DAP News
-
1.3Kនយោបាយបទវិភាគ ៖ សហរដ្ឋអាមេរិក និងអង់គ្លេស រួមគ្នាលេង កលល្បិចចាស់ម្តងទៀត មុខជានឹងទទួល បរាជ័យ ជាមិនខាន
ពេលថ្មីៗកន្លងទៅនេះ ចិននិងអាល្លឺម៉ង់ បានចុះហត្ថលេខា លើកិច្ចព្រមព្រៀង ដែលមានការវិនិយោគទុន សរុបជិត២រយលានប្រាក់អឺរ៉ូ និងគ្របដណ្តប់គម្រោង សហប្រតិបត្តិការពាណិជ្ជកម្ម ចំនួន១០ ។ នេះជាគំរូថ្មីបំផុត ដែលវិនិយោគិនបរទេស មានសុទិដ្ឋិនិយម ចំពោះប្រទេសចិន ហើយក៏ជាការសើច ចំអក ចំពោះការដែលស្ថាប័ន ស៊ើបការណ៍អាមេរិក និងអង់គ្លេស រួមគ្នាលេងកលល្បិចចាស់ម្តងទៀត ដើម្បីបំភិតបំភ័យ សហគ្រាសប្រទេសលោកខាងលិច...
-
1.2Kព័ត៌មានជាតិប.ស.ស. ធ្វើការផ្សព្វផ្សាយ ស្តីពីរបបសន្ដិសុខសង្គម ផ្នែកប្រាក់សោធន លើកដំបូង បន្ទាប់ពីប្រកាសដាក់ឱ្យអនុវត្តជាផ្លូវការ
ភ្នំពេញ៖ លោកបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមប្រឹក្សាភិបាល ប.ស.ស. ក្នុងឱកាសដែល អញ្ជើញជាអធិបតីបើកពិធីផ្សព្វផ្សាយ ការដាក់ឱ្យអនុវត្តរបបសន្តិសុខសង្គម ផ្នែកប្រាក់សោធន សម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញត្តិ នៃច្បាប់ ស្តីពីការងារ នាព្រឹកមិញនេះ បានលើកឡើងថា របបសន្តិសុខសង្គមផ្នែកប្រាក់សោធន គឺជារបបសន្តិសុខសង្គមថ្មី និងជាប្រវត្តិសាស្រ្តសម្រាប់កម្ពុជាក្រោមការដឹកនាំ ប្រកបដោយគតិបណ្ឌិត និងឈ្លាសវៃបំផុតរបស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដែលសម្តេចបានគិតគូរ និងយកចិត្តទុកដាក់ខ្ពស់ ដល់ស្ថិរភាពនៃប្រាក់ចំណូលរបស់បងប្អូនកម្មករ និយោជិតនៃវិស័យឯកជន បានសម្រេចបង្កើតឱ្យមាន របបសន្តិសុខសង្គមមួយនេះឡើង។ លោកបណ្ឌិតរដ្ឋមន្រ្តី បានថ្លែងបន្តទៀតថា ដើម្បីឱ្យបងប្អូនកម្មករនិយោជិត និងសាធារណជនទាំងអស់ បានយល់ដឹងកាន់តែច្បាស់ និងស៊ីជម្រៅ ស្តីពីរបបសន្តិសុខសង្គម ផ្នែកប្រាក់សោធន នេះ ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ ប្រកាសបើកយុទ្ធនាការចំនួន ៩០ថ្ងៃ សម្រាប់ធ្វើការផ្សព្វផ្សាយរបបសន្តិសុខសង្គមផ្នែកប្រាក់សោធន ដល់នាយករោងចក្រ ឬម្ចាស់សហគ្រាស គ្រឹះស្ថាន និងបងប្អូនកម្មករនិយោជិត នៃវិស័យឯកជនទាំងអស់ ឱ្យបានដឹងពីកាតព្វកិច្ច និងអត្ថប្រយោជន៍ ដែលរាជរដ្ឋាភិបាល បានគិតគូរ និងយកចិត្តទុកដាក់ខ្ពស់ដល់ស្ថិរភាព