DAP News
-
1.2KCovid-19ក្រសួងអប់រំ ណែនាំដល់មន្ត្រីខ្លួន មិនឲ្យមានការរៀបចំ កិច្ចប្រជុំណាមួយមានមនុស្សលើសពី ១០នាក់
ភ្នំពេញ៖ ដើម្បីចួលរួមបង្ការ និងទប់ស្កាត់ការរាតត្បាតនៃវីរុសកូវីដ១៩នោះក្រសួងអប់រំយុវជន និងកីឡាបានណែនាំដល់មន្ត្រីដោយមិនអនុញ្ញាតឲ្យមានការរៀបចំកិច្ចប្រជុំ ណាមួយមានមនុស្សលើស ពី១០នាក់នោះទេ។ យោងតាមសេចក្តីណែនាំ ស្តីពីវិធានការបន្ថែមក្នុងការបង្ការ និងទប់ស្កាត់ការរាតត្បាត នៃជំងឺកូវីដ១៩នោះ ចេញផ្សាយនៅថ្ងៃទី៣១ខែមីនា ឆ្នាំ២០២០ ក្រសួងអប់រំយុវជ និងកីឡា បានលើកយ៉ាងដូច្នេះថា ដើម្បីចូលរូមបង្ការ និងទប់ស្កាត់ការរាតត្បាតនៃវីរុសកូវីដ១៩និងស្របតាមការអនុវសាសន៍ របស់ប្រមុខរាជរដ្ឋាភិបាលកម្ពុជា ក្រសួងអប់រំ យុវជន និងកីឡាសូមធ្វើការណែនាំ ដល់មន្ត្រីអប់រំគ្រប់លំដាប់ថ្នាក់ដូចជា៖...
-
1.7KCovid-19រាជរដ្ឋាភិបាល ដាក់ចេញវិធានការបន្ថែម ជួយដល់វិស័យឯកជននិងកម្មករ-និយោជិត ដែលរងផលប៉ះពាល់ធ្ងន់ធ្ងរ ពីកូវីដ-១៩
ភ្នំពេញ៖ ប្រមុខរាជរដ្ឋាភិបាលម្ពុជា សម្ដេចតេជោ ហ៊ុន សែន បានដាក់ចេញវិធានការបន្ថែម សំដៅជួយដល់វិស័យឯកជន និងកម្មក-និយោជិត ដែលទទួលរងផលប៉ះពាល់ធ្ងន់ធ្ងរ ពីការរីករាលដាលនៃជំងឺ កូវីដ១៩ (Covid-19)។ យោងតាមសេចក្ដីប្រកាសព័ត៌មាន របស់រាជរដ្ឋាភិបាល នៅថ្ងៃទី៣១ ខែមីនា ឆ្នាំ២០២០ បានឲ្យដឹងថា ការរីករាលដាលនៃជំងឺកូវីដ-១៩ នៅក្នុងប្រទេសមួយចំនួន នៅក្នុងតំបន់អាស៊ី និងលើសកលលោក បានធ្វើឲ្យរដ្ឋាភិបាលនៃបណ្ដាប្រទេសរងគ្រោះ រួមទាំងកម្ពុជាផង ចាប់ផ្ដើមអនុវត្តនូវ វិធានការចាំបាច់នានា រៀងៗខ្លួន រួមមាន ការប្រកាសដាក់ប្រទេសក្នុងគ្រាអាស្ន ការបិទផ្សារលក់ទំនិញការហាមឃាត់មិនឲ្យ ប្រជាពលរដ្ឋធ្វើដំណើរ ជាដើម ។ រដ្ឋាភិបាលបន្ដថា នៅក្នុងបរិការណ៍នេះ ទោះបីមានការវាយតម្លៃជារួមថា