DAP News

Posts By DAP News

• 

  2.0K

  នយោបាយ

  កម្ពុជា-វៀតណាម-ឡាវ ប្ដេជ្ញាបន្តដោះស្រាយបញ្ហា ប្រឈមនានា ដើម្បីធានាសន្តិភាព ស្ថិរភាព ក្នុងការជំរុញកំណើន នៃការអភិវឌ្ឍ

  ភ្នំពេញ៖​ ប្រមុខដឹកនាំកម្ពុជា​ វៀតណាម​ និងឡាវ​ បានប្ដេជ្ញារួមគ្នាដោះស្រាយបញ្ហាប្រឈមនានា ដើម្បីធានាសន្តិភាព ស្ថិរភាព ក្នុងការជំរុញកំណើន នៃការអភិវឌ្ឍប្រទេសទាំងបី ។ នេះបេីយោងតាម​ AKP ។  នៅមុនពិធីបើកកិច្ចប្រជុំ កំពូលអាស៊ានលើកទី៣៥ នៅទីក្រុងបាងកក នាថ្ងៃទី៣ ខែវិច្ឆិកា ឆ្នាំ២០១៩ សម្តេចតេជោ ហ៊ុន សែននាយករដ្ឋមន្រ្តីនៃកម្ពុជា បានអញ្ជើញពិសារអាហារ ពេលព្រឹកជាមួយលោក ង្វៀ ន សួនហ្វុក នាយករដ្ឋមន្រ្តីវៀតណាម និងលោកថងលូន ស៊ីស៊ូ លីត នាយករដ្ឋមន្រ្តីឡាវ។ ក្នុងពិធីពិសារអាហារ ពេលព្រឹកការងារនេះដែរ ប្រមុខរដ្ឋាភិបាលនៃប្រទេសទាំងបី បានធ្វើការពិភាក្សាគ្នាយ៉ាងយកចិត្តទុកដាក់ទៅលើការរិតចំណងសាមគ្គីភាព និងកិច្ចសហប្រតិបត្តិការ នៃប្រទេសទាំងបី ពិសេសការរិះរកគ្រប់មធ្យោបាយ ក្នុងការជំរុញកិច្ចអភិវឌ្ឍន៍ សម្រាប់ប្រទេសទាំងបី ដែលក្នុងនោះភាគីទាំងបី បានធ្វើការពិភាក្សាគ្នាយ៉ាងយកចិត្តទុកដាក់លើការ បន្តរួមគ្នាដោះស្រាយបញ្ហាប្រឈមនានា ដើម្បីធានាសន្តិភាព ស្ថិរភាព ក្នុងការជំរុញកំណើន នៃ ការអភិវឌ្ឍប្រទេសទាំងបី កម្ពុជា ឡាវ និងវៀតណាម។  ជាងនេះទៀត ប្រមុខរដ្ឋាភិបាល នៃប្រទេសទាំងបី ក៏បានធ្វើការពិនិត្យរួមគ្នាការងារជាអាទិភាពមួយចំនួន សម្រាប់គម្រោង អាទិភាពនៃការអភិវឌ្ឍឱ្យមានការតភ្ជាប់ និងការអភិវឌ្ឍប្រកបដោយនិរន្តរភាព ខាងសេដ្ឋកិច្ច និង ពាណិជ្ជកម្ម ពិសេសជីវភាពរស់នៅរបស់ប្រជាពលរដ្ឋឱ្យកាន់តែទទួល បាននូវការ លើកកម្ពស់ និងមានជីវភាពកាន់តែប្រសើរឡើង៕

• 

  1.5K

  ព័ត៌មានជាតិ

  សម្ដេចតេជោ និងមេដឹកនាំអាស៊ាន អញ្ជើញចូលរួមក្នុងពិធីចុះ​ MOU រវាងអាស៊ាន និងសមាគមនៃសហព័ន្ធ បាល់ទាត់ពិភពលោក (FIFA)