នៃប្រាក់ចំណូលរបស់បងប្អូនកម្មករនិយោជិត នៃវិស័យឯកជន បន្ទាប់ពីរបបសន្ដិសុខសង្គមផ្នែកប្រាក់សោធន សម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញត្តិ នៃច្បាប់ស្តីពីការងារខាងលើ ទទួលបានការអនុម័ត យល់ព្រមដាក់ឱ្យអនុវត្តចាប់ពីថ្ងៃទី១ ខែកក្កដា ឆ្នាំ២០២២ នេះតទៅ។ លោកបណ្ឌិតរដ្ឋមន្រ្ដី បានបន្តទៀតថា របបសន្ដិសុខសង្គមផ្នែកប្រាក់ សោធនសម្រាប់បុគ្គលទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារនេះ បានកំណត់យ៉ាងច្បាស់ នៅក្នុងអនុសាសន៍ទី៧ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នៃអនុសាសន៍ទាំង១០ក្នុងអំឡុងពេល នៃការចុះជួបសំណេះសំណាល ជាមួយបងប្អូនកម្មករនិយោជិត រយៈពេល ២ឆ្នាំ កាលពីឆ្នាំ ២០១៧រហូតដល់ឆ្នាំ២០១៩ ដែលនេះបង្ហាញឱ្យច្បាស់ ពីការយកចិត្តទុកដាក់ខ្ពស់ និងជាការឆ្លើយតបក្នុងការអនុវត្តយុទ្ធសាស្រ្តចតុកោណ របស់រាជរដ្ឋាភិបាល ដែលបានកំណត់អំពីការដាក់ ឱ្យអនុវត្តរបបសន្ដិសុខសង្គមផ្នែកប្រាក់សោធននេះសម្រាប់កម្មករនិយោជិតវិស័យឯកជន ក៏ដូចជាឆ្លើយតបយុទ្ធសាស្រ្ត អភិវឌ្ឍន៍វិស័យការងារ និងបណ្តុះបណ្តាលវិជ្ជាជីវៈ ។ លោកបណ្ឌិតរដ្ឋមន្រ្ដី បានបន្ថែមទៀតថា ដោយសារវិបត្តិកូវីដ-១៩ ដែលជាវិបត្តិសកលបានអូសបន្លាយ អស់រយៈពេល២ឆ្នាំកន្លងទៅ បណ្ដាលឱ្យវិស័យការងារកម្ពុជា ជួបនូវបញ្ហាប្រឈមជាច្រើន ដែលពុំអាចដាក់ឱ្យអនុវត្តរបបសន្ដិសុខសង្គមមួយនេះបាន ជាមួយគ្នានេះតាមរយៈការដឹកនាំ ប្រកបដោយគតិបណ្ឌិត របស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្រ្តី បានធ្វើការទប់ស្កាត់ដោយជោគជ័យ លើការរីករាលដាលនៃជំងឺកូវីដ-១៩ ជាពិសេសយុទ្ធសាស្រ្ត នៃការចាក់វ៉ាក់សាំង ដែលបានបង្កើតភាពស៊ាំ ក្នុងសហគមន៍ ឈានដល់ការបើកដំណើរការឡើងវិញលើគ្រប់វិស័យ ប្រកដោយភាពជោគជ័យ ជាមួយនឹងសុខសន្ដិភាព ដែលគ្របដណ្ដប់ពេញផ្ទៃប្រទេស ព្រមទាំងស្ថិរភាពនយោបាយ យ៉ាងល្អប្រសើរ ស្របតាមគោលនយោបាយរបស់រាជរដ្ឋាភិបាល ក្នុងការរស់នៅតាមគន្លងប្រក្រតីភាពថ្មីជាពិសេសការអភិវឌ្ឍប្រទេស ក្នុងដំណាក់កាលក្រោយវិបត្តិកូវីដ-១៩ ទើបមានឱកាសដាក់ឱ្យដំណើរការ របបសន្ដិសុខសង្គម ផ្នែកប្រាក់សោធននេះជាផ្លូវការ។ តាមរយៈពិធីផ្សព្វផ្សាយខាងលើនេះដែរ លោកបណ្ឌិតរដ្ឋមន្រ្ដី សង្ឃឹមជឿជាក់ថា យុទ្ធនាការ ៩០ថ្ងៃ នៃការផ្សព្វផ្សាយអំពីកាតព្វកិច្ច និងអត្ថប្រយោជន៍ នៃរបបសន្តិសុខសង្គមផ្នែកប្រាក់សោធននេះ នឹងអាចធ្វើឱ្យនាយករោងចក្រ ឬម្ចាស់សហគ្រាស គ្រឹះស្ថាន និងបងប្អូនកម្មករនិយោជិតទាំងអស់ បានយល់ដឹងកាន់តែទូលំទូលាយបន្ថែមទៀត អំពីការចូលរួមអនុវត្តកាតព្វកិច្ច ស្របតាមច្បាប់ស្តីពីរបបសន្តិសុខសង្គម ពេញលេញប្រកបដោយភាពពេញចិត្ត និងរីករាយសាទរ ជៀសវាងការទទួលនូវការញុះញង់ ការទទួលព័ត៌មានមិនពិតពីក្រុមជនអគតិមួយចំនួនតូច ជាពិសេសថ្នាក់ដឹកនាំក្រសួង មន្ទីរ អង្គភាព ចំណុះឱ្យក្រសួងការងារ និងបណ្តុះបណ្តាលវិជ្ជាជីវៈទាំងអស់ បន្ទាប់ពីយល់ដឹង ពីរបបសន្តិសុខសង្គម ផ្នែកប្រាក់សោធននេះ ត្រូវធ្វើយ៉ាងណាផ្សព្វផ្សាយបន្តទៅកាន់នាយករោងចក្រ ឬម្ចាស់សហគ្រាស គ្រឹះស្ថាននិងបងប្អូនកម្មករនិយោជិត ក៏ដូចជាសាធារណជន នៅក្នុងមូលដ្ឋានរបស់ខ្លួន។ សូមបញ្ជាក់ថា៖ ពិធីផ្សព្វផ្សាយការដាក់ឱ្យអនុវត្ត របបសន្តិសុខសង្គមផ្នែកប្រាក់សោធន សម្រាប់បុគ្គលទាំងឡាយដែលស្ថិតនៅក្រោមបទប្បញ្ញត្តិ នៃច្បាប់ស្តីពីការងារខាងលើ ផ្ដល់កិត្តិយសធ្វើបទបង្ហាញដោយ ឯកឧត្តម អ៊ុកសមវិទ្យា ប្រតិភូរាជរដ្ឋាភិបាលទទួលបន្ទុក ជាអគ្គនាយកបេឡាជាតិ សន្តិសុខសង្គម ដែលប្រព្រឹត្តទៅនៅថ្ងៃចន្ទ ទី១១ខែកក្កដា ឆ្នាំ២០២២ នៅសាលប្រជុំ A នៃទីស្ដីការក្រសួងការងារ និងបណ្ដុះបណ្ដាលវិជ្ជាជីវៈ ដោយមានវត្តមានអញ្ជើញចូលរួម ពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ប្រធានអង្គភាពចំណុះក្រសួងការងារ និងបណ្តុះបណ្តាលវិជ្ជាជីវៈ លោក លោកស្រី ប្រធាន អនុប្រធាន មន្ទីរការងារ និងបណ្តុះបណ្តាលវិជ្ជាជីវៈ និងសមាជិក សមាជិកា សរុបចំនួន ៣៤១នាក់៕
-
1.1Kព័ត៌មានជាតិលោក គួច ចំរើន ហាមមិនឲ្យធ្វើដំណើរ នៅតាមលំហសមុទ្រ
ភ្នំពេញ៖ ក្រោយពីក្រសួងធនធានទឹក និងឧតុនិយមប្រកាសថា ផ្ទៃសមុទ្រនៅខេត្តព្រះសីហនុនឹងមានភ្លៀងធ្លាក់ ខ្យល់កន្ត្រាក់ខ្លាំង និងរលកខ្ពស់ៗ អភិបាលខេត្តព្រះសីហនុ លោក គួច ចំរើនបានហាមឃាត់មិនឲ្យ ប្រជាពលរដ្ឋធ្វើដំណើរនៅផ្ទៃសមុទ្រទៅកាន់កោះ និងឆ្នេរនានាទេ ។ ការហាមមឃាត់របស់ លោកអភិបាលខេត្តនេះ ដើម្បីការពារពីគ្រោះថ្នាក់ កើតឡើងជាយថាហេតុដែល កើតចេញពីភ្លៀងខ្លាំង ខ្យល់កន្ត្រាក់ខ្លាំង និងរលកសមុទ្រខ្ពស់ៗ ។ តាមរយៈសារជាសំឡេងជិត២នាទី...