សេដ្ឋកិច្ចកម្ពុជានៅមានភាពរឹងមាំ និងក្នុងខណៈ ដែលរាល់វិធានការទាំងឡាយ ដែលត្រូវបានដាក់ចេញមក នៅជុំទី១ កាលពីថ្ងៃទី២៤ ខែកុម្ភៈ ឆ្នាំ២០២០ ព្រមទាំងវិធានការពាក់ព័ន្ធជាបន្តបន្ទាប់នឹងនៅតែអនវុត្តជាធម្មតា រាជរដ្ឋាភិបាលបានសម្រេចចិត្តដាក់ ចេញនូវវិធានការបន្ថែមជាជុំទី២ មួយទៀត សំដៅជួយដល់វិស័យឯកជន ដែលទទួលរងផលប៉ះពាល់ធ្ងន់ធ្ងរ ឲ្យអាចបន្តរស់រានបាន ក្នុងពេលដ៏លំបាកនេះ ក៏ដូចជាជួយដល់កម្មករ និយោជិត នៅក្នុងវិស័យពាក់ព័ន្ធ។ វិធានការទាំងនេះ រួមមាន៖ ទី១-វិស័យអាកាសចរណ៍ ៖ លើកលែងការបង់ពន្ធអប្បបរមា (Minimum tax) សម្រាប់រយៈពេល៣ខែ ចាប់ពីខែមីនា រហូត ដល់ខែឧសភា ឆ្នាំ២០២០ សម្រាប់ក្រុមហ៊ុនអាកាសចរណ៍របស់កម្ពុជា ។ ពន្យារការបង់ប្រាក់ជំពាក់កម្រៃ អាកាសចរស៊ីវិល សម្រាប់រយៈពេល៦ខែ ជាមួយនឹងការអនុញ្ញាត ឲ្យក្រុមហ៊ុនអាកាសចរណ៍ទាំងនោះ រៀបចំបង់ប្រាក់ជំពាក់នោះ ជាដំណាក់កាល ក្រោយពីរយៈពេលពន្យារនេះ។ ទី២-វិស័យទេសចរណ៍ ៖ ពង្រីកវិសាលភាពបន្ថែម លើវិធានការលើកលែង ការបង់ពន្ធប្រចាំខែគ្រប់ប្រភេទ ចំពោះសណ្ឋាគារ, ផ្ទះសំណាក់, ភោជនីយដ្ឋាន និងក្រុមហ៊ុនភ្នាក់ងារទេសចរណ៍ ដែលបានចុះ បញ្ជីជាមួយអគ្គនាយកដ្ឋានពន្ធដារ និងមានសកម្មភាពអាជីវកម្ម នៅក្នុងរាជធានីភ្នំពេញ, ខេត្តសៀមរាប, ខេត្តព្រះសីហនុ, ខេត្តកែប, ខេត្តកំពត, ក្រុងបាវិត និងក្រុងប៉ោយប៉ែត សម្រាប់រយៈពេល៣ខែ ដោយគិតចាប់ពីខែមីនា ដល់ខែឧសភា ឆ្នាំ២០២០។ អាជីវកម្មទាំងនេះ នៅតែមានកាតព្វកិច្ច ដាក់លិខិតប្រកាសពន្ធអាករ និងប្រើប្រាស់ប្រព័ន្ធ អនឡាញសម្រាប់គ្រប់គ្រង អាករលើតម្លៃបន្ថែម (EVAT) ជារៀងរាល់ខែក្នុងអំឡុងពេលនៃការលើកលែងនេះ។កំណត់ឲ្យអ្នកជាប់ពន្ធ ដាក់លិខិតប្រកាសពន្ធលើប្រាក់ចំណូលប្រចាំឆ្នាំ២០១៩ យ៉ាងយឺតបំផុតឲ្យបានមុនដំណាច់ខែមិនា