  ភ្នំពេញ៖​ បន្ទាប់ពីបានបញ្ចប់ កិច្ចប្រជុំកំពូលពេញ អង្គ អា ស៊ានលើកទី៣៥ (35th ASEAN Summit Plenary) សម្ដេចតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា និង បណ្តាប្រមុខរដ្ឋ-ប្រមុខរដ្ឋាភិបាល នៃប្រទេសអាស៊ាន បានយាង និងអញ្ជើញជាអធិបតី ក្នុងពិធីចុះហត្ថលេខាលើអនុស្សរណ: នៃការ យោគយល់គ្នារវាងអាស៊ាន និងសមាគមនៃសហព័ន្ធបាល់ទាត់ពិភពលោក(FIFA) ដែលចុះហត្ថលេខាដោយ អគ្គលេខាធិការអាស៊ាន ជាមួយនឹងប្រធានសហព័ន្ធកីឡាបាល់ ទាត់ពិភពលោក កាលពីរសៀលថ្ងៃទី២ ខែវិច្ឆិកា ឆ្នាំ២០១៩ នៅព្រះរាជាណាចក្រថៃ។ នេះបេីយោងតាម​ AKP ។  នៅក្នុងពិធីនោះ អគ្គលេខាធិការ អាស៊ាន និងលោកប្រធានសមាគម សហព័ន្ធកីឡា បាល់ទាត់ពិភពលោក បានសម្ដែងនូវការប្តេជ្ញាចិត្តរួមគ្នា ក្នុងការចូលរួមចំណែក អ ភិវឌ្ឍន៍វិស័យកីឡាបាល់ទាត់ ក្នុងចំណោមប្រទេសជាសមាជិកអាស៊ានដែលមាន ប្រជាជនរស់នៅជាង៦៥០លានាក់។  លោកប្រធានសមាគមសហព័ន្ធ កីឡាបាល់ទាត់ពិភពលោក បាន សម្ដែងនូវការវាយតម្លៃខ្ពស់ និងបានចាត់ទុកថា នេះគឺជាលើកទី១ហើយ ដែលសហព័ន្ធកីឡា បាល់ទាត់ពិភពលោក បានចុះហត្ថលេខាលើអនុស្សរណ: នៃការយោគយល់គ្នារវាងអាស៊ាន និងសមាគមនៃសហព័ន្ធបាល់ទាត់ពិភពលោក ក្នុងការរួមចំណែកបណ្តុះបណ្តាលធនធាន មនុស្សលើវិស័យកីឡាបាល់ទាត់ ក្នុងចំណោមបណ្តាប្រទេសក្នុងតំបន់អាស៊ាន ឱ្យកាន់តែមាន ភា ពប្រកួតប្រជែងទ្វេឡើងថែមទៀត ពិសេសជាមួយនឹងបណ្តាប្រទេសក្នុងតំបន់អឺរ៉ុប និងប្រទេសក្នុងទ្វីបដទៃទៀត ក្នុងពិភពលោក។  លោកប្រធានសមាគមសហព័ន្ធ បានសម្ដែង នូវការ វាយតម្លៃខ្ពស់ចំពោះ បណ្តាមេដឹកនាំអាស៊ាន ដែលបានធ្វើជាសាក្សី នៅថ្ងៃនេះក្នុងការជំរុញ លើកកម្ពស់វិស័យកីឡាបាល់ទាត់ឱ្យកាន់តែមានការរីកចម្រើនថែមទៀត ក្នុង បណ្តាប្រទេសនៃតំបន់អាស៊ាន។ នៅក្នុងពិធីនេះដែរ បន្ទាប់ពីពិធីចុះហត្ថលេខាលើអនុស្សរណៈ នៃការយោគយល់គ្នា ក្នុងការពង្រឹងកិច្ចសហប្រតិបត្តិការលើវិស័យកីឡាបាល់ទាត់ រវាងអាស៊ាន និងសមាគមនៃ សហព័ន្ធបាល់ទាត់ពិភពលោករួចមក លោកប្រធានសហព័ន្ធកីឡាបាល់ទាត់ពិភពលោកបានក៏ អញ្ជើ ញថ្វាយនិងជូនអាវកីឡាករ ភ្ជាប់ដោយព្រះកិត្តិនាម និងនាម នៃប្រមុខរដ្ឋ-ប្រមុខរដ្ឋា ភិបាលអាស៊ានទាំង១០ប្រទេស ព្រមទាំងបានថតរូបអនុស្សាវរីយ៍ ក្នុងព្រឹត្តិការណ៍ជា ប្រវត្តិសា ស្រ្ត នេះផងដែរ៕