-
1.1Kនយោបាយបទវិភាគ ៖ បើចង់អភិវឌ្ឍ ទំនាក់ទំនងដ៏វិជ្ជមាន ជាមួយប្រទេសចិន នោះអាមេរិក មិនត្រូវនិយាយផ្សេង ធ្វើផ្សឹងជាដាច់ខាត
ចាប់ពីរដ្ឋាភិបាល អាមេរិកអាណត្តិនេះឡើង កាន់មុខតំណែងមក ភាគីអាមេរិក បានអះអាងជាច្រើនលើកថា នឹងបង្កបង្កើត “របងការពារ” សម្រាប់ឱ្យទំនាក់ទំនង រវាងចិននិងអាមេរិក ប៉ុន្តែ “របងការពារ”ជាស្អី អាមេរិកមិន បាននិយាយឱ្យបានច្បាស់ទេ ហើយក៏គ្មានសិទ្ធិសន្និដាន ដោយឯកតោភាគីនោះដែរ ។ ថ្ងៃទី៩ ខែកក្កដា កិច្ចជំនួបរបស់រដ្ឋមន្ត្រី ការបរទេសចិន និងអាមេរិក ធ្វើឱ្យពិភពលោក...
-
1.3Kព័ត៌មានជាតិUpdate ៖ សហរដ្ឋអាមេរិក កោតសរសើរ ចំពោះលោកអតីត នាយករដ្ឋមន្ត្រីជប៉ុន ដែលត្រូវបានគេធ្វើឃាត ដោយចាត់ទុកជា “បុគ្គលមានចក្ខុវិស័យ” គ្រាចូលរួមរំលែកទុក្ខ ជាមួយគួ្រសារសព
តូក្យូ ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១១ ខែកក្កដា ឆ្នាំ២០២២ថា អ្នកការទូតកំពូល របស់ក្រុងវ៉ាស៊ីនតោន បានកោតសរសើរ ចំពោះអតីតនាយករដ្ឋមន្ត្រី ស៊ិនហ្ស៊ូ អាបេ ( Shinzo Abe) ដែលត្រូវបានគេធ្វើឃាត ថាជា “បុគ្គលមានចក្ខុវិស័យ” ខណៈដែលគាត់បានចូលរួមរំលែកទុក្ខ...
-
1.3Kព័ត៌មានអន្តរជាតិUpdate៖ រកឃើញវត្តមានវីរុស បំប្លែងខ្លួនថ្មី Omicron BA.5.2.1 នៅក្រុងសៀងហៃ
សៀងហៃ ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១១ ខែកក្កដា ឆ្នាំ២០២២ថា ទីក្រុងសៀងហៃ បានរកឃើញករណីជំងឺកូវីដ-១៩ពាក់ព័ន្ធ នឹងប្រភេទរងថ្មី Omicron BA.5.2.1 ដែលមន្ត្រីម្នាក់ បានប្រាប់ដល់សន្និសីទ សារព័ត៌មានកាលពីថ្ងៃអាទិត្យ ដែលជាសញ្ញាបង្ហាញពីផលវិបាក ដែលប្រទេសចិន ប្រឈមមុខក្នុងការរក្សាការផ្លាស់ប្តូរថ្មី នៅគ្រាដែលវាបន្តឆ្លងរាលដាល ដែលផ្ទុយពីគោលនយោបាយ...
