានគំរូសម្រាប់ «រស់នៅដោយសុខសាន្ត និងធ្វើការដោយសុភមង្គល» ដើម្បីជួយលើកកម្ពស់សេដ្ឋកិច្ច តាមរយៈការផ្គត់ផ្គង់លំនៅឋាន ការងារ និងជំរុញការអភិវឌ្ឍជាតិដោយភាពសាមគ្គីសង្គម៕