• 

  2.6K

  នយោបាយ

  សម្ដេចតេជោ ហ៊ុន សែន អញ្ជើញចូលរួមបេីក កិច្ចប្រជុំកំពូលអាស៊ានលើកទី៣៥ នៅទីក្រុងបាងកក

  ភ្នំពេញ នៅថ្ងៃទី៣ ខែវិច្ឆិកា ឆ្នាំ២០១៩ ក្នុងខណៈដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជាទៅចូលរួមក្នុងកិច្ចប្រជុំកំពូលអាស៊ាននោះ នារសៀលថ្ងៃទីថ្ងៃទី០២ ខែវិច្ឆិកា ឆ្នាំ២០១៩ នេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានអញ្ជើញញចូលរួមក្នុងពិធី បើ កជាផ្លូវការកិច្ចប្រជុំកំពូល(ពេញអង្គ) អាស៊ានលើកទី៣៥(35th ASEAN Summit Plenary) ដែលបានធ្វើឡើងនៅមជ្ឈមណ្ឌលពិព័រណ៍ និងសន្និបាតអ៊ីមផេក ស្ថិតក្នុងខេត្តនុនថាក់បូរី ព្រះរាជាណាចក្រថៃ។ នេះបេីយោងតាម​ AKP ។ នៅក្នុងពិធីបើក ជាផ្លូវការ នៃកិច្ចប្រជុំកំពូល(ពេញអង្គ) អាស៊ានលើកទី៣៥ នេះមានការយាង និងអញ្ជើញចូលរួមពី ប្រមុខរដ្ឋ-ប្រមុខរដ្ឋាភិបាលអាស៊ាន រួមមានព្រះចៅស៊ុលតង់ ប្រមុខរដ្ឋ-ប្រមុខរដ្ឋាភិបាលនៃប្រទេសអាស៊ាន រួមទាំងអគ្គលេខាធិការអាស៊ាន ដែលត្រូវបានទទួល ការស្វាគមន៍យ៉ាងស្និទ្ធស្នាលរាក់ទាក់បំផុតពីសណាក់ លោកឧត្តមសេនីយ៍ ប្រាយុទ្ធ ចាន់អូចា នាយករដ្ឋមន្រ្តីនៃព្រះរាជាណាចក្រថៃ និងជាប្រធានកិច្ចប្រជុំកំពូលអាស៊ាន លើកទី៣៥ ។  ក្នុងពិធីបើកកិច្ចប្រជុំកំពូលពេញអង្គរបស់ខ្លួន ប្រមុខរដ្ឋ-ប្រមុខរដ្ឋាភិបាលទាំងអស់ បានកត់សម្គាល់ដោយការពេញចិត្តចំពោះការងារដែលបានបំពេញក្នុង ការអនុវត្ត សេចក្តីប្រកាស ចក្ខុវិស័យ របស់ថ្នាក់ដឹកនាំអាស៊ាន ស្តីពីភាពជាដៃគូសម្រាប់ចីរភាព។ ជាមួយគ្នានេះមេដឹកនាំ អាស៊ានបានកត់សម្គាល់សារជាថ្មី អំពីគោលបំណង ក្នុងការឆ្ពោះទៅសម្រេចបាន អាស៊ាន ប្រ កបដោយចីរភាព តាមរយ:ការបង្កើនសន្តិសុខប្រកបដោយចីរភាព ការលើកកម្ពស់ ការតភ្ជាប់ក្នុងតំបន់អាស៊ានប្រកបដោយភាពរលូន ដែលភ្ជាប់អាស៊ានទៅកាន់ពិភពលោក និងបន្តឱ្យមានការអភិវឌ្ឍប្រកបដោយចីរភាព