SSP108

នាយករដ្ឋមន្ត្រី​ អញ្ជើញសម្ពោធ មជ្ឈមណ្ឌលកម្សាន្ត ខ្នាតយក្សដំបូង នៅកម្ពុជា «ព្រីនស៍ ម៉ាណ័រ»

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃពុធ ទី៧ ខែតុលា ឆ្នាំ២០២០ បាននិង​កំពុង​អញ្ជើញសម្ពោធមជ្ឈមណ្ឌលកម្សាន្ត «ព្រីនស៍ ម៉ាណ័រ» ស្ថិតនៅតាមបណ្តោយផ្លូវជាតិលេខ១ គីឡូម៉ែត្រលេខ២៤ ភូមិដីឥដ្ឋកោះផុស២ ឃុំដីឥដ្ឋស្រុកកៀនស្វាយ ខេត្តកណ្តាល។ យោងហ្វេសប៊ុកសម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជាបានឲ្យដឹងថាមជ្ឈមណ្ឌលកម្សាន្ត «ព្រីនស៍ ម៉ាណ័រ» គឺជាគម្រោងសួនកម្សាន្តខ្នាតយក្សដំបូងគេនៅក្នុងប្រទេសកម្ពុជា ចម្ងាយជាង ២០គីឡូម៉ែត្រ ពីកណ្តាលរាជធានីភ្នំពេញ។  មជ្ឈមណ្ឌលកម្សាន្ត «ព្រីនស៍ ម៉ាណ័រ» ជាការវិនិយោគរបស់ក្រុមហ៊ុន «ព្រីនស៍ ខលឈ័រ អេន ធួរីហ្សឹម ឌីវេឡុបម៉ិន ឯ.ក» ដោយគ្របដណ្តប់លើផ្ទៃដីទំហំ ជាង ១៣ហិកតា ជាមួយគម្របរុក្ខជាតិបៃតងចំនួន ៨៨ភាគរយ។ មជ្ឈមណ្ឌលកម្សាន្ត «ព្រីនស៍ ម៉ាណ័រ» ជារមណីយដ្ឋានអេកូឡូស៊ី ខ្នាតអន្តរជាតិមួយ ដែលផ្តល់ជូនភ្ញៀវទេសចរនូវការសម្រាកលម្ហែកាយ វិស្សមកាលជាមួយទេសភាពស្រស់បំព្រង ការកម្សាន្តលក្ខណៈគ្រួសារ និងទេសចរណ៍លក្ខណៈពិសេស ដែលរួមបញ្ចូលនូវសួនផ្កាចម្រុះពណ៌ សួនកម្សាន្ដរីករាយបន្ទប់ស្នាក់នៅបែបផ្ទះឈើ និងអាហារឆ្ងាញ់ៗនៅក្នុងទីតាំងតែមួយ។ មជ្ឈមណ្ឌលកម្សាន្ត «ព្រីនស៍ ម៉ាណ័រ» មានគម្រោងកម្សាន្តដូចជា ការកម្សាន្តបែបផ្សងព្រេង រំភើប កក់ក្តៅ និងពោរពេញដោយមនោសញ្ចេតនា។ មជ្ឈមណ្ឌលកម្សាន្ត «ព្រីនស៍ ម៉ាណ័រ» ក៏មានកងវិលកម្ពស់ ៨៨ម៉ែត្រ ដែលប្រៀបដូចជាភ្នែកនៃទីក្រុងភ្នំពេញ រួមជាមួយពិភពទឹកកម្សាន្តព្រីនស៍ ដែលមានទំហំប្រមាណ ១ហិកតា ទីវាលប្រណាំងឡានប្រកបដោយស្តង់ដារ និងសួនរុក្ខជាតិអេកូឡូស៊ីជាដើម។ មជ្ឈមណ្ឌលកម្សាន្ត «ព្រីនស៍ ម៉ាណ័រ» ផ្តល់ការកម្សាន្តជូនដល់អ្នកទេសចរគ្រប់វ័យ ពោលគឺមានកន្លែងកម្សាន្តសម្រាប់មនុស្សគ្រប់វ័យទាំងអស់។ មជ្ឈមណ្ឌលកម្សាន្ត «ព្រីនស៍ ម៉ាណ័រ» មានសេវាកម្មកម្សាន្តដូចជា៖ ឧបករណ៍ជិះទម្លាក់ កៅអីវិលហោះហើរ សេះវិលទូកចោរសមុទ្រ រថយន្តបុកគ្នា ឌីស្កូក្រឡាប់ចាក់ រថយន្តប្រណាំង កន្ត្រកវិល និងសួនទឹកជាដើម។ មជ្ឈមណ្ឌលកម្សាន្ត «ព្រីនស៍ ម៉ាណ័រ» បើកទ្វារពីថ្ងៃចន្ទ ដល់ថ្ងៃអាទិត្យ។ តម្លៃសំបុត្រ មានចាប់ពី ៤ដុល្លារ រហូតដល់ ៤០ដុល្លារ។ សម្រាប់សំបុត្រតម្លៃ ៤០ដុល្លារ គឺអ្នកទេសចរអាចលេងរាល់ឧបករណ៍កម្សាន្តដែលមាននៅក្នុងមណ្ឌលកម្សាន្តមួយនេះ។ ក្រៅតែពីផ្តល់នូវការកម្សាន្តដ៏សម្បូរបែបហើយនោះ មជ្ឈមណ្ឌលកម្សាន្ត «ព្រីនស៍ ម៉ាណ័រ» ដែលវិនិយោគដោយក្រុមហ៊ុនចិននេះ ក៏បានរួមចំណែកផ្តល់ការងារជូនប្រជាពលរដ្ឋខ្មែររហូតដល់ប្រមាណ ១៩០នាក់៕

