ភ្នំពេញ៖ លោក គួច ចំរើន អភិបាលខេត្តព្រះសីហនុ បានលើកឡើងថា មានឡានទំនើបជិះហើយ បែរជាម្ចាស់គ្មានខួរគិតពិចារណា យកមកចតលើសួនស្មៅទៅវិញ ។ ករណីនេះលោកអភិបាលខេត្ត ក៏បានប្រាបឲ្យម្ចាស់ប្រញាប់ យកលុយមកបង់ថ្លៃពិន័យផងដែរ ។
លោក គួច ចំរើន បានបញ្ជាក់តាមហ្វេសប៊ុក នៅព្រឹកថ្ងៃទី៣ មេសានេះថា «មានឡានប្រើហើយ បើកមកចតលើសួនស្មៅយ៉ាងស្អាត ។ ប្រិយមិត្ត តើនេះជាអំពើបែបណា សង្ហា ឈ្លើយ ថោកទាប ឬល្ងង់ខ្លៅ? កុំភ្លេច យកលុយមកបង់ថ្លៃពិន័យផង ហើយត្រូវរងចាំ មួយរយៈពេលសមរម្យសិន» ៕