ដើម្បីបង្កើនតម្លៃយុទ្ធសាស្រ្តរបស់អាស៊ាន និងនាំមកនូវ ស្ថិរ ភាពនិងវិបុលភាពក្នុងតំបន់។ កិច្ចប្រជុំកំពូលពេញអង្គនេះដែរ មេដឹកនាំទាំងអស់ បានលើក ទឹកចិត្តឱ្យមានការប្រើប្រាស់យ៉ាងពេញលេញនូវបច្ចេកវិទ្យាទំនើប ដែលជាលទ្ធផល នៃ បដិវត្តន៍ឧស្សាហកម្មទី៤ ដើម្បីបង្កើនការប្រកួតប្រជែងរបស់អាស៊ាន ក្នុងការដោះស្រាយការផ្លាស់ប្តូរដែលកើនឡើងជាលំដាប់ និងបញ្ហាស្មុគស្មាញនានាក្នុងតំបន់ និងពិភពលោក។ មេដឹកនាំអាស៊ានបានសម្ដែងនូវ សេចក្តីសោមនស្សរីករាយ ដោយកត់សម្គាល់ឃើញនូវ វឌ្ឍនភាពប្រកបដោ យចីរភាព ក្នុងការអនុវត្តផែនការលម្អិត នៃសហគមន៍នយោបាយ-សន្តិសុខអាស៊ាន ឆ្នាំ២០២៥ និងបានលើកទឹកចិត្តដល់អង្គភាពនៃវិស័យពាក់ព័ន្ធនានា ឱ្យបន្ត កិច្ចការរបស់ខ្លួន ក្នុងការ ដោះស្រាយបន្ទាត់សកម្មភាពដែលនៅសេសសល់ ខណ:ពេលរក្សា សន្ទុះក្នុងការចាត់វិធានការបន្ថែមទៀត ចំពោះបន្ទាត់សកម្មភាពដែលបានអនុវត្តន៍រួចហើយ។  មេដឹកនាំអាស៊ានក៏បានទន្ទឹងរង់ចាំ នូវការត្រួតពិនិត្យឡើងវិញពាក់កណ្តាល អាណត្តិនៃផែន ការលម្អិតខាងលើ ដែល គ្រោងនឹងចាប់ផ្តើម នៅឆ្នាំ២០២០។  មេដឹកនាំអាស៊ានក៏បានបញ្ជាក់ ជាថ្មីនូវសន្ធិសញ្ញាមិត្តភាព និងកិច្ចសហប្រតិបត្តិការ នៅអាស៊ីអាគ្នេយ៍(TAC) ជាក្រមប្រតិបត្តិដ៏សំខាន់មួយ ក្នុងការគ្រប់គ្រង ទំនាក់ទំនងអន្តររដ្ឋនៅក្នុងតំបន់ និងជាមូលដ្ឋានគ្រឹះ ដើម្បី រក្សាសន្តិភាព និងស្ថិរភាព ក្នុងតំបន់ ពិសេសទៅទៀតនោះ មេដឹកនាំអាស៊ាន បានប្តេជ្ញាចិត្ត ក្នុងការលើកកម្ពស់បន្ថែមទៀត នូវ គោ លការណ៍នានាដូចមានចែងក្នុង TAC ឱ្យកាន់តែទូលំ ទូលាយនៅក្នុងតំបន់ និងបានសង្កត់ធ្ងន់ អំពីសារ:សំខាន់ នៃរដ្ឋជាភាគីទាំងអស់ (High Contrac ting Parties) ក្នុងការបំពេញកាតព្វកិច្ច របស់ខ្លួនក្រោមសន្ធិសញ្ញានេះ។ លើសពីនេះ ទៀតមេដឹកនាំ អាស៊ាន ក៏បានស្វាគមន៍ចំពោះការចូលជា សមាជិក TAC របស់ប្រទេសប៉េរ៉ូ បារ៉ែន