រដ្ឋមន្រ្តីសុខាភិបាល ជំរុញការបណ្តុះបណ្តាលវិជ្ជាជីវៈសុខាភិបាល ឱ្យកាន់តែមានប្រសិទ្ធភាព
By
Posted on
ភ្នំពេញ ៖ លោកសាស្ត្រាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានជំរុញការបណ្តុះបណ្តាលវិជ្ជាជីវៈសុខាភិបាល ឱ្យកាន់តែមានប្រសិទ្ធភាព និងផ្តោតសំខាន់លើសុវត្ថិភាព អ្នកជំងឺជាចម្បង ។
ក្នុងឱកាសដឹកនាំកិច្ចប្រជុំជាមួយថ្នាក់ដឹកនាំទទួលបន្ទុកបណ្តុះបណ្តាល នាយកដ្ឋានជំនាញ រដ្ឋមន្ត្រីក្រសួងសុខាភិបាល បានលើកឡើងថា ការបើកកិច្ចប្រជុំនេះ ដើម្បីជំរុញការងារផ្នែកបណ្តុះបណ្តាលវិជ្ជាជីវៈសុខាភិបាល ទាំងការបណ្តុះបណ្តាលមូលដ្ឋានតាមគ្រឹះស្ថានបណ្តុះបណ្តាល និងការបណ្តុះបណ្តាលបន្ត ឱ្យកាន់តែមានគុណភាព ប្រសិទ្ធភាព ជាពិសេសផ្តោតសំខាន់លើសុវត្ថិភាពអ្នកជំងឺជាចម្បង។
លោកបន្ថែមថា ការបណ្តុះបណ្តាលត្រូវធ្វើឡើង ឱ្យគ្រប់តាមលក្ខខណ្ឌតម្រូវនៃកម្មវិធីសិក្សា ម៉ោងសិក្សា ការអនុវត្តជំនាញនៅបន្ទប់បង្ហាញត្រាប់ និងការចុះកម្មសិក្សាអនុវត្តតាមមូលដ្ឋានសុខាភិបាល ឱ្យបានពេញលេញ និងធានាបានប្រសិទ្ធភាព៕
