DAP News
-
2.8Kព័ត៌មានអន្តរជាតិBreaking: ប្រធានាធិបតី កាហ្សាក់ស្ថាន បណ្តេញចេញគណៈរដ្ឋមន្ត្រីចោលតែម្តង បន្ទាប់ពីការតវ៉ា
Breaking: ប្រធានាធិបតី កាហ្សាក់ស្ថាន បានបណ្តេញចេញគណៈរដ្ឋមន្ត្រីរបស់ខ្លួន ចោលតែម្តង បន្ទាប់ពីការតវ៉ា នេះបើយោងតាមគេហទំព័រប្រធានាធិបតី។ ទីភ្នាក់ងារព័ត៌មាន បារាំង AFP រាយការណ៍ នៅមុននេះបន្តិច។ ប្រធានាធិបតីកាហ្សាក់ស្ថាន បានបណ្តេញគណៈរដ្ឋមន្ត្រីរបស់ប្រទេសអាស៊ីកណ្តាល កាលពីថ្ងៃពុធ ក្នុងគោលបំណង ដើម្បីលុបបំបាត់ភាពចលាចល ដែលមិនធ្លាប់មាន ពីមុនមកនៅទូទាំងប្រទេស ដែលបន្ទាប់ពី ការដំឡើង ថ្លៃថាមពល។...
-
2.4Kព័ត៌មានជាតិក្រសួងសាធារណការ ពិភាក្សាគម្រោងសាងសង់ ស្ពានព្រែកតាឡុង ឆ្លងកាត់ទន្លេបាសាក់
ភ្នំពេញ ៖ លោក លឹម ស៊ីដេនីន រដ្ឋលេខាធិការក្រសួងសាធារណការ និង ដឹកជញ្ជូន នាថ្ងៃទី៤ មករា បានដឹកនាំកិច្ចប្រជុំពិភាក្សា គម្រោងសាងសង់ស្ពានព្រែកតាឡុង (ចាក់អង្រែក្រោម-ព្រែកប្រា) ឆ្លងកាត់ទន្លេបាសាក់ ក្នុងភូមិសាស្ត្រ រាជធានីភ្នំពេញ ដោយមានការចូលរួម ពីក្រុមការងារជំនាញ បច្ចេកទេស របស់ក្រុមហ៊ុន Shanghai Construction...
-
2.2Kព័ត៌មានអន្តរជាតិប្រធានាធិបតី លីទុយអានី ៖ ការបើកការិយាល័យ តៃវ៉ាន់ គឺជាកំហុស
បរទេស ៖ ការធ្វើចំណាត់ការសងសឹក របស់ទីក្រុងប៉េកាំង ទៅលើការបើកការិយាល័យ តំណាង របស់តៃវ៉ាន់មួយ នៅក្នុងប្រទេសលីទុយអានី បានធ្វើឲ្យប្រធានាធិបតី លីទុយអានី លោក Gitanas Nauseda មានប្រសាសន៍នៅថ្ងៃអង្គារ សប្ដាហ៍នេះថា ការអនុញ្ញាត ឲ្យមានការិយាល័យតំណាង ក្រោមឈ្មោះ របស់តៃវ៉ាន់ គឺជាកំហុសមួយ ។ ប្រទេសលីទុយអានី...
-
2.7Kព័ត៌មានជាតិសម្ដេចតេជោ ៖ អាមេរិក-អង់គ្លេស តើហ៊ានចេញមុខ បកស្រាយរឿងសញ្ញាបត្រ ហ៊ុន ម៉ាណែតទេ (Video)
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានចោទសួរទៅតំណាងប្រទេសមហាអំណាច ដូចជាសហរដ្ឋអាមេរិក និងចក្រភពអង់គ្លេសថា តើហ៊ានចេញមុខបកស្រាយ និងការពារសញ្ញាបត្រជាន់ខ្ពស់របស់ លោក ហ៊ុន ម៉ាណែតដែរឬទេ ? លោក ហ៊ុន ម៉ាណែត បានទទួលសញ្ញាជាន់ខ្ពស់បណ្ឌិតផ្នែកខាងយោធា-នយោបាយ និងសេដ្ឋកិច្ចមកពីសកលវិទ្យាល័យល្បីៗឈ្មោះ របស់មហាអំណាចទាំង២ ។...
