ក្រុមហ៊ុន ជីប ម៉ុង

អត្ថបទ

ជីបម៉ុងប្រកាសសម្ពោធជាផ្លូវការនូវផ្សារទេសចរណ៍«ភូមិខ្មែរអ្នកធ្វើ»ជំរុញការផ្សព្វផ្សាយពីសិល្បៈវប្បធម៌ខ្មែរកាន់តែខ្លាំង

(ភ្នំពេញ)៖ ជីប ម៉ុង បើកសម្ពោធផ្សារទេសចរណ៍បែបខ្មែរ «ភូមិខ្មែរអ្នកធ្វើ» ដំបូងគេនៅកម្ពុជា ដែលបង្ហាញពីទីតាំងទេសចរណ៍ថ្មីមួយ បណ្តុំទៅដោយសិល្បៈវប្បធម៌ខ្មែរ ក្រោមវត្តមានចូលរួមពីលោកអ្នកឧកញ៉ា ភាព ហៀក, លោកជំទាវ តែ សុវណ្ណី, ព្រមទាំងសមាជិកក្រុមប្រឹក្សាភិបាល ជីប ម៉ុង នាថ្ងៃទី ១០ ខែតុលា ឆ្នាំ ២០២៥ នៅខាងក្នុងផ្សារទំនើប ជីប ម៉ុង ២៧១ មេហ្គា ម៉ល។ ជីប ម៉ុង បានបង្កើតផ្សារទេសចរណ៍ «ភូមិខ្មែរអ្នកធ្វើ» ក្នុងគោលបំណងផ្សារភ្ជាប់ផលិតផលខ្មែរទៅនឹងវិស័យទេសចរណ៍ ដើម្បីបង្ហាញដល់ភ្ញៀវជាតិ និងអន្តរជាតិពីភាពសម្បូរបែបនៃផ្សារទំនើប ក្រោមភាពច្នៃប្រឌិតនៃសហគ្រិនខ្មែរ។ «ភូមិខ្មែរអ្នកធ្វើ» គឺជាផ្សារទេសចរណ៍ដំបូងគេ ដែលបង្កប់ទៅដោយអត្តសញ្ញាណជាតិ ជាមួយនឹងរសជាតិដើមនៃមុខម្ហូបខ្មែរ ព្រមទាំងមានការតាំងលក់គំនូរបុរាណ ចម្លាក់ ហូលផាមួង គ្រឿងអលង្ការ និងរបស់របរជាច្រើនមុខទៀត ដែលសុទ្ធសឹងជាទម្រង់សិល្បៈធ្វើឡើងដោយស្នាដៃប្រជាជនតាមបណ្តាខេត្តផ្សេងៗគ្នា ប្រៀបដូចជាភូមិខ្មែរមួយ ដែលមានគ្រប់ផលិតផលបង្កើតឡើងដោយដៃខ្មែរ។ ជាពិសេស «ភូមិខ្មែរអ្នកធ្វើ» គឺជាការបង្ហាញសិល្បៈហត្ថកម្មប្រពៃណីខ្មែរ ពីការរៀបបាយសី ឬចាក់ផ្កា រួមទាំងសកម្មភាពសិល្បៈផ្សេងទៀត ពីរ ទៅ បីដង ជារៀងរាល់ចុងសប្តាហ៍ ដើម្បីជាការផ្សព្វផ្សាយចំណេះដឹង និងផ្នត់គំនិតអភិរក្ស ការពារវប្បធម៍ប្រពៃណីខ្មែរទៅដល់កូនខ្មែរជំនាន់ក្រោយ។ ផ្សារទេសចរណ៍ខ្មែរ «ភូមិខ្មែរអ្នកធ្វើ» បើកដំណើរការជារៀងរាល់ថ្ងៃ ពីម៉ោង១០ព្រឹក ដល់ ៩យប់ នៅផ្សារទំនើប ជីបម៉ុង...

កិច្ចសហការជាប្រវត្តិសាស្ត្រ! ក្រុមហ៊ុនយក្សទាំង២ប្រចាំស្រុកខ្មែរ ជីប ម៉ុង និង រ៉ូយ៉ាល់ គុ្រប ធ្វើពិធីចុះហត្ថលេខាលើកិច្ចព្រមព្រៀងភាពជាដៃគូ សំដៅជំរុញកំណើនសេដ្ឋកិច្ចជាតិ

(ភ្នំពេញ មេសា ២០២៥) ៖ នៅក្នុងការផ្លាស់ប្តូរជាប្រវត្តិសាស្ត្រ ក្រុមហ៊ុន ជីប ម៉ុង (Chip Mong) និង ក្រុមហ៊ុន រ៉ូយ៉ាល់ គ្រុប (Royal Group) ដែលជាក្រុមហ៊ុនដ៏មានឥទ្ធិពលបំផុតនៅក្នុងប្រទេសកម្ពុជា បានចុះហត្ថលេខាលើអនុស្សរណៈនៃការយោគយល់គ្នា (MoU) ក្នុងគោលបំណងជំរុញភាពរីកចម្រើនរួម កំណើនសេដ្ឋកិច្ច និងលើកកម្ពស់វិបុលភាពជាតិ។ ពិធីចុះហត្ថលេខានេះ ធ្វើឡើងក្រោមអធិបតីភាព លោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប...