លោក វង្សី វិស្សុត៖ ក្រុមប្រឹក្សាអ្នកច្បាប់ ដើរតួនាទីសំខាន់ ក្នុងការពង្រឹងប្រសិទ្ធភាព ការអនុវត្តច្បាប់

ភ្នំពេញ៖ លោក វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុក ទីស្តីការគណៈរដ្ឋមន្ត្រី បានចាត់ទុកភារកិច្ចរបស់ក្រុមប្រឹក្សាអ្នកច្បាប់ មានបេសកកម្មដ៏សំខាន់ និងចាំបាច់បំផុត ក្នុងនាមជាសេនាធិការ របស់ទីស្តីការគណៈរដ្ឋមន្ត្រី ក្នុងការធានានូវគុណភាព នៃការងារស្រាវជ្រាវ និងការផ្តល់យោបល់បានលឿនរហ័ស មានសង្គតិភាព ស្របតាមបទដ្ឋានគតិយុត្ត ជាពិសេសគោលការណ៍ រដ្ឋធម្មនុញ្ញនិងគោលការណ៍ច្បាប់ ក្នុងការពង្រឹងប្រសិទ្ធភាព នៃការអនុវត្តច្បាប់ ដើម្បីអភិបាលកិច្ចល្អ និងក៏សម្រាប់បម្រើឱ្យការអនុវត្តគោលនយោបាយ របស់រាជរដ្ឋាភិបាល សម្រេចបានជោគជ័យផងដែរ។ លោកឧបនាយករដ្ឋមន្ត្រីប្រចាំការ វង្សី វិស្សុត ថ្លែងដូចនេះ នៅព្រឹកថ្ងៃទី២៦ ខែកញ្ញា ឆ្នាំ២០២៣ ក្នុងពេលដឹកនាំកិច្ចប្រជុំក្រុមប្រឹក្សាអ្នកច្បាប់ នៃទីស្តីការគណៈរដ្ឋមន្ត្រី ក្នុងគោលបំណងពង្រឹងគុណភាព បង្កើនសមត្ថភាពរបស់ថ្នាក់ដឹកនាំ និងទាំងកំរិតនាយកដ្ឋាន និងមន្ត្រីជំនាញ ឱ្យមានស្មារតីទទួលខុសត្រូវខ្ពស់ ដើម្បីធានាថា ការដឹកនាំ និងការប្រព្រឹត្តទៅក្នុងការបំពេញភារកិច្ចរបស់ខ្លួនប្រកបដោយវិជ្ជាជីវៈ មានសមត្ថភាព ប្រសិទ្ធភាព សីលធម៌ គុណាធិបតេយ្យ និងសម្រេចបាននូវសមិទ្ធកម្ម ដែលជាស្នាដៃ និងសកម្មភាពការងារដែលប្រមុខរាជរដ្ឋាភិបាល បានប្រគល់ជូន។ លោកឧបនាយករដ្ឋមន្ត្រីប្រចាំការ បានគូសបញ្ជាក់ថា បេសកកម្មការងារចម្បង ដែលក្រុមប្រឹក្សាអ្នកច្បាប់ បាននិងកំពុងអនុវត្តត្រូវតែមានរបៀបនៃការដឹកនាំ ឱ្យបានត្រឹមត្រូវ ច្បាស់លាស់ ធ្វើការតាមមុខងារភារកិច្ចរបស់ខ្លួន ដោយផ្អែកតាមគោលការណ៍ បុរេសកម្ម គឺ«ធ្វើការងារផង និងកែទម្រង់ផង » ដើម្បីធានាថា គ្រប់គ្នាត្រូវតែមានឆន្ទៈ មនសិការវិជ្ជាជីវៈខ្ពស់ក្នុងការស្រឡាញ់ស្ថាប័នរបស់ខ្លួន