ខិតប័ណ្ណសកលវិទ្យាល័យ បានចែកព្រោងព្រាយ ជូន បេក្ខជន បន្ទាប់ចេញពីប្រឡង
មណ្ឌលគិរី៖ ខិតប័ណ្ណជាច្រើនរបស់គ្រឹះស្ថានសិក្សានានា ត្រូវបានចែកយ៉ាងព្រោងព្រាត ដើម្បីជាដំណឹងជូនដល់បេក្ខជនបេក្ខនារីដែលមានបំណងចង់បន្តការសិក្សា ក្រោយបញ្ចប់ព្រឹត្តិការប្រឡងសញ្ញាប័ត្រទុតិយភូមិ នៃមណ្ឌលប្រឡងវិទ្យាល័យហ៊ុនសែនមណ្ឌលគិរី។
ជាការកត់សម្គាល់ក្នុងសកម្មភាពចែកខិតប័ណ្ណទាំងនោះ ក៏មានវត្តមានផងដែរនូវខិតប័ណ្ណរបស់មន្ទីរការងារនិងបណ្តុះបណ្តាលវិជ្ជាជីវៈខេត្តមណ្ឌលគិរី ដែលចុះចែកដោយផ្ទាល់ពីសំណាក់ប្រធានមន្ទីរគឺលោកណយ ច័ន្ទតារានិងសមាជិក។
ខ្លឹមផ្សារនៃខិតប័ណ្ណនោះមានដូចជាការសិក្សាលើវគ្គបណ្តុះបណ្តាលជំនាញរួមមានអគ្គីសនី,ព័ត៌មានវិជ្ជា,ការដំឡើងបណ្តាញអគ្គីសនីក្នុងអគារ,សេវាកម្មកុំព្យូទ័រ,ការផ្សារអគ្គីសនី,ការថែទាំនិងជួសជុលទោចក្រយានយន្ត,សេវាកម្មកាត់សក់បុរស,និងសេវាកម្មសម្អាងកាយ ជាដើម។
លោក ណយ ច័ន្ទតារា ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តមណ្ឌលគិរី ថាសកម្មភាពចែកខិតប័ណ្ណនេះ បានធ្វើឡើងនៅទីតាំងសំខាន់ៗចំនួនពីរគឺ រង្វង់មូលគោព្រៃ និង មុខមណ្ឌលប្រឡងវិទ្យាល័យហ៊ុន សែន មណ្ឌលគិរី។
គោលបំណងគឺដើម្បីផ្តល់ព័ត៌មានអំពីជំនាញផ្សេងៗដែលមានបង្រៀននៅមណ្ឌលបណ្តុះបណ្តាលវិជ្ជាជីវៈខេត្ត ដែលអាចជាជម្រើសល្អសម្រាប់សិស្សក្នុងការបន្តការសិក្សា និងអភិវឌ្ឍន៍ជំនាញដើម្បីត្រៀមខ្លួនសម្រាប់ទីផ្សារការងារ។ ក្រៅពីសកម្មភាពចែកខិតប័ណ្ណនេះ ក្រុមការងារ និងនៅបន្តចែកខិតប័ណ្ណ និងទទួលពាក្យចុះឈ្មោះរហូតដល់មួយខែទៀត នៅទីតាំងរង្វង់មូលគោព្រៃ ដើម្បីសម្រួលដល់ប្អូនៗដែលមានបំណងចង់ចុះឈ្មោះចូលរៀនជំនាញវិជ្ជាជីវៈ និងស្វែងរកការងារធ្វើ ៕
ដោយ ៖ចាន់បុត្រ|មណ្ឌលគិរី|ដើមអម្ពិល
