ភ្នំពេញ៖ ធនាគារ ហ្វីលីព ភីអិលស៊ី ដែលជាធនាគារពាណិជ្ជ ដែលមានម្ចាស់ភាគហ៊ុនសញ្ជាតិសិង្ហបុរី នៅថ្ងៃទី០៣ ខែមិនា ឆ្នាំ២០២២ បានធ្វើការចុះអនុស្សរណៈយោគយល់គ្នា លើសេវាកម្មឥណទាន ជាមួយក្រុមហ៊ុន មាស ប្រផឹធី មេនេចម៉ិន ឯ.ក ដែលជាក្រុមហ៊ុនគ្រប់គ្រង អចលនទ្រព្យមួយនៅកម្ពុជា។
តាមរយៈកិច្ចសហការនេះ រាល់អាជីវករទាំងអស់ ដែលមានចំណាប់អារម្មណ៍ ក្នុងការទិញទីតាំងស្តង់ ដែលស្ថិតនៅក្នុងផ្សារសហគមន៍ ហ្រ្គីនម៉ល និងផ្សារឃ្លាំងរំសេវថ្មី សែនសុខ ដែលមានទីតាំងនៅក្នុង (ជិតផ្សារទំនើប AEON II) ស្ថិតនៅខណ្ឌសែនសុខ នឹងអាចស្នើសុំ ឥណទានពីធនាគារ ហ្វីលីព ជាមួយនឹងអត្រាការប្រាក់ពិសេសផងដែរ។
លោក ចាន់ ម៉ាច មានប្រសាសន៍បន្ថែមថា “បន្ថែមលើការផ្តល់ឥណទាន សម្រាប់អាជីវករគ្រប់រូប ធនាគារក៏មានផ្តល់នូវដំណោះស្រាយ ក្នុងការគ្រប់គ្រងហិរញ្ញវត្ថុ រួមមានសេវាអេធីអឹម ដែលស្ថិតនៅក្នុងផ្សារសហគមន៍ ហ្រ្គីនម៉លសេវាទូទាត់ប្រាក់ តាមរយៈការស្កេនកូដ QR របស់ធនាគារ ហ្វីលីព សេវាផ្ទេរប្រាក់តាមរយៈប្រព័ន្ធបាគង សេវាកម្មផ្សេងៗទៀតជាច្រើន។”
លោក សោម កែវម៉ាលីដា (អេនឌី) នាយកប្រតិបត្តិក្រុមហ៊ុន មាស ប្រផឹធី បានមានប្រសាសន៍ថា ក្រុមហ៊ុន មាស ប្រផឹធី ពិតជាមានសេចក្តីរីករាយខ្លាំងណាស់ ដែលបានចុះអនុស្សរណៈយោគយល់គ្នា លើសេវាឥណទានជាមួយ ធនាគារ ហ្វីលីព ក្នុងនោះដែរ ការសហការគ្នានេះគឺជាផ្នែកមួយដ៏សំខាន់ ក្នុងការជួយដល់បងប្អូន អាជីវករយើងខ្ញុំ ដើម្បីពង្រីកមុខរបរ ដើមទុន អោយកាន់តែមានភាពល្អប្រសើរឡើង។ ជាពិសេសអាជីវករ និងដៃគូអាជីវកម្មរបស់ក្រុមហ៊ុន មាស ប្រផឹធី ទាំងអស់ទទួលបានការលើកទឹកចិត្ត ទៅសេវាឥណទាននេះ យ៉ាងច្រើនផងដែរ។
អាជីវកររបស់ផ្សារសហគមន៍ ហ្រ្គីនម៉ល និងផ្សារឃ្លាំងរំសេវថ្មី សែនសុខ ដែលមានបំណង ស្នើសុំឥណទានពីធនាគារ ហ្វីលីព អាចធ្វើការទំនាក់ទំនង តាមរយៈបុគ្គលិករបស់ក្រុមហ៊ុន មាស ប្រផឹធី ០១២ ៧៥ ៧៨ ០៨/០១៥ ៧៥ ៧៨ ០៨ ឬធ្វើការទំនាក់ទំនងដោយផ្ទាល់ មកកាន់សេវាបម្រើអតិថិជន របស់ធនាគារ ហ្វីលីព តាមរយៈលេខទូរស័ព្ទ៖ ០៨៦ ៩៣០ ០០០/០៨៩ ៩៨៩ ៨១៨ (២៤/៧)៕