និងការអនុវត្តភារកិច្ចប្រចាំថ្ងៃ ដោយផ្តោតជាសំខាន់ លើការងារជាអាទិភាព គឺការប្រជុំ ស្រាវជ្រាវ វិភាគ វាយតម្លៃ និងភារកិច្ចក្នុងក្របខណ្ឌនៃការរៀបចំ តាក់តែងច្បាប់ និងក៏ជាអ្នកត្រួតពិនិត្យទាំងទិដ្ឋភាពច្បាប់ឱ្យបានស៊ីជំរៅ រួមទាំងត្រូវតែយល់ដឹងទាំងកម្រិតបច្ចេកទេសផងដែរ។ បើទោះបីក្របខណ្ឌ នៃភារកិច្ចរបស់ក្រុមប្រឹក្សា អ្នកច្បាប់ផ្តោតលើ គុណវុឌ្ឍនៃនីតិរដ្ឋបាល និងនីតិឯកជនក្តី ក៏ប៉ុន្តែដើម្បីបានមូលដ្ឋានរឹងមាំ ក្នុងបម្រើគោលដៅ នៃការអនុវត្តគោលនយោបាយ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ឱ្យធានាបាននូវយុត្តិធម៌ លើកកម្ពស់សេដ្ឋកិច្ច សង្គម ឱ្យមានលទ្ធផលគាប់ប្រសើរ  ។  ក្នុងនោះដែរ លោក វង្សី វិស្សុត បានដាក់ចេញនូវការណែនាំ តម្រង់ទិសដៅ និងជាផែនការ សម្រាប់អនុវត្តទាំងក្នុងពេលចំពោះមុខនិងរយៈពេលវែង សម្រាប់ក្រុមប្រឹក្សាអ្នកច្បាប់ ក្នុងនោះរួមមាន៖ ទី១- ការកំណត់ភាពច្បាស់លាស់ នៃការងារជាអាទិភាពគឺប្រសិទ្ធភាព ក្នុងការផ្តល់យោបល់ លើសេចក្តីព្រាងច្បាប់ ដែលក្រសួងស្ថាប័ននីមួយៗបានផ្តល់ឱ្យ គប្បីក្រុមប្រឹក្សាអ្នកច្បាប់ ត្រូវតែពង្រឹងសមត្ថភាព ការត្រួតពិនិត្យ និងការស្រាវជ្រាវបន្ថែម ដែលត្រូវធ្វើការងារនេះជាក្រុម និងមានយន្តការប្រជុំត្រៀម ពិភាក្សាគ្នាឱ្យច្បាស់លាស់ ដោយធ្វើការវិភាគ វាយតម្លៃឱ្យគ្រប់ជ្រុងជ្រោយដើម្បីធានាថា ការចូលរួមផ្តល់យោបល់ លើសេចក្តីព្រាងច្បាប់ណាមួយ គឺមានទាំងគុណភាព និងប្រសិទ្ធភាព ផ្អែកតាមគោលការណ៍ច្បាប់យ៉ាងរឹងមាំ។ បន្ថែមពីលើនេះ ក្រុមប្រឹក្សាអ្នកច្បាប់ ក៏ត្រូវតែជាធនធានមនុស្ស ដែលមាននូវសមត្ថភាព ក្នុងការតាក់តែងច្បាប់ ព្រះរាជក្រឹត្យ រួមទាំងសមត្ថភាពនៃការសិក្សា និងពិនិត្យលើច្បាប់ រួមទាំងលិខិតបទដ្ឋានគតិយុត្តផ្សេងៗទៀត ដែលមិនសមស្របនឹងវឌ្ឍនភាពសង្គម  ឬជាការត្រួតសមត្ថកិច្ចគ្នាជាមួយក្រសួងពាក់ព័ន្ធ  