និងអាល្លឺម៉ង់នៅឆ្នាំ២០១៩នេះ ហើយទន្ទឹងរង់ចាំការចូល ជាផ្លូវការរបស់អាហ្រ្វិកខាងត្បូង។  មេដឹកនាំអាស៊ាន ក៏បានកត់សម្គាល់ ពីការបំពេញដោយ ជោគជ័យ នូវបេសកកម្មស្វែង រកការពិតរបស់សហគមន៍នយោបាយ-សន្តិសុខ អាស៊ាន នៅប្រទេស ទីម័រឡេស្តេ កាលពីថ្ងៃ ទី៤-៦ ខែកញ្ញា ឆ្នាំ២០១៩ ហើយលើកទឹកចិត្តឱ្យសសរស្តម្ភ នៃ សហគមន៍សេដ្ឋកិច្ច និង សហគមន៍សង្គម-វប្បធម៌អាស៊ាន ជំរុញឱ្យមានបេសកកម្ម ស្វែង រកការពិតពីសហគមន៍របស់ ខ្លួនឱ្យបានឆាប់រហ័ស។  មេដឹកនាំអាសាន ក៏បាន អរគុណចំពោះ ឆន្ទ: នយោបាយ ដ៏រឹងមាំ របស់ទីម័រឡេស្តេ ក្នុងការចូលជាសមាជិកអាស៊ាន ហើយបាន បញ្ជាក់ពី ការប្តេជ្ញាចិត្តថ្មីក្នុង ការគាំទ្រការអភិវឌ្ឍទីម័រឡេស្តេ តាមរយ:ជំនួយកសាងសមត្ថភាព ទាំង ក្នុ ងក្របខ័ណ្ឌទ្វេភាគី និងតំបន់។ មេដឹកនាំអាស៊ាន ក៏បានទទួលស្គាល់ការជឿនលឿន ជាលំដាប់ និងប្រភេទនៃការ គំរាមកំហែងឆ្លងដែនតាមប្រព័ន្ធអ៊ីនធើណែត ក្នុងការធានាឱ្យបាននូវ លំហអ៊ីនធើណែតមួយ ប្រកបដោយភាពបើកចំហ សុវត្ថិភាព ស្ថិរភាព អាចប្រើប្រាស់បាន និង ប្រកបដោយភាពធន់ រឹងមាំដើម្បីគាំទ្រដល់សេដ្ឋកិច្ច ឌីជីថលអាស៊ាន។  ដូចគ្នានឹងបណ្តាមេដឹកនាំអាស៊ានដទៃទៀតដែរ សម្តេចតេជោនាយករដ្ឋមន្រ្តី បានថ្លែងទៅកាន់កិច្ចប្រជុំកំពូលពេញអង្គ អាស៊ា នថា អាស៊ាននៅមានសក្តានុពល ច្រើនក្នុងការលើកកម្ពស់កំណើន សេដ្ឋកិច្ចប្រកប ដោយភាពរឹងមាំ តាមរយ:ការជំរុញពាណិជ្ជកម្មផ្ទៃក្នុងសំដៅបង្កើនខ្សែសង្វាក់ផលិតកម្មតំបន់ និងលើកកម្ពស់ ផលិតភាពសេដ្ឋកិច្ច។  សម្ដេចតេជោបានបន្ថែមថា ដើម្បីគោលដៅនេះ អាស៊ាន ចាំបាច់ ត្រូវផ្តោតអាទិភាពទៅលើ ការបន្តដោះស្រាយបញ្ហារបាំងមិនមែនពន្ធ និងការបង្កើនកិច្ចប្រឹង ប្រែងសម្រួលពាណិជ្ជកម្ម ដើម្បីសម្រេចបាននូវគោលដៅសំខាន់ពីរ គឺការកាត់បន្ថយ ចំណាយ ប្រតិបត្តិការពាណិជ្ជកម្ម ១០ ភាគរយ នៅឆ្នាំ២០២០ និងការបង្កើនពាណិជ្ជកម្ម អាស៊ានទ្វេដងនៅឆ្នាំ២០២៥៕

