នគរបាលស្រុកកែវសីមា អនុវត្តន៍ដីកាចាប់ខ្លួន ជនសង្ស័យម្នាក់ ករណីគ្រឿងញៀន
មណ្ឌលគិរី ៖ ដោយមានការចង្អុលបង្ហាញពី លោកឧត្តមសេនីយ៍ត្រី ជា ចិត្រា ស្នងការ នៃស្នងការដ្ឋាននគរបាលខេត្តមណ្ឌលគិរី និងយោងតាមដីកា បង្គាប់ឲ្យឃាត់ខ្លួន របស់សាលាដំបូងខេត្តមណ្ឌលគិរី នៅថ្ងៃទី១៧ ខែកញ្ញា ឆ្នាំ២០២៦ កម្លាំងអធិការដ្ឋាននគរបាលស្រុកកែវសីមា សហការជាមួយកម្លាំងប៉ុស្តិ៍នគរបាលរដ្ឋបាលស្រែខ្ទុម បានអនុវត្តដីកាបង្គាប់ឲ្យចាប់ខ្លួន ចុះថ្ងៃទី១១ ខែមេសា ឆ្នាំ២០២៥ របស់សាលាដំបូងខេត្តមណ្ឌលគិរី ។
ឃាត់ខ្លួនពិរុទ្ធជនចំនួន ១នាក់ ឈ្មោះ កូប អាល់យ៉េស ហៅយ៉េស ភេទប្រុស ជនជាតិចាម សញ្ជាតិខ្មែរ ទីកន្លែងកំណើត ភូមិឆ្លូង១ ភូមិកំពាន់ ស្រុកមេមត់ ខេត្តកំពង់ចាម។ បច្ចុប្បន្នរស់ នៅភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី សម្រេចផ្តន្ទាទោសដាក់ពន្ធធនាគារ ពីបទជួញដូរ ដោយខុសច្បាប់ នូវសារធាតុញៀន ប្រព្រឹត្តនៅភូមិអូរអាម និងភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ។ វត្ថុតាងចាប់យករួមមាន៖ ពូថៅចំនួន ១ ។
បច្ចុប្បន្នពិរុទ្ធជន និងវត្ថុតាងខាងលេី ជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត ចាត់ការបន្តតាមនីតិវិធីច្បាប់៕ដោយ៖ចាន់បុត្រ|ដើមអម្ពិល|មណ្ឌលគិរី