គឺត្រូវតែមានភាពច្បាស់លាស់ដើម្បីលើកជាយោបល់ ជូនប្រមុខរាជរដ្ឋាភិបាល ក្នុងការពិនិត្យនិងសម្រេច។ ទី២- លើកទឹកចិត្តសម្រាប់ក្រុមប្រឹក្សាអ្នកច្បាប់ តាមរយៈឱ្យមានបើកវគ្គបណ្តុះបណ្តាលជំនាញផ្នែកច្បាប់ ជាការកសាងសមត្ថភាពទាំងទិដ្ឋភាពទម្រង់ ទស្សនាទានច្បាប់  និងទាំងខ្លឹមសារបច្ចេកទេសច្បាប់ ដែលនឹងចែករំលែកបទពិសោធន៍ពីព្រឹទ្ធចារ្យឯកទេសច្បាប់ ទាំងក្នុងស្រុក ឬក៏ការតម្រូវឱ្យមានអ្នកជំនាញជាន់ខ្ពស់ ប្រឹក្សាផ្នែកច្បាប់ពីអន្តរជាតិ បង្ហាត់បង្រៀន រួមទាំងទស្សនកិច្ចសិក្សានៅក្រៅប្រទេសផងដែរ។ ជាពិសេស នឹងស្នើឱ្យមានការរៀបចំបែងចែក ជាក្រុមៗ តាមជំនាញឱ្យបានត្រឹមត្រូវ ដើម្បីការផ្តល់យោបល់ផ្នែកច្បាប់ឱ្យបានរឹងមាំ ច្បាស់លាស់។ និងទី៣– ការគិតគូ ដើម្បីពង្រឹងស្ថាប័ន ក្បាលម៉ាស៊ីនដឹកនាំ ក្រុមប្រឹក្សាអ្នកច្បាប់ រួមទាំងភាពសកម្ម របស់អគ្គលេខាធិការក្រុមប្រឹក្សាអ្នកច្បាប់ ទីប្រឹក្សា និងជំនួយការ។ ជារួមក្នុងកិច្ចប្រជុំនោះ លោក វង្សី វិស្សុត ឧបនាយករដ្ឋមន្ត្រីប្រចាំការបានវាយតម្លៃខ្ពស់ថា ក្រុមប្រឹក្សាអ្នកច្បាប់ គឺជាស្ថាប័នខួរក្បាលដ៏សំខាន់មួយ នៅក្នុងបេសកកម្មបម្រើរាជរដ្ឋាភិបាល ដែលត្រូវតែជាធនធានមនុស្ស ដែលមានទាំងជំនាញ ចំណេៈដឹងជ្រៅជ្រះផ្នែកច្បាប់ ក្នុងការប្រតិបត្តិមុខងាររបស់ខ្លួន សម្រាប់ការស្រាវជ្រាវ ពិនិត្យ និងផ្តល់យោបល់លើសេចក្តីព្រាងច្បាប់ លិខិតបទដ្ឋានគតិយុត្តផ្សេងទៀត ដែលក្រសួង ស្ថាប័នពាក់ព័ន្ធស្នើសុំការសម្រេច ពីរាជរដ្ឋាភិបាល ។ លោកបានបន្ថែមថា ហេតុនេះ ក្រុមប្រឹក្សាអ្នកច្បាប់ ត្រូវតែជាអ្នកធានានូវយុត្តិធម៌ តម្លាភាព និងជាទំនុកចិត្តរបស់រាជរដ្ឋាភិបាលដែលបានប្រគល់ភារកិច្ចជូន និងត្រូវតែមាននូវសមត្ថភាពពេញលេញ ជាមួយនឹងការខិតខំ លើកតម្កើងតម្លៃ កេរ្តិ៍ឈ្មោះ និងកិត្តិយសនៃស្ថាប័ន ក្រុមប្រឹក្សាអ្នកច្បាប់ ធ្វើយ៉ាងណា គឺធានាឱ្យបានជាដាច់ខាត នូវប្រសិទ្ធភាពការងារ៕

