ព័ត៌មានជាតិ
ឪពុករំលោភកូនខ្លួនឯង ត្រូវអាវុធហត្ថឃាត់ខ្លួននៅស្រុកគងពិសី
កំពង់ស្ពឺ ៖ ពាក្យចាស់ពោលថា ត្រីឆ្តោទោះកាចយ៉ាងណាក៏មិនស៊ីកូនខ្លួនឯង តែចម្លែកបុរសម្នាក់នេះបែរជាអាចធ្វើទៅរួច ដោយរំលោភកូនខ្លួនឯងបង្កើតហើយត្រូវអាវុធហត្ថស្រុកគងពិសីចាប់ខ្លួននៅរសៀលថ្ងៃទី២៨ ខែមករា ឆ្នាំ២០២៥បញ្ជូនមកទីបញ្ជាការដ្ឋានកងរាជអាវុធហត្ថខេត្តដើម្បីបន្តនីតិវិធី។ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺបានឱ្យដឹងនៅថ្ងៃទី២៩ ខែមករា ឆ្នាំ២០២៥នេះថា លោកបានបញ្ជាឱ្យកម្លាំងមូលដ្ឋានកងរាជអាវុធហត្ថស្រុកគងពិសី ប្រម៉ាញ់ចាប់ឱ្យបានជនប្រព្រឹត្តិដែលរំលោភកូនស្រីខ្លួនឯង ក្រោយទទួលបានបណ្តឹងពីឈ្មោះ ធុច ថាវរ: ភេទប្រុស ត្រូវជាពូរបស់ក្មេងស្រីរងគ្រោះ។...