ឆ្នាំ២០២០, ប៉ុន្តែប្រាក់ពន្ធត្រូវបានអនុញ្ញាតឲ្យបង់ រំលាស់ជារៀងរាល់ខែ រហូតដល់ខែវិច្ឆិកា ឆ្នាំ២០២០។ ពង្រីកវិសាលភាព នៃយន្តការនៃការចូលរួមចំណែកឧបត្ថម្ភ២០% នៃប្រាក់ខែអប្បបរមា (២០% នៃ១៩០ ដុល្លារ) ពីរាជរដ្ឋាភិបាលដល់កម្មករនិយោជិត ដែលរងផលប៉ះពាល់ពីការព្យួរ ឬផ្អាកដំណើរការអាជីវកម្មរបស់សណ្ឋាគារ, ផ្ទះសំណាក់, ភោជនីយដ្ឋាន និងក្រុមហ៊ុនភ្នាក់ងារទេសចរណ៍ ដែលបានចុះបញ្ជីជាមួយអគ្គនាយកដ្ឋានពន្ធដារ។ ការផ្តល់ប្រាក់ឧបត្ថម្ភ២០% នៃប្រាក់ខែអប្បបរមានេះ តម្រូវឲ្យភ្ជាប់ជាមួយនូវលក្ខខណ្ឌ នៃការចូលរួមវគ្គបណ្ដុះបណ្ដាល រយៈពេលខ្លីៗ រវាងពី១ ទៅ២សប្តាហ៍ ដែលរៀបចំដោយក្រសួងទេសចរណ៍។ ការបើកប្រាក់ឧបត្ថម្ភនេះ ទាមទារនូវការរៀបចំយន្តការផ្ទៀងផ្ទាត់ និងជ្រើសរើសសិក្ខាកាម ចូលរួមជាកម្មករនិយោជិត តាមរយៈការពិនិត្យលើ បញ្ជីរាយនាមកម្មករ-និយោជិតពី សណ្ឋាគារ, ផ្ទះសំណាក់, ភោជនីយដ្ឋាន និងក្រុមហ៊ុនភ្នាក់ងារទេសចរណ៍ ដោយមានឈ្មោះភ្ជាប់ជាមួយលេខបណ្ណ ប.ស.ស ឬការបញ្ជាក់ពីម្ចាស់អាជីវកម្មទេសចរណ៍។ មិនចាំបាច់បង់ប្រាក់វិភាគទានធានារ៉ាប់រង របបហានិភ័យការងារ និងថែទាំសុខភាព (បសស) ក្នុងអំឡុងពេលព្យួរ ឬ ផ្អាកដំណើរការអាជីវកម្ម។ ទី៣- ដោយវិស័យឯកជនជាច្រើន មានកង្វល់ពីការធានាប្រក្រតីភាព នៃការជួលអគារ-ទីតាំងអាជីវកម្ម និងរោងចក្រនានា ក្នុងដំណាក់កាលលំបាកនេះ រាជរដ្ឋាភិបាលសូមណែនាំដល់ក្រសួង-ស្ថាប័នរដ្ឋ និងអំពាវនាវដល់បុគ្គលឯកជន ដែលជាម្ចាស់អគារ-ទីតាំងអាជីវកម្ម និងរោងចក្រឲ្យជួយសម្រួលដល់ ភាគីអ្នកជួល ដោយជៀសវាងការបញ្ឈប់កិច្ចសន្យា ឬការបណ្ដេញចេញ ក្នុងករណីដែលអ្នកជួលមិនមានលទ្ធភាពបង់ថ្លៃសេវាជួល បានទាន់ពេលវេលា និងសូមលើកទឹកចិត្តឲ្យភាគីម្ចាស់អគារ-ទីតាំងអាជីវកម្ម និងម្ចាស់រោងចក្រ ចរចាគ្នាជាមួយនឹងអ្នកជួល លើការពន្យារពេលសម្រាប់ ការបង់ថ្លៃសេវាជួល និងការដេញថ្លៃសេវាជួលជាយថាហេតុ។ ទី៤-ក្រសួងស្ថាប័នទាំងអស់ ត្រូវអនុវត្តនូវសេចក្ដីណែនាំនេះ ទៅតាមសមត្ថកិច្ចរបស់ខ្លួន ឲ្យមានប្រសិទ្ធភាពខ្ពស់។ ទី៥-រាជរដ្ឋាភិបាល នឹងបន្ដតាមដានសភាពការណ៍ផលប៉ះពាល់ ពីជំងឺកូវីដ១៩ ទៅលើសេដ្ឋកិច្ច និងសង្គម និងត្រៀមជាស្រេចក្នុងការដាក់ចេញ នូវវិធានការបន្ថែមទៀត ដើម្បីផ្ដល់នូវការជួយគាំទ្រសមស្រប និងតាមការចាំបាច់ ដល់ក្រុមហ៊ុនអាជីវកម្ម និងកម្មករនិយោជិត ដែលទទួលរងផលប៉ះពាល់ធ្ងន់ធ្ងរ៕ ដោយ៖ អេង ប៊ូឆេង
-
922Covid-19ប្រធាន WHO៖ ប្រទេសអ្នកមាន ត្រូវតែជួយប្រទេសក្រីក្រ ដើម្បីទទួលបានសម្ភារៈចាំបាច់ យកមកប្រឆាំងនឹងវីរុសកូវីដ១៩
បរទេស៖ ប្រធានអង្គការសុខភាពពិភពលោក (WHO) បានអំពាវនាវឱ្យប្រទេស មានសេដ្ឋកិច្ចខ្លាំងៗ ជួយប្រទេសដែលមានចំណូលទាប និងមធ្យម ដើម្បីឱ្យប្រទេសទាំងនោះ ជៀសវាងពីការរាតត្បាតដោយ ផលប៉ះពាល់នៃវីរុសកូវីដ១៩ ។ យោងតាមសារព័ត៌មាន GCTN ចេញផ្សាយនៅថ្ងៃទី៣១ ខែមីនា ឆ្នាំ២០២០ បានឱ្យដឹងថា លោក Tedros Adhanom Ghebreyesus ប្រធាន...
-
938Covid-19លោក ប៉ាវ ស៊ីណា អំពាវនាវដល់ម្ចាស់ផ្ទះជួល ឲ្យជួយបញ្ចុះតម្លៃ ដល់កម្មករដែលត្រូវព្យួរការងារ
ភ្នំពេញ៖ ប្រធានសម្ព័ន្ធសហជីពចលនាកម្មករ លោក ប៉ាវ ស៊ីណា អំពាវនាវដល់ម្ចាស់ផ្ទះ/បន្ទប់ជួល មេត្តាជួយសម្របសម្រួលបញ្ចុះតម្លៃដល់បងប្អូនកម្មករនិយោជិត ដែលត្រូវបានព្យួរការងារ ដោយសារតែរោងចក្រ ខ្វះវត្ថុធាតុដើមសម្រាប់ ផ្គត់ផ្គង់ចង្វាក់ផលិតកម្ម ហើយក្រុមហ៊ុនអ្នកបញ្ជាទិញ នៅលើពិភពលោកដកការកុម្ម៉ង់ទិញបណ្ដាលមកពីស្ថានភាព រីករាលដាលជាសកលនៃវីរុស COVID-19។ ការអំពាវនាវរបស់លោក ប៉ាវ ស៊ីណា បែបនេះ ធ្វើឡើងបន្ទាប់ពីមានកម្មករនិយោជិតកាន់តែច្រើន ត្រូវបានរោងចក្រព្យួរការងារ ដែលធ្វើឲ្យប៉ះពាល់ខ្លាំងដល់...