• 

  47.6K

  ព័ត៌មានអន្តរជាតិ

  កាសែតបាងកកប៉ុស្តិ៍ផ្សាយថា «ព្រះមហាក្សត្រ រាជបញ្ជាឱ្យប្រធានាធិបតី ហ្វីលីពីន រៀបអាកប្បកិរិយា ឱ្យបានត្រឹមត្រូវនៅក្នុងកិច្ចប្រជុំ កំពូលអាស៊ាន»

  ម៉ានីល៖ កាលពីថ្ងៃសៅរ៍ វិមានប្រធានាធិបតី Malacañang បានបង្ហាញអំពីរូបភាព ក្លែងបន្លំ នៃការផ្សាយដែលបានសន្មត់ថា ជាព្រះរាជបញ្ជារបស់ព្រះមហាក្សត្រថៃ ទៅកាន់ប្រធានាធិបតី រ៉ូឌ្រីហ្គោ ឌូទ័រតេ នៅក្នុងកិច្ចប្រជុំកំពូលអាស៊ាន នៅទីក្រុង បាងកក ដោយនិយាយថា ការបញ្ចេញរូបភាពដែលមានគំនិតអាក្រក់នេះគឺដើម្បី បំបាក់មុខមេដឹកនាំ ហ្វីលីពីន។ យោងតាមសារព័ត៌មាន Philstar ចេញផ្សាយកាលពីថ្ងៃទី២ ខែវិច្ឆិកា...

