ទឹកជំនន់ដ៏ធំនៅក្នុងប្រទេសវៀតណាម បណ្តាលឲ្យអ្នកស្លាប់កើនឡើងដល់ ៩០នាក់ ជាមួយនឹងមនុស្ស ១២នាក់ទៀតបានបាត់ខ្លួន
បរទេស៖ ក្រសួងបរិស្ថានបានប្រកាសនៅថ្ងៃអាទិត្យបន្ទាប់ពីភ្លៀងធ្លាក់ខ្លាំងជាច្រើនថ្ងៃនិងការរអិលបាក់ដីថា ចំនួនអ្នកស្លាប់ដោយសារទឹកជំនន់ដ៏ធំនៅក្នុងប្រទេសវៀតណាមបានកើនឡើងដល់ ៩០នាក់ហើយ ជាមួយនឹងមនុស្ស ១២នាក់ទៀតបានបាត់ខ្លួន ។
យោងតាមសារព័ត៌មាន The Guardian ចេញផ្សាយនៅថ្ងៃទី២៣ ខែវិច្ឆិកា ឆ្នាំ២០២៥ បានឱ្យដឹងថា ភ្លៀងធ្លាក់ឥតឈប់ឈរបានបោកបក់នៅភាគកណ្តាលភាគខាងត្បូងប្រទេសវៀតណាមចាប់តាំងពីចុងខែតុលា ហើយគោលដៅថ្ងៃឈប់សម្រាកដ៏ពេញនិយមត្រូវបានវាយប្រហារដោយទឹកជំនន់ជាច្រើនជុំ។
ភ្លៀងធ្លាក់លើសពី ១.៩០០មីលីម៉ែត្រ ឬ ៧៤,៨អ៊ីញ នៅតំបន់ខ្លះនៃភាគកណ្តាលនៃប្រទេសវៀតណាមក្នុងសប្តាហ៍កន្លងទៅនេះ។ តំបន់នេះគឺជាខ្សែក្រវាត់ផលិតកម្មកាហ្វេដ៏សំខាន់ និងជាទីជម្រកនៃឆ្នេរដ៏ពេញនិយម ប៉ុន្តែតំបន់នេះក៏ងាយនឹងកើតមានព្យុះ និងទឹកជំនន់ផងដែរ។
ក្រសួងបរិស្ថានរបស់វៀតណាមបាននិយាយនៅក្នុងសេចក្តីថ្លែងការណ៍មួយថា មនុស្សជាង ៦០ នាក់ស្លាប់ចាប់តាំងពីថ្ងៃទី១៦ ខែវិច្ឆិកា ត្រូវបានកត់ត្រានៅក្នុងខេត្ត Dak Lak ភាគកណ្តាលជាកន្លែងដែលផ្ទះរាប់ម៉ឺនខ្នងត្រូវបានជន់លិច៕
ប្រែសម្រួលៈ ណៃ តុលា
