• ជាមួយនឹងមុខងារ «កំណត់ការបញ្ចេញមតិ» អ្នកប្រើប្រាស់អាចធ្វើការកំណត់ ការបញ្ចេញមតិនានាដែលពួកគេអនុញ្ញាតិ ឲ្យមាននៅលើវីដេអូរបស់ពួកគេ
• ធ្វើការពិចារណាឡើងវិញមុននឹងធ្វើការបញ្ចេញមតិ នឹងជួយរំលឹកដល់អ្នកប្រើប្រាស់ឲ្យគិតឡើងវិញមុនពេល ពួកគេសម្រេចចិត្តចែកចាយមាតិកា ដែលមិនសមរម្យឬមិនល្អ
• TikTok បន្តគោលដៅក្នុងការបង្កើត បរិយាកាសវិជ្ជមានមួយ ដែលអ្នករាល់គ្នាផ្តល់ការគាំទ្រ និងលើកទឹកចិត្តគ្នាទៅវិញទៅមក
ភ្នំពេញ ថ្ងៃទី១១ ខែមីនា ឆ្នាំ២០២១៖ TikTok នៅតែបន្តកិច្ចការរបស់ខ្លួន ក្នុងការបង្កើតបរិយាកាសមួយដែលជួយឲ្យ អ្នកប្រើប្រាស់របស់ខ្លួន យកចិត្តទុកដាក់ចំពោះខ្លួនឯង មានភាពច្នៃប្រឌិត រស់នៅជាមួយនឹងសហគមន៍ និងមានភាពសប្បាយរីករាយ។ ហើយផ្នែកមួយ នៃភាពសប្បាយរីករាយនេះ នឹងកើតឡើងពីការចូលរួមបង្កើតមាតិកា ផ្លាស់ប្តូរគំនិតយោបល់ និងផ្សាភ្ជាប់ជាមួយ អ្នកដទៃតាមរយៈ ការបញ្ចេញមតិ។
គោលដៅរបស់ TikTok គឺការបង្កើតបរិយាកាស វិជ្ជមានមួយ ដែលអ្នករាល់គ្នាផ្តល់ការគាំទ្រ និងលើកទឹកចិត្តគ្នាទៅវិញទៅមក។ ហេតុដូច្នេះហើយ ដើម្បីជម្រុញ នូវការភាពវិជ្ជមាន នៅក្នុងសហគមន៍មួយនេះ TikTok នឹងធ្វើការដាក់ចេញ មុខងារថ្មី២ គឺមុខងារដែលអនុញ្ញាតិ ឲ្យអ្នកប្រើប្រាស់កំណត់ ការបញ្ចេញមតិនៅលើវីដេអូ របស់ពួកគេ និងមុខងាររំលឹក ដល់អ្នកប្រើប្រាស់ ឲ្យពិចារណាឡើងវិញ មុនពេលពួកគេបញ្ចេញមតិ មិនសមរម្យឬមិនល្អ។
ការគ្រប់គ្រងការបញ្ចេញមតិ
អ្នកប្រើប្រាស់រាប់លាននាក់ ខិតខំបង្កើតវីដេអូរបស់ខ្លួន ដើម្បីចែករំលែក និងផ្តល់ភាពសប្បាយរីករាយទៅកាន់សហគមន៍ របស់ពួកគេ ហើយ TikTok បាននឹងកំពុងធ្វើការផ្តល់សិទ្ធិ ដល់ពួកគេក្នុងការគ្រប់គ្រងការបញ្វេញមតិនានា ដែលមាននៅលើ វីដេអូទាំងនោះ។ ជាមួយនឹងមុខងារថ្មី «កំណត់ការបញ្ចេញមតិ» អ្នកប្រើប្រាស់អាចកំណត់ មតិដែលមាននៅលើ វីដេអូរបស់ពួកគេ។ នៅពេលដែលមុខងារថ្មីនេះ ត្រូវបានបើក រាល់មតិទាំងអស់ នឹងមិនបង្ហាញលើវីដេអូនោះទេ ដរាបណាអ្នកប្រើប្រាស់ មិនអនុញ្ញាតិឲ្យមាន។
