លោកឧត្តមសេនីយ៍ឯក រ័ត្ន ស្រ៊ាង ចូលរួមកម្មវិធីដំឡើងខ្សែក្រវាត់ ជំនាន់ទី១៧ នៃក្លឹបគូរុការ៉ាតេដូ
By
Posted on
ភ្នំពេញ៖ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការកងរាជអាវុធហត្ថរាជធានីភ្នំពេញ កាលពីថ្ងៃទី៥ ខែកក្កដា ឆ្នាំ២០២៦ បានចូលរួមក្នុងកម្មវិធីពាក់ដំឡើងខ្សែក្រវាត់ ចែកវិញ្ញាបនបត្រ និងរំលឹកដឹងគុណគ្រូ ចាស់ព្រឹទ្ធាចារ្យ (ជំនាន់ទី១៧) និងកម្មវិធី ប្រកបដោយការអប់រំផ្សេងៗទៀត របស់ ក្លឹប គូរុ ការ៉ាតេដូ ភូមិភាគខាងលិច (KARATE-DO WEST CAMPUS-GURU)។
ឆ្លៀតក្នុងឱកាសនោះ លោកឧត្តមសេនីយ៍ឯក រ័ត្ន ស្រ៊ាង ក៏បាននាំយកកន្ទ្រកអនុស្សាវរីយ៍ ថវិកា រួមនឹងភេសជ្ជៈ ជូនដល់លោកគ្រូឧត្តមការ៉ាតេចារ្យ ជា ណារ៉ា កម្រិតខ្សែក្រវ៉ាត់ខ្មៅ ៩ដាន់ដែលធ្លាប់ជាគ្រូបង្ហាត់ ការ៉ាតេ ដល់លោកកាលពី៤០ឆ្នាំមុន និងលោកគ្រូ អ្នកគ្រូ ដែលចូលរួមកម្មវិធីខាងលើផងដែរ៕