រដ្ឋមន្ត្រីការងារ ជំរុញវិស័យឯកជន ឱ្យអនុវត្តរបបសន្តិសុខសង្គម១០០% ដែលជាការគិតគូរ របស់រាជរដ្ឋាភិបាល

ភ្នំពេញ៖ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅរសៀលថ្ងៃទី២៦ ខែកញ្ញា ឆ្នាំ២០២៣នេះ បានជួបពិភាក្សាជាមួយលោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា និងគណៈប្រតិភូ នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។ ក្នុងកិច្ចពិភាក្សាប្រកបដោយភាពស្និទ្ធស្នាល លោករដ្ឋមន្ត្រី បានស្វាគមន៍ចំពោះការបណ្តុះបណ្តាលជំនាញបច្ចេកទេសវិជ្ជាជីវៈរយៈពេលខ្លី និងភាពជាសហគ្រិនដល់បុគ្គលិករបស់ក្រុមហ៊ុនឯកជនដោយឥតគិតថ្លៃដើម្បីពង្រឹងសមត្ថភាព និងលើកកម្ពស់ផលិតភាពការងារ។បន្ថែមពីនេះ ក្នុងករណីដែលក្រុមហ៊ុនត្រូវការជំនាញបណ្តុះបណ្តាលផ្សេង...

ក្រសួងសុខាភិបាល ប្រកាសពីករណីផ្ទុះជំងឺរលាកភ្នែកក្នុងឆ្នាំ២០២៣ នៅកម្ពុជា

អាជ្ញាធរអប្សរាជូនដំណឹងពីការថតរូបភាព ឬវីដេអូ នៅតាមប្រាសាទនានាក្នុងរមណីយដ្ឋានអង្គរ

ក្រសួងវប្បធម៌ខ្មែរ នៅតែបន្តដោះស្រាយករណី ការ សាងសង់សំណង់ នៅវត្តភូម៉ានហ្វា ប្រទេសថៃស្រដៀងប្រាសាទអង្គរ

UNHRC បញ្ជូនសម្ភារៈសង្គ្រោះ ក្នុងពេលមានគ្រោះទឹកជំនន់ ទៅកាន់ប្រទេសលីប៊ី

ទ្រីប៉ូលី ៖ ប្រភពពីទីភ្នាក់ងារព័ត៌មាន Xinhua បានផ្សព្វផ្សាយ នៅថ្ងៃទី២៦ ខែកញ្ញា ឆ្នាំ២០២៣ថា ឧត្តមស្នងការអង្គការ សហប្រជាជាតិ ទទួលបន្ទុកជនភៀសខ្លួន ហៅកាត់ថា (UNHCR) បានឲ្យដឹងកាលពីថ្ងៃចន្ទថា ខ្លួនបានបញ្ជូន សម្ភារៈសង្គ្រោះ ទៅកាន់ប្រទេសលីប៊ី ដើម្បីជាការឆ្លើយតប របស់ខ្លួនជួយ នៅពេលមានគ្រោះទឹកជំនន់ដ៏អាក្រក់ ដែលបានកើតឡើង នៅតំបន់ភាគខាងកើតប្រទេសនេះ...

Update៖ រុស្ស៊ី ដាក់បញ្ចូលឈ្មោះប្រធានតុលាការ ICC នៅក្នុងបញ្ជីក្រមព្រហ្មទណ្ឌរបស់ប្រទេសខ្លួន

ម៉ូស្គូ៖ ប្រភពពីទីភ្នាក់ងារព័ត៌មាន Xinhua បានផ្សព្វផ្សាយនៅថ្ងៃទី២៦ ខែកញ្ញា ឆ្នាំ២០២៣ថា ក្រសួងមហាផ្ទៃ របស់ប្រទេសរុស្ស៊ី បានដាក់បញ្ចូលឈ្មោះ របស់លោក Piotr Hofmanski ប្រធានតុលាការឧក្រិដ្ឋកម្មអន្តរជាតិ ហៅកាត់ថា (ICC) នៅក្នុងបញ្ជីក្រមព្រហ្មទណ្ឌ របស់ប្រទេសខ្លួន ។ សារព័ត៌មាន TASS បានរាយការណ៍ដោយដកស្រង់ សេចក្តីថ្លែងការណ៍ពីមូលដ្ឋាន...