-
2.0Kព័ត៌មានអន្តរជាតិជប៉ុន អះអាងថា កូរ៉េខាងជើង ទំនងជាបាញ់ ប្រភេទមីស៊ីលផ្លោង
តូក្យូ៖ រដ្ឋាភិបាលជប៉ុនបានឲ្យដឹងថា កូរ៉េខាងជើងនៅព្រឹកថ្ងៃពុធនេះ បានបាញ់បង្ហោះកាំជ្រួច ដែលទំនងជាប្រភេទមីស៊ីលផ្លោង នេះបើយោងតាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ។ ឆ្មាំសមុទ្រជប៉ុនបានឲ្យដឹងថា កាំជ្រួចដែលមិនស្គាល់អត្តសញ្ញាណ ត្រូវបានគេជឿថា បានធ្លាក់នៅកន្លែងណា មួយរួចទៅហើយ។ វាត្រូវបានបាញ់ឆ្ពោះទៅសមុទ្រជប៉ុន នេះបើយោងតាមទីភ្នាក់ងារ សារព័ត៌មាន Yonhap របស់កូរ៉េខាងត្បូង ដែលដកស្រង់សម្តីរបស់យោធា កូរ៉េខាងត្បូង។ នេះជាការបាញ់សាកល្បងលើកដំបូងរបស់ប្រទេសក្នុង ឆ្នាំ២០២២។ មុនពេលកូរ៉េខាងជើងបានបាញ់...
-
1.7Kព័ត៌មានអន្តរជាតិណាតូ នឹងរៀបចំកិច្ចប្រជុំ រដ្ឋមន្ត្រីការបរទេស ជុំវិញរឿងអ៊ុយក្រែន
បរទេស៖ អង្គការសម្ពន្ធមិត្ត យោធាណាតូ បានប្រកាសនៅថ្ងៃអង្គារនេះថា សម្ពន្ធមិត្តនឹងប្រារព្ធធ្វើកិច្ចប្រជុំរដ្ឋមន្ត្រីការបរទេស មកពីប្រទេសសមាជិក ទាំង៣០ នៅក្នុងសប្ដាហ៍នេះ ដើម្បីធ្វើការវាយតម្លៃពីស្ថានភាព នៅក្នុងប្រទេសអ៊ុយក្រែន និងកិច្ចពិភាក្សាខាងមុខជាមួយនឹងប្រទេសរុស្ស៊ី។ តាមសេចក្តីរាយការណ៍មួយ ដែលចេញផ្សាយដោយទីភ្នាក់ងារសារព័ត៌មាន ABC News បានឲ្យដឹងថា កិច្ចប្រជុំវិសាមញ្ញរបស់សមាជិកអង្គការសម្ពន្ធមិត្តយោធា នៅថ្ងៃសុក្រនោះ នឹងចាប់ផ្តើមក្រោយមួយសប្ដាហ៍នៃការចរចាតាមបែបការទូតដ៏តានតឹង ជុំវិញការប្រមូលផ្តុំយោធារុស្ស៊ី នៅតាមព្រំដែនរបស់ប្រទេសអ៊ុយក្រែន និងគោលគំនិតបន្ថយភាពតានតឹង...