• 

  2.0K

  ព័ត៌មានជាតិ

  ក្រសួងការងារ៖ ផលិតភាពការងារ គឺជាការធ្វើការប្រកបដោយភាពឆ្លាតវៃ និងមានប្រសិទ្ធភាព

  ភ្នំពេញ៖ លោក ពេជ សោភ័ន មន្ត្រីជាន់ខ្ពស់ក្រសួងការងារ និងបណ្តុះបណ្តាលវិជ្ជាជីវៈបានអះអាងថា ផលិភាពការងារ គឺជាកាធ្វើការប្រកបដោយភាពឆ្លាតវៃ និងមានប្រសិទ្ធភាព ។ ថ្លែងក្នុងពិធីបើកសន្និសីទស្តីពី “យុទ្ធសាស្ត្រផលិតភាពសម្រាប់កម្ពុជា-ការត្រួស ត្រាយផ្លូវស ម្រាប់ការប្រកួតប្រជែងជាសកល” ត្រូវបានរៀបចំឡើង នាព្រឹកថ្ងៃទី០៣ ខែ វិច្ឆិកា ឆ្នាំ២០១៩នេះ លោក ពេជ សោភ័ន បានលើកឡើងថាសន្និសីទនេះ ត្រូវបានធ្វើឡើងទន្ទឹមគ្នា និងបំពេញឱ្យគ្នាទៅវិញទៅមកជាមួយ ពិព័រណ៍ការងារ រយៈពេល២ថ្ងៃដើម្បីបង្កើត ឱ្យមានឥទ្ធិពល និងផលប្រយោជន៍ជាអតិបរមាដល់អ្នកចូលរួមនេះ គឺផ្តោតលើការចែករំលែកចំ ណេះដឹង ឯកទេស បទពិសោធន៍នៃការអនុវត្តជោគជ័យ ដើម្បីចូលរួមចំណែកជាមួយការ ខិតខំរបស់កម្ពុជាក្នុងការបណ្តុះផ្នត់គំនិត  ឥរិយាបថ និងវប្បធម៌ក្នុងការលើកកម្ពស់ផលិតភាព និងការចាប់យកបច្ចេកវិទ្យាថ្មីៗ ដែលជាកត្តាចាំបាច់សម្រាប់ជំរុញភាពប្រកួតប្រជែង កំណើនសេដ្ឋកិច្ចខ្ពស់ ការកែលម្អគុណភាពការងារនិងជីវភាពរបស់ប្រជាពលរដ្ឋ  ក៏ដូចជាត្រៀមលក្ខណៈ សម្រាប់ទាញយកសក្តានុពល និងជំនះហានិភ័យនៃការងារនាពេលអនាគត ដើម្បីធានាបាននូវការអភិវឌ្ឍប្រកបដោយចីរភាព បរិយាប័ន និងសុខដុមរមនា”។ លោកបញ្ជាក់ថា «ផលិតភាពគឺជាការ ធ្វើការប្រកបដោយភាពឆ្លាតវៃ និងមានប្រសិទ្ធភាព មិនធ្វើការកាន់តែលំបាកទេ។ លើសពីនេះយើងត្រូវចាប់ផ្តើមពីខ្លួនយើង ម្នាក់ៗក្នុងការផ្លាស់ប្តូរឥរិយាបទមិនល្អ ឬទម្លាប់អាក្រក់ចេញ ការប្រើប្រាស់ទស្សនបែប វិជ្ជមាននៅកន្លែងធ្វើការ»។ ដើម្បីលើកកម្ពស់ផលិតភាព បានផ្តល់អនុសាសន៍បីចំណុចគឺ៖១.លើកទឹកចិត្តដល់បុគ្គលិកឲ្យចូលរួម លក្ខខណ្ឌការងារល្អ, ២.ការចូលរួមដោយសកម្ម ដោយអ្នកគ្រប់គ្រង។ ៣.ត្រូវប្រើប្រាស់បច្ចេកវិទ្យា ដើម្បីធ្វើការកាន់តែឆ្លាតវៃ។ គួរបញ្ជាក់ផងដែរថា សន្និសីទនេះ ត្រូវបានសហការរៀបចំឡើងដោយទីភ្នាក់ ងារជាតិមុខរបរ និងការងារនៃក្រសួងការងារ និងបណ្តុះបណ្តាលវិជ្ជាជីវៈ សមាគមរោងចក្រកាត់ដេរនៅកម្ពុជា GMAC សហភាពសហព័ន្ធយុវជនកម្ពុជារាជធានីភ្នំពេញ ក្រោយការឧបត្ថម្ភគាំទ្រពី កម្មវិធីអភិវឌ្ឍន៍ សហប្រជាជាតិប្រចាំកម្ពុជា (UNDP) និងអង្គការអន្តរជាតិខាងការងារ (ILO)។ រាជរដ្ឋាភិបាលកម្ពុជា បានដាក់ចេញនូវយុទ្ធសាស្ត្រចតុកោណដំណាក់កាលទី៤ ក៏ដូចជាគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០១៥-២០២៥ ដែលរួមបញ្ចូលគ្នានូវដំណោះស្រាយ គ្រប់ជ្រុងជ្រោយ សំដៅជំរុញការកែប្រែ រចនាសម្ព័ន្ធសេដ្ឋកិច្ចជាតិពីការ ពឹងផ្អែកលើកំណើនជំរុញដោយ កត្តាផលិតកម្មទៅពឹងផ្អែកលើ ផលិតភាពនិងការបង្កើតតម្លៃបន្ថែម សំដៅពង្រឹងភាពប្រកួតប្រជែង បន្តធានាបានកំណើនខ្ពស់ បង្កើតការងារកាន់តែប្រសើរ និងបង្កើនប្រាក់ចំណូល ប្រកបដោយស្ថិរភាពនិងបរិយាប័ន្ន និងឈានទៅសម្រេចបាននូវក្តីប្រាថ្នាក្នុងការប្រែក្លាយកម្ពុជា ទៅជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងចំណូលខ្ពស់នៅឆ្នាំ២០៥០៕ ដោយ៖​ ស​ សំណាង