មុខងារថ្មីនេះត្រូវបានបង្កើតឡើង បន្ថែមពីលើមុខងារគ្រប់គ្រង ការបញ្ចេញមតិទាំងឡាយ ដែលមានស្រាប់ ដែលអនុញ្ញាតិ ឲ្យធ្វើការកំណត់មតិ ដែលបង្កការម៉ាកងាយ ឥតប្រយោជន៍ ឬកំណត់លើពាក្យគន្លឹះណាមួយ។ ការបញ្ចេញមតិ គឺជាផ្នែកមួយដ៏សំខាន់ សម្រាប់សមាជិក ក្នុងសហគមន៍ ក្នុងការតភ្ជាប់គ្នាទៅវិញទៅមក ហើយ TikTok នឹងបន្តបង្កើតមធ្យោបាយ ក្នុងការលើកកម្ពស់ ការបញ្ចេញមតិ ឬការពិភាក្សា ដែលផ្តល់ការគោរពដល់គ្នាទៅវិញទៅមក។
ពិចារណាឡើងវិញមុនពេលអ្នកបញ្ចេញមតិ
បន្ថែមពីលើការបង្កើតមុខងារថ្មីៗ សម្រាប់អ្នកប្រើប្រាស់របស់ខ្លួន TikTok លើកទឹកចិត្តឲ្យសហគមន៍របស់ខ្លួនចេះផ្តល់ការគោរព យោគយល់និងប្រព្រឹត្តអំពើល្អ រវាងគ្នាទៅវិញទៅមក។ មុខងារថ្មីដែលសួរបញ្ជាក់អ្នកប្រើប្រាស់មុនពេលបញ្ចេញមិត បានធ្វើការដាស់តឿន ដល់អ្នកប្រើប្រាស់ទាំងអស់ ឲ្យពិចារណាឡើងវិញ ថាតើការបញ្ចេញមតិ របស់គេជាមតិល្អ ឬសមរម្យដែរឬទេ។ វាក៏បានរំលឹកដល់អ្នក ប្រើប្រាស់ទាំងអស់អំពីគោលការណ៍ណែនាំក្នុងសហគមន៍ ដែលអនុញ្ញាតិឲ្យពួកគេ ធ្វើការកែតម្រូវមតិទាំងនោះ មុនពេលចែករំលែកវាទៅអ្នកប្រើប្រាស់ ផ្សេងទៀត។
ការបង្កើតកម្មវិធី ដែលផ្តល់សុវត្ថិភាពនិងវិជ្ជមាន និងជម្រុញការសម្តែងចេញ និងបង្ហាញពីគំនិតច្នៃប្រឌិតគឺជាចំនុចអទិភាពរបស់ TikTok។ TikTok នឹងបន្តរឹតបន្តឹងសុវត្ថិភាព របស់អ្នកប្រើប្រាស់ បង្កើតមុខងារដែលអាចឲ្យអ្នកប្រើប្រាស់ កំណត់បទពិសោធន៍របស់ពួកគេ និងបន្តទទួលយកដំបូន្មាន ពីសហគមន៍ក៏ដូចជាអ្នកជំនាញនានា៕
អំពី TikTok៖
TikTok គឺជាទម្រង់វីដេអូខ្លីៗលើកម្មវិធីទូរស័ព្ទ ដ៏ឈានមុខគេ។ បេសកកម្មរបស់ពួកយើង គឺជំរុញឱ្យមានគំនិតច្នៃប្រឌិតថ្មី និងបង្កើតភាពសប្បាយរីករាយ។ TikTok មានការិយាល័យកណ្តាល នៅទូទាំងពិភពលោក រួមមាន ទីក្រុងឡុងដ៍ ឡូសអ៊ែនចឺឡេស ញូវយ៉ក ប៉ារីស ប៊ែកឡាំង ឌូបៃ ប៊ុមបៃ សិង្ហហ្គាពួរ ចាកាតា សេអ៊ូល និងតូក្យូ។ www.tiktok.com.