-
2.3Kព័ត៌មានអន្តរជាតិប្រធានាធិបតី អាមេរិក បញ្ជាក់ប្រាប់មេដឹកនាំ អ៊ុយក្រែន ពីអ្វីដែលបានត្រៀមខ្លួនប្រសិនបើ រុស្សីនឹងលុកលុយ
បរទេស៖នៅដើមសប្តាហ៍នេះលោកប្រធានាធិបតីអាមេរិកលោក Joe Biden បានធ្វើការបញ្ជាក់យ៉ាងច្បាស់ទៅកាន់មេដឹកនាំអ៊ុយក្រែនលោកប្រធានាធិបតីVolodymyr Zelensky ថារដ្ឋាភិបាលវ៉ាស៊ិនតោនព្រមទាំងសម្ព័ន្ធមិត្តនឹងធ្វើការឆ្លើយដោយមានការសម្រេចចិត្តបំផុតប្រសិនបើមានហេតុការណ៍វាយប្រហារដោយរុស្សីមកលើអ៊ុយក្រែន។ មេដឹកនាំទាំងពីរបានជួបពិភាក្សាគ្នាតាមទូរស័ព្ទតាំងតែពីថ្ងៃអាទិត្យដែលក្រោយមកសេចក្តីថ្លែងការណ៍ត្រូវបានចេញសេចក្តីរាយការណ៍ដោយសេតវិមានដោយលោក Biden បានបញ្ជាក់ប្រាប់ ទៅលោក Zelensky ទៀតថាវ៉ាស៊ិនតោន នឹងមិនឈរអោបដៃទុកឲ្យអ៊ុយក្រែននៅម្នាក់ឯងនោះទេ។ លើសពីនេះផងដែរលោកប្រធានាធិបតីអាមេរិកក៏បានលើកសរសើរផងដែរចំពោះការផ្តល់ទំនុកចិត្តទៅលើភាពតានតឹងក្នុងតំបន់ Donbas និងក៏ដូចជាសកម្មភាពទំនាក់ទំនងបែបកាទូតស្របទៅតាមកិច្ចព្រមព្រៀង Minsk ។ គួរឲ្យដឹងដែរថាថ្ងៃចន្ទសប្តាហ៍ក្រោយម្តងទៀតអាមេរិកនិងរុស្សីនឹងត្រូវជួបគ្នាសាជាថ្មីម្តងទៀតដើម្បីធានាដល់សន្តិសុខក្បែរតំបន់អ៊ុយក្រែនដែលព្រឹត្តិការណ៍នេះនឹងធ្វើឡើងនៅក្នុងទីក្រុង Gevena ប្រទេសស្វីស៕ ប្រែសម្រួល៖ស៊ុនលីhttps://www.rt.com/russia/545037-biden-phone-call-ukrainian-president/
-
1.9Kព័ត៌មានអន្តរជាតិលោកXi Jinping ចុះត្រួតពិនិត្យ ការងារត្រៀមរៀបចំ ការប្រកួតកីឡាអូឡាំពិកនិងប៉ារ៉ាឡាំពិក រដូវរងា ក្រុងប៉េកាំង Beijing 2022
ថ្ងៃទី៤ ខែមករា ឆ្នាំ២០២២ លោក XiJinping ប្រធានរដ្ឋចិនបានចុះពិនិត្យកីឡាដ្ឋានជិះស្គីល្បឿនលឿនជាតិចិន មជ្ឈមណ្ឌលប្រព័ន្ធសារព័ត៌មាននៃការប្រកួតកីឡាអូឡាំពិកនិងប៉ារ៉ាឡាំពិករដូវរងាក្រុងប៉េកាំង(Beijing2022) ភូមិកីឡាBeijing2022 មជ្ឈមណ្ឌលប្រតិបត្តិនិងបញ្ជាការ Beijing2022 