• 

  7.4K

  ព័ត៌មានអន្តរជាតិ

  លោក ដូណាល់ ត្រាំ បញ្ជាក់ថា អាមេរិកចង់បានប្រេងស៊ីរី មិនមែនទៅយាមព្រំដែននោះទេ

  បរទេស៖ កាលពីសប្តាហ៍មុនបន្ទាប់ពីប្រធានាធិបតី អាមេរិកបានធ្វើសេចក្តីថ្លែងការណ៍ ម្តងហើយម្តងទៀតអំពីសារៈរសំខាន់ នៃការធានាប្រេងនៅប្រទេសស៊ីរី, យោធារុស្ស៊ី បានបញ្ចេញ ផ្កាយរណបស៊ើបការណ៍ ស្តីពីផែនការរត់ពន្ធប្រេង ដែលគាំទ្រដោយ មន្ទីរបញ្ចកោណ និង CIA ដោយខុសច្បាប់ ដែលក្រសួងការពារជាតិ បានពណ៌នាថា មិនមែនជាការលួចប្លន់ របស់អន្តរជាតិនោះទេ។ យោងតាមសារព័ត៌មាន Sputnik ចេញផ្សាយនៅថ្ងៃទី០២ ខែវិច្ឆិកា...

• 

  1.7K

  ព័ត៌មានអន្តរជាតិ

  រដ្ឋាភិបាលអង់គ្លេស មិនអនុញ្ញាតឲ្យដំណើរការរុករកប្រេង និងឧស្ម័ន ក្រោយប្រកាសអំពី គ្រោះរញ្ជួយដីកើតឡើង

  ឡុងដ៏៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៣ ខែវិច្ឆិកា ឆ្នាំ២០១៩ថា កាលពីថ្ងៃសៅរ៍ម្សិលមិញនេះ រដ្ឋាភិបាលបានប្រកាសថា នឹងមិនត្រូវបានអនុញ្ញាត ឱ្យដំណើរការរុករកប្រេង និងឧស្ម័ននៅក្នុងប្រទេសអង់គ្លេសទេ បន្ទាប់ពីរដ្ឋាភិបាល បានប្រកាសពីរបាយការណ៍ ទាក់ទងនឹងគ្រោះរញ្ជួយដី ។ ក្រុមរដ្ឋមន្រ្តីបានធ្វើការសម្រេចចិត្ត បន្ទាប់ពីមានរបាយការណ៍ ដែលចេញផ្សាយដោយ អាជ្ញាធរប្រេង និងឧស្ម័ន ហៅកាត់ថា (OGA) ដែលបានសន្និដ្ឋានថា...

• 

  1.6K

  ព័ត៌មានអន្តរជាតិ

  USGS៖គ្រោះរញ្ជួយដីកម្រិត ៦,១រ៉ិចទ័រ វាយប្រហារនៅលើដែនកោះ ចំនួន៣ នៃចក្រភពអង់គ្លេស

  ញ៉ូវយ៉ក៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៣ ខែវិច្ឆិកា ឆ្នាំ២០១៩ថា ទីភ្នាក់ងារស្ទង់ទិន្នន័យ និងភូមិសាស្ត្រសហរដ្ឋអាមេរិក (USGS) បានឲ្យដឹងថា គ្រោះរញ្ជួយដីមួយកម្រិត ៦,១រ៉ិចទ័រ បានវាយប្រហារនៅ ចម្ងាយ១២៥គីឡូម៉ែត្រ នៃភាគឦសាននៃដែនកោះ Visokoi Island, South Georgia និង South Sandwich Islands...

• 

  2.1K

  ព័ត៌មានជាតិ

  អភិបាលខេត្តកំពង់ចាម ទីវត្តអារាមគឺជាកន្លែងអប់រំផ្លូវចិត្ត និងផ្ដល់ឱវាទឱ្យប្រជា ពលរដ្ឋធ្វើអំពើល្អ

  កំពង់ចាម ÷ ទីវត្តអារាម គឺជាកន្លែងអប់រំផ្លូវចិត្ តនិងផ្ដល់ឱវាទអោយប្រជាពលរដ្ឋ ធ្វើអំពើល្អ និងចូលរួមអភិវឌ្ឍប្រទេសជាតិដោយអហិង្សា ។ នេះជាការលើកឡើង របស់លោកអ៊ុន ចាន់ដា អភិបាលខេត្តកំពង់ចាម នារសៀលថ្ងៃទី ២ ខែវិច្ឆិកាឆ្នាំ ២០១៩ ក្នុងឱកាស សំណេះសំណាលជាមួយប្រជាពលរដ្ឋក្នុងពិធីបុណ្យកឋិន ទាន នៅវត្តចំការអណ្ដូង ស្ថិតក្នុងឃុំចំកាអណ្ដូង ស្រុកចំការលើ...

• 

  2.2K

  ព័ត៌មានអន្តរជាតិ

  នាយករដ្ឋមន្ត្រីថៃ ជំរុញឲ្យសមាជិក​ អាស៊ានទាំងអស់ ធ្វើសមាហរណកម្ម​ តភ្ជាប់ឌីជីថល ៤.០

  បាងកក៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៣ ខែវិច្ឆិកា ឆ្នាំ២០១៩ថា លោក ប្រាយុទ្ធ ចាន់ឧចា នាយករដ្ឋមន្ត្រីថៃ បានអំពាវនាវដល់សមាជិក អាស៊ានទាំងអស់ ឱ្យធ្វើសមាហរណកម្មអាស៊ាន៤.០ រួមជាមួយគោលនយោបាយថៃ ៤.០ ដើម្បីជំរុញការតភ្ជាប់ឌីជីថល នៅក្នុងតំបន់នេះ ។ ថ្លែងនៅក្នុងកិច្ចប្រជុំកំពូលធុរកិច្ច និងវិនិយោគអាស៊ានលើកទី១៨ (ABIS) ឆ្នាំ២០១៩ ស្តីពីការផ្តល់សិទ្ធិអំណាចអាស៊ាន៤.០...