ទូតជប៉ុន ៖ កសិផលកម្ពុជា នាំចេញទៅទីផ្សារជប៉ុន មានចំនួនតិចតួច តែជប៉ុនគាំទ្រ នាំចូលឱ្យបានច្រើន

ភ្នំពេញ ៖ លោក UENO Atsushi ឯកអគ្គរាជទូតជប៉ុន ប្រចាំកម្ពុជា បានបញ្ជាក់ថា ទំនិញកសិផលរបស់កម្ពុជា នាំចេញទៅកាន់ទីផ្សារជប៉ុន មានចំនួនតិចតួច ដោយសារត្រូវការចំណាយច្រើន ក្នុងការដឹកជញ្ជូនទៅ ប៉ុន្តែជប៉ុន បង្ហាញជំហរចង់ ឲ្យមានការនាំចេញទៅជប៉ុន ឲ្យកាន់តែច្រើន។ ក្នុងកិច្ចពិភាក្សាតុមូល ដែលរៀបចំដោយក្លិបអ្នកកាសែតកម្ពុជា នាថ្ងៃទី២៦ ខែកញ្ញា ឆ្នាំ២០២៣...

ក្រសួងមហាផ្ទៃ ប្រាប់អ្នករងភាព អយុត្តិធម៌ ពេលនគរបាល ចុះបង្ក្រាបផលិតផលក្លែងក្លាយ ត្រូវផ្ដល់ព័ត៌មានមកក្រសួង

ភ្នំពេញ ៖ ដើម្បីប្រសិទ្ធភាព នៃការអង្កេតស្រាវជ្រាវភាព មិនប្រក្រតីរបស់មន្ត្រីនគរបាល ពេលចុះប្រតិបត្តិការ បង្ក្រាបផលិតផលក្លែងក្លាយកន្លងទៅ អគ្គាធិការដ្ឋាន ក្រសួងមហាផ្ទៃ បានប្រកាសដល់សាធារណជន ដែលរងភាពអយុត្តិធម៌ ពេលនគរបាលជាតិ ចុះបង្ក្រាបផលិតផលក្លែងក្លាយ សូមផ្ដល់ព័ត៌មានតាមទូរសព្ទ មកក្រសួងមហាផ្ទៃ ។ តាមរយៈគេហទំព័រហ្វេសប៊ុករបស់ ក្រសួងមហាផ្ទៃ នាថ្ងៃទី២៦ កញ្ញា នេះ បាន​បញ្ជាក់​ថា...

សភាពាណិជ្ជកម្មអឺរ៉ុប នៅកម្ពុជា និង AHKវៀតណាម នឹងចុះ MOU ស្ដីពីកិច្ចប្រជុំកំពូល ធុរកិច្ចអាស៊ាន-កម្ពុជា

ភ្នំពេញ ៖ សភាពាណិជ្ជកម្មអឺរ៉ុប នៅកម្ពុជា និងសភាឧស្សាហកម្ម និងពាណិជ្ជកម្មអាល្លឺម៉ង់ (AHK) ប្រចាំនៅវៀតណាម នឹងចុះហត្ថលេខាលើអនុស្សារណៈ នៃការយោគយល់គ្នា (MOU) ក្នុងកិច្ចប្រជុំកំពូលធុរកិច្ចអាស៊ាន-កម្ពុជា នៅថ្ងៃទី ២៩ ខែកញ្ញា ឆ្នាំ២០២៣ ខាងមុខនេះ ដើម្បីរំលឹកដល់ទំនាក់ទំនង ដែលត្រូវបានពង្រឹងក្នុងរយៈពេល ៦ខែកន្លងមក ខណៈភាគីទាំងពីរប្តេជ្ញា សម្រេចបាននូវគោលដៅរួម...