ជំនួបវគ្គពាក់កណ្តាលផ្តាច់ព្រ័ត្រ ដ៏កក្រើកដែល បារាំង ប្រកួតនឹងអេស្ប៉ាញ ហើយអង់គ្លេស ប៉ះអាហ្សង់ទីន
តើក្រុមជម្រើសជាតិលំដាប់កំពូលៗរបស់ពិភពលោកបានត្រៀមខ្លួនរួចរាល់កម្រិតណាមុនពេលឈានចូលដល់ការប្រកួតកាត់សេចក្តីនៃព្រឹត្តិការណ៍បាល់ទាត់ដ៏ធំបំផុតនេះ? ស្វែងយល់បន្ថែមនៅក្នុងអត្ថបទវិភាគរបស់ 1xBet។
ថ្ងៃទី 14 ខែកក្កដា, ទីក្រុង Dallas៖ បារាំងប្រកួតនឹងអេស្ប៉ាញ
បារាំងហាក់កំពុងតែសាងកំណត់ត្រាយុទ្ធនាការប្រកួតដ៏ល្អបំផុតរបស់ពួកគេ ក្រោមការដឹកនាំរយៈពេល 14 ឆ្នាំរបស់លោក Didier Deschamps។ បន្ទាប់ពីឈរនៅកំពូលតារាងពូល I ក្រុមមាន់គកបារាំងបានវាយទម្លុះឆ្លងកាត់វគ្គជម្រុះយ៉ាងរលូន ដោយស្ទើរតែមិនខ្ចីខ្វល់ពីមុខមាត់គូប្រកួតឡើយ៖ នោះគឺការលត់ស៊ុយអែតយ៉ាងចាស់ដៃ 3-0, យកឈ្នះប៉ារ៉ាហ្គាយយ៉ាងប្រផិតប្រផើយ 1-0, និងផ្តួលក្រុមដ៏រឹងមាំម៉ារ៉ុកក្នុងលទ្ធផល 2-0 យ៉ាងងាយស្រួល។
តំបន់ការពាររបស់បារាំងមើលទៅហាក់ដូចជារឹងមាំមិនអាចទម្លុះបានទាល់តែសោះ ខណៈដែលតំបន់ប្រយុទ្ធរបស់ពួកគេពោរពេញទៅដោយកម្លាំងស៊ុតយ៉ាងកក្រើកតាមរយៈកីឡាករ Michael Olise, Ousmane Dembélé, និង Kylian Mbappé។ ប្រធានក្រុមបារាំងរូបនេះបានបង្ហាញទម្រង់លេងយ៉ាងលេចធ្លោ ដោយរកបានប្រាំបីគ្រាប់ និងបញ្ជូនបាល់ឱ្យមិត្តរួមក្រុមស៊ុតបីដងរួចមកហើយ។ តារាឆ្នើមរបស់ក្រុម Real Madrid រូបនេះ ហាក់កំពុងតែប្តេជ្ញាចិត្តយ៉ាងមុតមាំក្នុងការចាកចេញពីសហរដ្ឋអាមេរិក ដោយមិនត្រឹមតែពាំនាំយកពានរង្វាន់ធំប៉ុណ្ណោះទេ ប៉ុន្តែថែមទាំងក្តោបក្តាប់ពានរង្វាន់ឯកត្តជនជាកីឡាករល្អបំផុត និងជាអ្នកទាត់បញ្ចូលទីច្រើនជាងគេបំផុតផងដែរ។
ទោះជាយ៉ាងណាក៏ដោយ ប្រសិនបើមានក្រុមដែលអាចបញ្ឈប់ភាពខ្លាំងរបស់បារាំងបាន នោះច្បាស់ណាស់គឺជាក្រុមម្ចាស់ជើងឯកអឺរ៉ុប។ ទោះបីជាអេស្ប៉ាញបច្ចុប្បន្ន មិនអាចលេងទម្រង់គ្រប់គ្រងបាល់បានល្អឥតខ្ចោះដូចជំនាន់ Xavi និង Iniesta កាលឈ្នះពានឆ្នាំ 2010 ក៏ដោយ ប៉ុន្តែកូនក្រុមរបស់លោក Luis de la Fuente នាពេលនេះ បានវិវឌ្ឍន៍ខ្លួនទៅជាក្រុមដែលមានការវាយសម្រុកកាន់តែខ្លាំងក្លា និងមុតស្រួចជាងមុនទៅទៀត។