មូលដ្ឋានហ្វឹកហាត់កីឡាព្រិលទឹកកកដែលកែច្នៃចេញពីរោងចក្រចាស់ ដើម្បីស្វែងយល់ពីការងារត្រៀមរៀបចំការប្រកួតកីឡាអូឡាំពិកនិងប៉ារ៉ាឡាំពិករដូវរងាក្រុងប៉េកាំងBeijing2022 ។ លោកបានសួរសុខទុក្ខនិងសំណេះសំណាលជាមួយអត្តពលិក គ្រូបង្វឹក បុគ្គលិកគ្រប់គ្រងការងារដំណើរការ បុគ្គលិកផ្តល់សេវាកម្ម បុគ្គលិកស្រាវជ្រាវផ្នែកបច្ចេកវិទ្យា អ្នកសារព័ត៌មាន និងអ្នកស្ម័គ្រចិត្តជាដើម ព្រមទាំងសម្តែងការជូនពរឆ្នាំថ្មីចំពោះពួកគេ៕
-
1.8Kព័ត៌មានអន្តរជាតិបទវិភាគ៖ សេរីភាពសារព័ត៌មាន មិនមែនជាឧបករណ៍ នយោបាយ របស់កម្លាំងបរទេសក្នុងការប៉ុនប៉ង បង្កភាពចលាចល នៅហុងកុង និងប្រឆាំងប្រទេសចិននោះទេ
ទាក់ទិននឹងករណីប៉ូលិសតំបន់ហុងកុងចាត់វិធានការស្របច្បាប់ចំពោះ “STANDNEWS” ដែលជាប្រព័ន្ធសារព័ត៌មានបណ្តាញអ៊ីនធើណេតនៅពេលថ្មីៗកន្លងទៅនេះ លោក Antony Blinken រដ្ឋមន្ត្រីការបរទេសអាមេរិកបានចេញផ្សាយអ្វីដែលហៅថា សេចក្តីថ្លែងការណ៍កាលពីថ្ងៃទី២៩ខែធ្នូឆ្នាំ២០២១ដោយមួលបង្កាច់ភាគីចិនថា បានបំផ្លាញសេរីភាពសារព័ត៌មាននៅតំបន់ហុងកុង ហើយប្រទេសលោកខាងលិចមួយចំនួនតូច ដូចជាអង់គ្លេស កាណាដានិងអូស្ត្រាលីជាដើមបានធ្វើតាមអាមេរិក សម្តែងឆាកល្ខោននយោបាយម្តងទៀតដែលជ្រៀតជ្រែកកិច្ចការផ្ទៃក្នុងរបស់ចិនដោយយក “សេរីភាពសារព័ត៌មាន”ធ្វើជាលេស ប្រការនេះបានលាតត្រដាងថែមមួយកម្រិតទៀតនូវបំណងអាក្រក់របស់ពួកគេដែលរួមជាមួយជនខិលខូចចង់ឱ្យតំបន់ហុងកុងមានភាពចលាចល បំផ្លាញវិបុលភាពនិងស្ថិរភាពរបស់តំបន់ហុងកុង ។ ងាកទៅមើលសាវតារបស់ 《STANDNEWS》 អាចឃើញថា គេតែងតែចេញផ្សាយដំណឹងតែងលម្អរឿងអំពើហិង្សា និងញុះញង់ឱ្យចងគំនុំជាមួយប៉ូលិសជាច្រើន ។ បន្ទាប់ពីប្រកាសអនុវត្តច្បាប់សន្តិសុខជាតិនៅតំបន់ហុងកុងរួច អង្គការនេះនៅតែបន្តចុះផ្សាយអត្ថបទដែលញុះញង់ឱ្យមានការស្អប់ខ្ពើមជាតិជាច្រើនទៀត ដែលអួតថា “ដាក់ទណ្ឌកម្មទៅលើប្រទេសចិន”និងញុះញង់ឱ្យអនុវត្តការវាយប្រហារដោយភេរវកម្មបែបចចកនៅតំបន់ហុងកុងជាដើម ។ ដូច្នេះ អាចឃើញថា 《STANDNEWS》 មិនមែនជាប្រព័ន្ធសារព័ត៌មានប្រក្រតីមួយនោះទេ តែគឺជាអង្គការបង្ករឿងហេតុដែលយក “សេរីភាពសារព័ត៌មាន”ធ្វើជាលេស ជាភ្នាក់ងារនៃកម្លាំងប្រឆាំងប្រទេសចិននិងបង្កភាពវឹកវរនៅតំបន់ហុងកុងដែលមានលក្ខណៈប្រឆាំងប្រទេសជាតិនិងប្រឆាំងរដ្ឋាភិបាលយ៉ាងច្បាស់ក្រឡែត។ ដូចនេះ ប៉ូលិសតំបន់ហុងកុងយកមូលហេតុជាប់សង្ស័យពីបទឃិបឃិតគ្នាចេញផ្សាយសៀវភៅឬទស្សនាវដ្តីញុះញង់ឱ្យមានការស្អប់ខ្ពើមជាតិ ធ្វើចំណាត់ការស្របច្បាប់ទៅលើអង្គការនេះដោយចាប់ខ្លួនបុគ្គលិកពាក់ព័ន្ធ គឺជាទង្វើដ៏យុត្តិធម៌ត្រឹមត្រូវក្នុងការគាំពារសន្តិសុខជាតិ ការពាររបៀបរៀបរយសង្គមនិងនីតិរដ្ឋរបស់ហុងកុង ។ ប៉ុន្តែ អ្នកនយោបាយអាមេរិកនិងប្រទេសលោកខាងលិចដែលមានលោក Antony Blinken ជាតំណាងបែរជាមិនអើពើនឹងការពិតជាមូលដ្ឋាននេះសោះ ថែមទាំងបានមួលបង្កាច់ថា “សេរីភាពសារព័ត៌មាននៃតំបន់ហុងកុងត្រូវបានរំលោភបំពាន” ។ ប្រការនេះអាចបង្ហាញថា ពួកគេយកចិត្តទុកដាក់ចំពោះសេរីភាពសារពត៌មានគឺជារឿងក្លែងក្លាយ តាមការពិតគឺមិនចង់ឃើញស្ថិរភាពនិងនីតិរដ្ឋនៅតំបន់ហុងកុងនោះឡើយ ។ សេរីភាពសារព័ត៌មានមិនមែនជាផ្ទាំងស៊ីបនៃបទឧក្រិដ្ឋល្មើសច្បាប់ទេ ហើយក៏មិនមែនជាឧបករណ៍នយោបាយនៃកម្លាំងបរទេសក្នុងការប៉ុនប៉ងបង្កភាពវឹកវរនៅហុងកុងនិងប្រឆាំងប្រទេសចិនផងដែរ ។ សូមដាស់តឿនអ្នកនយោបាយអាមេរិកនិងប្រទេសលោកខាងលិចឱ្យគោរពការពិត មើលឱ្យច្បាស់នូវនិន្នាការទូទៅ ប្រញាប់បញ្ឈប់បំផ្លាញប្រព័ន្ធច្បាប់តំបន់ហុងកុងភ្លាម និងបញ្ឈប់ជ្រៀតជ្រែកកិច្ចការតំបន់ហុងកុងនិងកិច្ចការផ្ទៃក្នុងរបស់ប្រទេសចិន ។ និន្នាការប្រវត្តិសាស្ត្រដែលតំបន់ហុងកុងបញ្ចប់ភាពចលាចលនិងមានស្ថិរភាពឡើងវិញគឺមិនអាចរារាំងបានទេ ឆាកល្ខោន “ស្តង់ដារពីរ”ដ៏អាក្រក់និងលាក់ពុតរបស់សហរដ្ឋអាមេរិកនិងប្រទេសលោកខាងលិចគួរតែបញ្ចប់ក្នុងពេលឆាប់ៗ !