-
1.1KCovid-19អង់គ្លេស ដែលកំពុងប្រឈមមុខខ្លាំង នឹងស្ថានភាពបច្ចុប្បន្ន បែរងាកទៅចោទថា ចិនកុហកពិភពលោក ពីចំនួនពិតនៃអ្នកឆ្លង ក្នុងប្រទេសរបស់ខ្លួន
បរទេស៖ គិតត្រឹមយប់ថ្ងៃចន្ទ ទី៣០ខែមីនា ចំនួនអ្នកស្លាប់បន្ថែម ១៨០នាក់ទៀត បានធ្វើឲ្យអង់គ្លេស បានបាត់បង់ជីវិតមនុស្ស សរុបដល់ទៅ១៤០៨នាក់ហើយ ដោយសារវិរុសកូរ៉ូណា ខណៈដែលមនុស្សកាន់តែច្រើន ក៏បានឆ្លងផងដែរ រួមចាប់ពីពលរដ្ឋធម្មតា បុគ្គលល្បី រដ្ឋមន្ត្រី នាយករដ្ឋមន្ត្រី ព្រមទាំងព្រះអង្គម្ចាស់ផង។ Businessinsider នៅថ្ងៃដដែលនេះ ក៏បានចេញផ្សាយដែរថា រដ្ឋាភិបាលអង់គ្លេស តាមរយៈមន្ត្រីជាន់ខ្ពស់មួយចំនួន បាននិយាយថា...
-
895Covid-19បារាំង ប្រើឧទ្ធម្ភាគចក្រយោធា ដឹកអ្នកជម្ងឺកូវីដ១៩ ធ្ងន់ទៅបរទេស
បរទេស៖ ឧទ្ធម្ភាគចក្រយោធាបារាំង នៅថ្ងៃចន្ទសប្ដាហ៍នេះ បានដឹកបញ្ជូនអ្នកជម្ងឺកូរ៉ូណាវីរុសធ្ងន់ ចេញពីប្រទេសបារាំង ទៅកាន់មន្ទីរពេទ្យនានា នៅក្នុងប្រទេសអាល្លឺម៉ង់ និងស្វីស ស្របពេលដែលប្រទេសនេះ បានប្រឹងប្រែងប្រយុទ្ធ ដើម្បីបង្កើនទំហំអង្គភាពទ្រទ្រង់ជីវិត។ តំបន់ គឺជាតំបន់ដំបូងគេបង្អស់ ក្នុងប្រទេសបារាំង ដែលទទួលរងរលកនៃការឆ្លងកូរ៉ូណាវីរុស ហើយឆ្លងរីករាលដាល់យ៉ាងលឿន ទៅភាគខាងលិចហ៊ុំព័ទ្ធទីក្រុងប៉ារីស ជាទីដែលមន្ត្រីពេទ្យកំពុងតែបន្ថែមគ្រែទាំងជម្ងឺ ដើម្បីទប់ទល់នឹងការឆ្លងចូល។ គួរបញ្ជាក់ថា ចាប់តាំងពីថ្ងៃទី១ ខែមីនាមក...
-
871ព័ត៌មានជាតិនាយករដ្ឋមន្រ្តី អំពាវនាវ ដល់ពលរដ្ឋ-សង្គមស៊ីវិល កុំព្រួយបារម្ភ ចំពោះច្បាប់គ្រប់គ្រងប្រទេស ក្នុងគ្រាមានអាសន្ន
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានអំពាវនាវទៅដល់ ប្រជាពលរដ្ឋ និងអង្គការសង្គមស៊ីវិល កុំមានការព្រួយបារម្ភ ចំពោះច្បាប់ គ្រប់គ្រងប្រទេសជាតិ ស្ថិតក្នុងភាពមានអាសន្ន ព្រោះច្បាប់នេះមិនមែនបង្កើតឡើង ដើម្បីរឹតដ្បិតសេរីភាពពលរដ្ឋ ក្នុងបញ្ចេញមតិនោះឡើយ។ នេះបើយោងតាម គេហទំព័រហ្វេសប៊ុករបស់ សម្ដេចតេជោ ហ៊ុន សែន ។...