SOKHA Hotel?

SOKHA Hotel? ប្រជាពលរដ្ឋមួយគ្រួសារគាត់ បានមកជួបខ្ញុំយកសំណុំឯកសារ ដែលបង្ហាញពីដីរបស់គាត់ ដែលកំពុងព័ទ្ធរបងដោយសណ្ឋាគារសុខា SOKHA Hotel មាត់ទន្លេ។ ខ្ញុំកំពុងអោយអ្នកច្បាប់ពិនិត្យឯកសារដេីម តាមផ្លូវច្បាប់ ទាំងអស់ និងកំពុងទំនាក់ទំនងទៅលោកអភិបាលខ័ណ្ឌ ដេីម្បីអោយដឹងការពិតពីករណីនេះ តេីមួយណាខូចពិត។ មិនមែនមានតែក្រុមហ៊ុនធំៗ ចង់មានបានតែម្នាក់ឯងទេ ពលរដ្ឋតូចតាចក៏ចង់រស់ចង់មានបានដូចគ្នា កុំធ្វេីបាបគ្នាព្រោះតែដីឡេីងថ្លៃ។ យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម និង...

កាសែត People’s Daily អញ្ជើញនិពន្ធនាយក កាសែត ដើមអម្ពិល ចូលរូម កិច្ចប្រជុំកំពូល កិច្ចសហប្រតិបត្តិការ ឡានឆាង មេគង្គ (LMC)

ភ្នំពេញ៖ កាសែតដ៏ធំរបស់ប្រទេសចិន People’s Daily បានអញ្ជើញលោក សយ សុភា និពន្ធនាយក​កាសែតដើមអម្ពិល ចូលរួមក្នុងកិច្ចប្រជុំកំពូល កិច្ចសហប្រតិបត្តិការ ឡានឆាង មេគង្គ (LMC)ដែលត្រូវធ្វើឡើងនៅថ្ងៃទី២៤ ខែវិច្ឆិកា ឆ្នាំ២០២០ខាងមុខនេះ តាមរយៈប្រព័ន្ធអនឡាញ។ យោងតាមលិខិតអញ្ជើញ ឱ្យដឹងថា កិច្ចប្រជុំកំពូលនេះ នឹងមានការអញ្ជើញចូលរួម ពីតំណាងកាសែត ដ៏មានឥទ្ធិលពលមួយចំនួន...