-
1.9Kព័ត៌មានអន្តរជាតិលោក Xi Jinping យកចិត្តទុកដាក់ខ្លាំង ចំពោះការងារ កសិកម្ម-ជនបទ-កសិករ
នៅឆ្នាំ២០២១ដែលជាខួប ១០០ ឆ្នាំនៃការបង្កើតបក្សកុម្មុយនិស្តចិន សាធារណរដ្ឋប្រជាមានិតចិនទទួលបានជោគជ័យដោយគ្រប់ជ្រុងជ្រោយលើការកាត់បន្ថយភាពក្រីក្រខ្លាំង បានបង្កើតភាពអច្ឆរិយនៃមនុស្សជាតិ។ “បន្ទាប់ការលុបបំបាត់ភាពក្រីក្រទទួលបានជោគជ័យ ជាបន្តគឺត្រូវជំរុញការអភិវឌ្ឍន៍ជនបទដោយគ្រប់ជ្រុងជ្រោយ ។” លោកXiJinping អគ្គលេខាធិការមជ្ឈិមបក្សកុម្មុយនិស្តចិនបានគូសបញ្ជាក់ពីបញ្ហាគន្លឹះថ្មីដែលត្រូវផ្តោតសំខាន់ថែមទៀតលើការងារកសិកម្ម-ជនបទ-កសិកររបស់ប្រទេសចិន នៅដំណាក់កាលបន្ទាប់។ សូមបញ្ជាក់ថា ឆ្នាំ២០២១ ប្រទេសចិនបានផលិតស្បៀងសរុប 682850 លានគីឡូក្រាម ធៀបនឹងឆ្នាំ២០២០បានកើនឡើង 13350 លានគីឡូក្រាម។ នៅឆ្នាំ២០២១ ទូទាំងប្រទេសចិនបានកសាងថ្មីនូវសួនកសិឧស្សាហកម្មទំនើបថ្នាក់ជាតិចំនួន៥០ ឃុំកសិឧស្សាហកម្មខ្លាំងចំនួន ៣០០ តំបន់គំរូផ្នែកច្នៃប្រឌិតថ្មីខាងកសិកម្មនិងការបង្កើតអាជីពនៅទីជនបទចំនួន ២០០ ។ អត្រាប្រើបច្ចេកទេសកសិកម្មជឿនលឿនបានរួមចំណែកដល់កំណើនសេដ្ឋកិច្ចលើសពី៦០% ខណៈអត្រាប្រើម៉ាស៊ីនស្រោចស្រោព-ដាំដុះ-ប្រមូលកសិផលរបស់ចិនបានឡើងដល់ ៧១%។ កាលពីខែធ្នូ ឆ្នាំ២០២១ ប្រទេសចិនបានប្រកាសពី « ផែនការសកម្មភាព៥ឆ្នាំនៃការលើកកម្ពស់បរិស្ថានស្នាក់នៅនៅទីជនបទ(២០២១-២០២៥)» ក្នុងគោលបំណងលើកកម្ពស់គុណភាពបរិស្ថានជនបទចិនដោយគ្រប់ជ្រុងជ្រោយ ដើម្បីរួមចំណែកដល់ការអភិវឌ្ឍជនបទ ធ្វើទំនើបភាវូនីយកម្មជនបទ និងការកសាងប្រទេសជាតិដ៏ស្រស់ស្អាត។ ប្រាក់ចំណូលដែលអាចប្រើបានសម្រាប់កសិករចិនក្នុងមនុស្សម្នាក់ៗក្នុងត្រីមាសទាំង៣ ដើមឆ្នាំ២០២១ បានឡើងដល់ 13726យាន់ប្រាក់ចិន បានកើនឡើង112%។ គិតត្រឹមចុងឆ្នាំ២០២០ ប្រវែងសរុបនៃផ្លូវថ្នល់នៅជនបទចិនគឺ 438 ម៉ឺនគីឡូម៉ែត្រ។ ឆ្នាំ២០២០ តំបន់ជនបទចិនបានទទួលកញ្ចប់អីវ៉ាន់ផ្ញើចេញចំនួនលើសពី 30000 លាន ពោលគឺ ផលិតផលឧស្សហកម្មបានត្រូវដឹកជញ្ជូនទៅដល់ភូមិឃុំ ឯកសិផលក៏បានចូលក្នុងទីផ្សារនៅទីក្រុងធំៗកាន់តែច្រើនឡើងៗ។ ការកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ មិនបោះបង់ចោលជនជាតិណាមួយនោះទេ ការកសាងប្រទេសសង្គមនិយមទំនើបដោយគ្រប់ជ្រុងជ្រោយក៏មិនបោះបង់ចោលជនជាតិណាមួយនោះដែរ។ ក្រោយពីចេញផុតពីភាពក្រីក្រ យើងត្រូវបន្តស្តារជនបទឱ្យមានការអភិវឌ្ឍយ៉ាងរុងរឿង ដើម្បីជំរុញការធ្វើទំនើបកម្មកសិកម្មនិងជនបទ។—XiJinping