អេស្ប៉ាញទើបតែរបូតគ្រាប់បាល់ទីមួយរបស់ពួកគេតែប៉ុណ្ណោះនៅក្នុងវគ្គប្រាំបីក្រុមចុងក្រោយ ខណៈឈ្នះក្នុងវគ្គជម្រុះលើក្រុមអូទ្រីស (3-0), ព័រទុយហ្គាល់ (1-0), និងបែលហ្ស៊ិក (2-1) បានបង្ហាញយ៉ាងច្បាស់ពីគុណភាពនៃតំបន់ប្រយុទ្ធរបស់ពួកគេ។ សមាសភាពក្រុមរបស់លោក De la Fuente គឺសំបូរទៅដោយកីឡាករមានសមត្ថភាពខ្ពស់ រហូតដល់ថ្នាក់កីឡាករកម្រិតកំពូលដូចជា Pedri និង Mikel Merino អាចត្រឹមតែជាកីឡាករបម្រុងប៉ុណ្ណោះ។ ជាពិសេស កីឡាករ Merino បានស៊ុតបាល់យកជ័យជម្នះក្នុងនាមជាកីឡាករបម្រុងសម្រាប់ការប្រកួតពីរលើកចុងក្រោយរបស់អេស្ប៉ាញ។
ហាងឆេង៖
បារាំងឈ្នះ – 2.385
ស្មើ – 3.305
អេស្ប៉ាញឈ្នះ – 3.405
ថ្ងៃទី 15 ខែកក្កដា, ទីក្រុង Atlanta៖ អង់គ្លេស ប៉ះ អាហ្សង់ទីន
ក្រុមការពារតំណែងជើងឯកពិភពលោកមួយនេះ នៅតែពឹងផ្អែកយ៉ាងខ្លាំងទៅលើ Lionel Messi។ ក្នុងវ័យ 39 ឆ្នាំ កំពូលវីរបុរសបាល់ទាត់អាហ្សង់ទីនរូបនេះនៅតែបន្តយកឈ្នះលើពេលវេលា ដោយរកបានប្រាំបីគ្រាប់រួចមកហើយនៅក្នុងយុទ្ធនាការនេះ ព្រមទាំងបានក្លាយជាអ្នកស៊ុតបញ្ចូលទីច្រើនជាងគេបំផុតក្នុងប្រវត្តិសាស្ត្រនៃព្រឹត្តិការណ៍នេះដោយមានកំណត់ត្រា 21 គ្រាប់។
ដំណើរឆ្ពោះទៅកាន់វគ្គពាក់កណ្តាលផ្តាច់ព្រ័ត្ររបស់អាហ្សង់ទីនគឺមិនមែនជារឿងងាយស្រួលនោះទេ។ ក្រុម La Albiceleste ទទួលបានជ័យជម្នះយ៉ាងស្វិតស្វាញ និងព្រឺព្រួចក្នុងម៉ោងបន្ថែមចំនួនពីរលើក ទៅលើក្រុមកាបវែរ (3-2) និង ស្វីស (3-1) ព្រមទាំងការវាយបកដ៏កក្រើកយកឈ្នះអេហ្ស៊ីប (3-2) ក្នុងម៉ោងធម្មតាផងដែរ។ ទោះបីជាអាហ្សង់ទីនអាចស៊ុតបញ្ចូលទីបានបីគ្រាប់ក្នុងការប្រកួតនៃវគ្គជម្រុះក៏ដោយ ក៏បញ្ហានៅតំបន់ការពាររបស់ពួកគេនៅតែផ្តល់ក្តីសង្ឃឹមឱ្យគូប្រកួតក្នុងការស្វែងរកជ័យជម្នះដដែល។
