ភ្នំពេញ៖ លោកបណ្ឌិត ហេង វ៉ាន់ដា នាយកវិទ្យាស្ថានវ៉ាន់ដា បានចេញមករំលឹកអំពីប្រវត្តិដំបូង ក៏ដូចជាការខកខានរបស់កម្ពុជា ក្នុងការធ្វើជាម្ចាស់ផ្ទះនៃព្រឹត្តិការណ៍ ស៊ីហ្គេម (Sea Games) ចាប់តាំងពីឆ្នាំ១៩៥៩ និង Ganefo ចាប់តាំងពីឆ្នាំ១៩៦៦ រហូតដល់មានការរៀបចំ ព្រឹត្តិការណ៍ដ៏ធំមួយនេះ (Sea Games 2023) ដែលកម្ពុជា កំពុងធ្វើជាម្ចាស់ផ្ទះនាពេលនេះ។
ក្នុងនោះលោក ហេង វ៉ាន់ដា បានលើកឡើងថា រយៈកាល ដែលកម្ពុជាខកខានធ្វើព្រឹត្តិការណ៍ កីឡាដ៏ធំបែបនេះ!
កីឡា SEA Games
១- SEA Games ត្រូវបានប្រារព្ធជាលើកទី១ នៅប្រទេសថៃ នាថ្ងៃ១២ ខែធ្នូ ឆ្នាំ១៩៥៩។
២- ប្រទេសកម្ពុជា ត្រូវទទួលធ្វើជាម្ចាស់ផ្ទះ បន្ទាប់ពីភូមា ដើម្បីប្រារព្ធលើកទី៣នៅ ឆ្នាំ១៩៦៣ ប៉ុន្តែប្រទេសកម្ពុជា បានបដិសេធក្រោមហេតុផល នយោបាយផ្ទៃក្នុង។
៣-SEA Games លើកទី១ មានការចូលរួម៦ប្រទេស៖ ភូមា, កម្ពុជា, ឡាវ, ម៉ាឡេស៊ី, ថៃ,វៀតណាមខាងត្បូង។
កីឡា GANEFO
១-GANEFO ត្រូវបានប្រារពជាលើកទី១នៅប្រទេសឥណ្ឌូណេស៊ី នាថ្ងៃ២២ ខែធ្នូ ឆ្នាំ១៩៦៣។ ដែលមានការចូលរួមពី៤៦ប្រទេស។
២-GANEFO ត្រូវបានប្រារពជាលើកទី២នៅប្រទេសកម្ពុជា នាថ្ងៃ២៥ ខែធ្នូ ឆ្នាំ១៩៦៦ ដែលមានការចូលរួមពី១៧ប្រទេស។
*GANAFO ធ្វើបានតែ២លើកប៉ុណ្ណោះ ហើយត្រូវបានរលាយ ទៅវិញដោយគ្មានស្រណោះ។
កីឡាSEA Games ឆ្នាំ២០២៣
១-បើគិតពីកីឡាSEA Games ឆ្នាំ១៩៥៩ អស់រយៈកាល៦៣ឆ្នាំ ទើបកម្ពុជាប្រារព្ធលើកទី១ របស់ខ្លួន។
២-បើគិតពីកីឡាGANEFO ឆ្នាំ១៩៦៦ អស់រយៈកាល៥៧ឆ្នាំ ទើបកម្ពុជាប្រារព្ធកីឡាដ៏ធំបែបនេះ៕
