រដ្ឋសភា អនុម័តសេចក្តីព្រាងច្បាប់ អនុសញ្ញាបុព្វសិទ្ធិ និងអភ័យឯកសិទ្ធិ នៃលេខាធិការដ្ឋាន បុគ្គលិក
ភ្នំពេញ ៖ រដ្ឋសភាកម្ពុជា នៅព្រឹកថ្ងៃទី២១ ខែកញ្ញា ឆ្នាំ២០២៦ នេះ បានអនុម័តជាឯកច្ឆន្ទលើសេចក្តីព្រាងច្បាប់ ស្តីពីការអនុម័តយល់ព្រមលើ «អនុសញ្ញាស្តីពីបុព្វសិទ្ធិ និងអភ័យឯកសិទ្ធិនៃលេខាធិការដ្ឋាន បុគ្គលិក និងតំណាងរបស់សមាជិកនៃសន្និសីទស្តីពីអន្តរសកម្មភាព និងវិធានការកសាងទំនុកចិត្តនៅអាស៊ី» (CICA) ដោយសំឡេងគាំទ្រ ១១២ លើ ១១២ សំឡេង។
ប្រភព និងស្ថាប័ន CICA គឺជាសន្និសីទស្តីពីអន្តរសកម្មភាព និងវិធានការកសាងទំនុកចិត្តនៅអាស៊ី គឺជាវេទិកាពហុភាគីអន្តររដ្ឋាភិបាលប្រចាំទ្វីបអាស៊ី ផ្តោតលើការពង្រឹងកិច្ចសហប្រតិបត្តិការ សន្តិភាព សន្តិសុខ និងស្ថិរភាពក្នុងតំបន់។ អនុសញ្ញានេះបង្កើតឡើងដើម្បីផ្តល់នូវក្របខ័ណ្ឌច្បាប់ច្បាស់លាស់ ធានាការការពារ និងផ្តល់បុព្វសិទ្ធិ ព្រមទាំងអភ័យឯកសិទ្ធិការទូតផ្លូវការ ដល់ស្ថាប័នលេខាធិការដ្ឋាន បុគ្គលិក និងគណៈប្រតិភូតំណាងនៃប្រទេសជាសមាជិក CICA ទាំងអស់ អាចបំពេញបេសកកម្មការងារ និងកិច្ចសហប្រតិបត្តិការអន្តរជាតិបានដោយរលូន សុវត្ថិភាព និងឯករាជ្យ។
សារៈសំខាន់សម្រាប់កម្ពុជា គឺការបំពេញកាតព្វកិច្ចអន្តរជាតិ ដើម្បីបំពេញនីតិវិធីផ្ទៃក្នុងរបស់កម្ពុជា ក្នុងការផ្តល់សច្ចាប័នលើលិខិតុបករណ៍ច្បាប់អន្តរជាតិដែលកម្ពុជាជាសមាជិកពេញសិទ្ធិ៕