-
816Covid-19សង្ស័យថា ជប៉ុនព្យាយាមលាក់បាំងតួលេខ នៃអ្នកឆ្លងកូរ៉ូណា
បរទេសៈ MailOnline នៅថ្ងៃចន្ទទី៣០ ខែមីនា បានសរសេរថា ក្រោយការប្រកាសជាផ្លូវការ ពីសំណាក់រដ្ឋាភិបាលជប៉ុន ក្នុងការបញ្ចប់ទៅ នៃព្រឹត្តិការណ៍កីឡាអូឡាំពិកឆ្នាំ២០២១ កាលពីសប្តាហ៍មុននោះមក ចំនួននៃអ្នកឆ្លងវិរុសកូរ៉ូណា បានកើនឡើងពី១៦ទៅដល់៦៣នាក់ ក្នុងមួយថ្ងៃជាមធ្យម ដែលវាបានក្លាយ ទៅជាការសង្ស័យដ៏ធំមួយថា ជប៉ុនបានព្យាយាមលាក់បាំង ចំនួនអ្នកឆ្លងមួយរយៈមុននេះ។ ការលើកឡើងបែបនេះ ត្រូវបានគេមើលឃើញថា នាំមុខខ្លាំងជាងគេ ដោយអតីតនាយករដ្ឋមន្ត្រីជប៉ុន លោកYukio...
-
936Covid-19វៀតណាមនិយាយថា នឹងផ្អាកការដឹកជញ្ជូនសាធារណៈ ដើម្បីទប់ស្កាត់ ការឆ្លងរីករាលដាល នៃកូរ៉ូណាវីរុស
បរទេស៖ រដ្ឋមន្ត្រីនៃប្រទេសវៀតណាម លោក Nguyen Xuan Phuc នៅថ្ងៃចន្ទនេះ បានបញ្ជាឲ្យផ្អាក សេវាកម្មដឹកជញ្ជូនសាធារណៈ ដើម្បីទប់ស្កាត់ការឆ្លងរីករាលដាល នៃកូរ៉ូណាវីរុស ដែលគេដឹងថា មានមនុស្សចំនួន២០៣នាក់ នៅក្នុងប្រទេសបានឆ្លង។ ក្រៅពីនេះ យោងតាមសេចក្តីថ្លែងការណ៍ ដែលបង្ហោះលើគេហទំព័ររដ្ឋាភិបាល លោកនាយករដ្ឋមន្ត្រីវៀតណាមរូបនេះ ក៏បានអំពាវនាវ ឲ្យមានការដាក់កំហិត លើការប្រើប្រាស់រថយន្តឯកជន និងជំរុញលើកទឹកចិត្តឲ្យមន្ត្រីនានា...
-
1.4Kព័ត៌មានជាតិក្រុមហ៊ុនចិន បោះទុនវិនិយោគ ៣០លានយ័ន នៅខេត្តព្រះសីហនុ
ភ្នំពេញ ៖ ក្រុមហ៊ុនចិន នៅតែបន្ដបណ្ដាក់ទុកវិនិយោគ ចំនួន៣០លានយ័ន លើផ្នែកវិស្វកម្មផ្លូវថ្នល់នៅក្នុងខេត្តព្រះសីហនុ ស្របតាមគោលនយោបាយ ខ្សែក្រវ៉ាត់មួយ វិថីមួយ ដែលជាគំនិតផ្ដួចផ្ដើមរបស់លោកប្រធានាធិបតី ស៊ី ជិនពីង ដោយក្រុមហ៊ុនមានសង្ឃឹមថា សម្រាប់ខេត្ត ព្រះសីហនុសេដ្ឋកិច្ច នឹងងើបឡើងវិញក្នុងពេលដ៏ឆាប់ខាងមុខ នេះបើយោងតាមការបញ្ជាក់ ពីលោកប្រធានក្រុមហ៊ុន ជែងស៊ូកៃ លីរ៉ូដ អេនជីនារីង ខូអិលធីឌី...