អង់គ្លេសបានឈានមកដល់វគ្គពាក់កណ្តាលផ្តាច់ព្រ័ត្រជាលើកទីបួនរបស់ខ្លួន តាមរយៈការបង្ហាញភាពរឹងមាំ និងតស៊ូយ៉ាងខ្លាំងពេញមួយវគ្គចាញ់ធ្លាក់។ ទល់នឹងក្រុមកុងហ្គោ និងន័រវែស ក្រុមតោកំណាចអង់គ្លេសបានរបូតគ្រាប់បាល់មុន ប៉ុន្តែចុងក្រោយនៅតែអាចវាយបកយកជ័យជម្នះបាន ខណៈការប្រកួតទល់នឹងម៉ិកស៊ិក ពួកគេបានលេងស្ទើរតែពេញមួយតង់ទីពីរដោយនៅសល់កីឡាករតែដប់នាក់ប៉ុណ្ណោះ តែពួកគេនៅតែអាចរក្សាគ្រាប់បាល់នាំមុខបានរហូតដល់ចប់ការប្រកួត។
ក្នុងកំឡុងពេលព្រឹត្តិការណ៍នេះ លោក Thomas Tuchel បានប្រើប្រាស់កីឡាករខុសៗគ្នាចំនួនបួននាក់នៅតំបន់ការពារស្លាបស្តាំ ប៉ុន្តែការបង្ហាញខ្លួនក្នុងនាមជាកីឡាករបម្រុងរបស់ Reece James នៅក្នុងវគ្គប្រាំបីក្រុមចុងក្រោយ បានសបញ្ជាក់ឱ្យឃើញថា ខ្សែការពារជម្រើសដំបូងរូបនេះបានជាសះស្បើយពេញលេញហើយ។ ក្តីសង្ឃឹមដ៏ធំបំផុតរបស់អង់គ្លេសគឺពឹងផ្អែកទៅលើ Jude Bellingham និង Harry Kane ដែលម្នាក់ៗរកបានប្រាំមួយគ្រាប់រួចមកហើយរហូតមកដល់ពេលនេះ។ សំណួរដ៏ធំបំផុតគឺថាតើ Declan Rice មានកាយសម្បទាគ្រប់គ្រាន់អាចចូលលេងជម្រើសដំបូងបានដែរឬទេ? ខ្សែបម្រើរបស់ក្រុម Arsenal រូបនេះ ដែលកម្រនឹងត្រូវគេប្តូរចេញណាស់ទាំងនៅក្លឹប និងជម្រើសជាតិ បានធ្លាក់ខ្លួនឈឺមុនការប្រកួតវគ្គប្រាំបីក្រុមចុងក្រោយមកម្ល៉េះ។ លោក Tuchel ត្រូវបានបង្ខំចិត្តប្តូររូបគេចេញនៅពេលសម្រាកតង់កំឡុងការប្រកួតទល់នឹងន័រវែស ដែលបន្ទាប់ពីនោះមក អង់គ្លេសបានរបូតការគ្រប់គ្រងបាល់នៅតំបន់បម្រើអស់មួយរយៈ។
ហាងឆេង៖
អង់គ្លេសឈ្នះ – 2.703
ស្មើ – 3.08
អាហ្សង់ទីនឈ្នះ – 3.115
ការទស្សន៍ទាយលទ្ធផលនៃការប្រកួតវគ្គពាក់កណ្តាលផ្តាច់ព្រ័ត្រ ឬព្រឹត្តិការណ៍ទាំងមូល គឺជារឿងដ៏លំបាកបំផុត។ បារាំងដែលគ្រប់គ្រងស្ថានការណ៍បានយ៉ាងល្អ អេស្ប៉ាញដែលមានការរៀបចំទម្រង់លេងយ៉ាងអស្ចារ្យ អាហ្សង់ទីនដែលពោរពេញដោយមហិច្ឆតា និងអង់គ្លេសដែលពោរពេញដោយភាពរឹងមាំតស៊ូ – ក្រុមនីមួយៗសុទ្ធតែសក្តិសមនឹងទទួលបានជ័យជម្នះ។ កុំរំលងការប្រកួតកាត់សេចក្តីដ៏កក្រើកនៅសហរដ្ឋអាមេរិកនេះជាមួយ 1xBet!