-
1.1Kព័ត៌មានជាតិឃុំខ្លួនមនុស្សប្រុស-ស្រី២នាក់ ពាក់ព័ន្ធនឹងការ រក្សាទុក និង ជួញដូរគ្រឿងញៀន
ភ្នំពេញ៖ ចៅក្រមស៊ើបសួរ នៃ សាលាដំបូងខេត្តសៀមរាប កាលពីថ្ងៃទី ១១ ខែ កក្កដា ឆ្នាំ ២០២២នេះ បានបង្គាប់ឲ្យឃុំខ្លួន ជនត្រូវចោទប្រស-ស្រី ចំនួន ២នាក់ នៅក្នុងពន្ធនាគារ ជាបណ្ដោះអាសន្ន ដើម្បីរង់ចាំធ្វើសវនាការតាមផ្លូវច្បាប់ ជាប់ពាក់ព័ន្ធនឹងការជួញដូរគ្រឿងញៀន ចំនួន ៣៥កញ្ចប់ ប្រព្រឹត្តនៅ ភូមិបឹងដូនប៉ា សង្កាត់ស្លក្រាម...
-
1.2Kព័ត៌មានជាតិក្រសួងការងារ ណែនាំពីយុទ្ធនាការផ្សព្វផ្សាយ របបសន្តិសុខសង្គម ផ្នែកប្រាក់សោធន៍
ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ បានណែនាំពីយុទ្ធនាការផ្សព្វផ្សាយ របបសន្តិសុខសង្គមផ្នែកប្រាក់សោធនន៍ សម្រាប់បុគ្គលទាំងឡាយ ស្ថិតនៅក្រោមបទប្បញ្ញត្តិ នៃច្បាប់ស្តីពីការងារ រយៈពេល ៩០ថ្ងៃ ចាប់ពីខែកក្កដា ដល់ដំណាច់ខែកញ្ញា ឆ្នាំ២០២២ នៅតាមបណ្ដាតំបន់សេដ្ឋកិច្ចពិសេស សួនឧស្សាហកម្ម រោងចក្រ សហគ្រាស គ្រឹះស្ថានទូទាំងរាជធានី ខេត្ត ក្រុង ស្រុក ខណ្ឌ។...
-
1.1Kព័ត៌មានជាតិយុទ្ធនាការ សម្អាតឆ្នេរសមុទ្រ គឺជាផ្នែកដ៏សំខាន់ ជំរុញឲ្យពលរដ្ឋ ចេះជួយសម្អាត និងថែរក្សាបរិស្ថាន
ភ្នំពេញ : យុទ្ធនាការសម្អាតឆ្នេរ ក្រោមប្រធានបទ «កម្ពុជាស្អាត កម្ពុជាបៃតង» ដែលស្ថិតនៅឆ្នេរអូរឈើទាល ១ ខេត្តព្រះសីហនុ កាលពីថ្ងៃអាទិត្យ កន្លងទៅនេះ ក្រោមកិច្ចសហការ រវាងគណៈកម្មាធិការជាតិ វាយតម្លៃទីក្រុងស្អាត រដ្ឋបាលខេត្តព្រះសីហនុ និងក្រុមហ៊ុន ខេមប្រ៊ូវ ។ លោក ហ៊ួត រិទ្ធី អគ្គលេខាធិការរង...
-
973ព័ត៌មានអន្តរជាតិUpdate៖ ស្លាប់មនុស្សជាច្រើននាក់ និងរងការបំផ្លិចបំផ្លាញខ្លាំង ក្រោយពីរុស្ស៊ីបាញ់រ៉ុក្កែត ផ្លោងចូលតំបន់ Donetsk
គៀវ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១១ ខែកក្កដា ឆ្នាំ២០២២ថា មន្ត្រីក្នុងតំបន់បានឲ្យដឹងកាលពីថ្ងៃអាទិត្យថា មនុស្សយ៉ាងតិច១៥នាក់បានស្លាប់ និង១២នាក់ទៀត ភ័យខ្លាចដោយនៅជាប់គាំង បន្ទាប់ពីគ្រាប់រ៉ុក្កែតរបស់រុស្ស៊ី បានវាយប្រហារលើប្លុកផ្ទះល្វែងកម្ពស់ ៥ជាន់នៅតំបន់ Donetsk ភាគខាងកើតនៃប្រទេសអ៊ុយក្រែន ខណៈដែលក្រុមអ្នកជួយសង្គ្រោះបានជ្រើសរើស ផ្លូវរបស់ពួកគេតាមរយៈ ការរើកម្ទេចថ្មកាយចេញ ។ អ៊ុយក្រែនក៏បានរាយការណ៍ពី...