ព័ត៌មានអន្តរជាតិ
មនុស្ស៨នាក់ ប្រឈមនឹងសេចក្តីស្លាប់ ក្រោយពីជាប់នៅខាងក្នុងអណ្តូងរ៉ែមាស ខុសច្បាប់មួយកន្លែងនៅឥណ្ឌូនេស៊ី
ឥណ្ឌូនេស៊ី៖ ទីភ្នាក់ងារព័ត៌មាន AFP បានផ្សព្វផ្សាយនៅថ្ងៃទី៣១ ខែកក្កដា ឆ្នាំ២០២៣ថា មន្ត្រីជួយសង្គ្រោះក្នុងតំបន់បានឲ្យដឹងកាលពីថ្ងៃអាទិត្យថា មនុស្សចំនួន៨នាក់ដែលជាប់នៅក្នុងអណ្តូងរ៉ែមាសខុសច្បាប់មួយនៅលើកោះ Java របស់ឥណ្ឌូនេស៊ី ត្រូវបានគេព្រួយបារម្ភថា បានស្លាប់បាត់បង់ជីវិត ខណៈដែលកិច្ចខិតខំប្រឹងប្រែងស្វែងរកបានឈានចូលដល់ថ្ងៃទី៥ ហើយដោយមានក្តីសង្ឃឹមតិចតួចប៉ុណ្ណោះ ។ គេបានដឹងថា អណ្តូងរ៉ែដែលគ្មានអាជ្ញាប័ណ្ណ ភាគច្រើនមិនត្រូវបានយកចិត្តទុកដាក់ចំពោះវិធានការសុវត្ថិភាពជាមូលដ្ឋាននោះទេ គឺជារឿងធម្មតានៅទូទាំងប្រជុំកោះក្នុងប្រទេសអាស៊ីអាគ្នេយ៍មួយនេះដែលសម្បូរទៅដោយសារធាតុរ៉ែ ហើយគ្រោះថ្នាក់កើតឡើងជាញឹកញាប់ផងដែរ ។ ក្រុមកម្មករកំពុងជីកនៅក្នុងរណ្តៅជម្រៅ៦០ម៉ែត្រ...