ភរិយានាយឧត្តមសេនីយ ផ្កាយ៤ លោកស្រី ឡៃ គីមហុង គោរពប្រតិបត្តិ តាមដំណោះស្រាយ ឈ្នះ-ឈ្នះ របស់សម្តេចតេជោ ដើម្បីបញ្ចប់ វិវាទដីធ្លី ជាមួយពលរដ្ឋ ៥គ្រួសារ នៅប៉ោយប៉ែត

ករណីវិវាទដីធ្លីរយៈពេល ៤ឆ្នាំ រវាង លោកស្រី ឡៃ គីមហុង ភរិយា នាយឧត្តមសេនីយផ្កាយ៤ ប៊ុន សេង  នៅខេត្តបាត់ដំបង និងប្រជាពលរដ្ឋ ៥ គ្រួសារ ១)ជិន ជន, ២)សួន បូរ៉ា, ៣)សំ ថាន, ៤)ជា សារ៉ាត់, ៥) ជួន ជីវិន លើផ្ទៃដីចំនួនជាង៥ហិកតា (៥៣,៣៩៤) ដែលមាទីតាំង នៅភូមិ ទួលពង្រ សង្កាត់ ផ្សារកណ្តាល ក្រុង ប៉ោយប៉ែត ខេត្តបន្ទាយមានជ័យ ត្រូវបានលោក ដួង តារា ជំនួយការផ្ទាល់សម្តេចតេជោនាយករដ្ឋមន្រ្តី សម្រុះសម្រួលបញ្ចប់ទាំងស្រុងហើយ ដោយឈរលើគោលការណ៍ឈ្នះ-ឈ្នះរបស់សម្តេចតេជោ កាលពីព្រឹកថ្ងៃទី ៥ ខែតុលា ២០២០ នៅវិមានសន្តិភាព។ លទ្ធផលនៃការសម្រុះសម្រួលបញ្ចប់វិវាទនេះ គឺភាគី លោកស្រី ឡៃ គីមហុង ព្រមទទួលយកប្រាក់ចំនួន ១៣ម៉ឺនដុល្លារ ហើយសុខចិត្តផ្តល់ដីទាំងអស់ ទៅអោយប្រជាពលរដ្ឋទាំង៥គ្រួសារ ដោយក្នុងនោះបានផ្តល់ជូនទាំងផលដំណាំចំការដំឡូងដែលកំពុងដាំដុះទាំងអស់ (តម្លៃប្រមាណ$7,500) អោយទៅភាគីពលរដ្ឋទាំង ៥គ្រួសារ ដែលយល់ព្រមទទួលយកដីទាំងអស់មកគ្រប់គ្រងវិញ។  រឿងវិវាទដីធ្លីរវាងភាគីទាំង៦ខាងលើ បានកើតឡើងតាំងពីឆ្នាំ ២០១៦ ដោយភាគីម្ខាងៗអះអាងថាជាដីរបស់ខ្លួន។ ប៉ុន្តែជាក់ស្តែងគឺភាគឺលោកស្រី ឡៃ គីមហុង បានកាន់កាប់អាស្រ័យផលដាំដំឡូងលក់ជាច្រើនឆ្នាំមកហើយ។ ទន្ទឹមនឹងនោះដែរ ភាគីខាងប្រជាពលរដ្ឋក៏បានអះអាងថាខ្លួនមានលិខិតស្នាមប័ណ្ណកាន់កាប់ដី លើទីតាំងតែមួយដូចគ្នា។ ដោយសារតែភាគីម្ខាងៗ ទាមទារយកឈ្នះយកត្រូវរៀងៗខ្លួន ក៏បានប្តឹងគ្នា ទៅអាជ្ញាធរមានសមត្ថកិច្ច អោយជួយដោះស្រាយ។ ប៉ុន្តែអាជ្ញាធរដោះស្រាយមិនចេញ ក៏បានប្តឹងគ្នាបន្តទៅស្ថាប័នតុលាទៀតផង ប៉ុន្តែនៅតែគ្មានដំណោះស្រាយដដែល។  ដោយបានមើលឃើញពីប្រសិទ្ធិភាពនៃដំណោះស្រាយឈ្នះ-ឈ្នះសម្តេចតេជោ លោកស្រី ឡៃ គីមហុង បានសម្រេចដាក់ពាក្យគោរពចូលមកសម្តេចតេជោ កាលពីថ្ងៃទី ៤ កញ្ញា ២០២០ ដើម្បីសុំជួយរកយុត្តិធម៍ជូនគាត់។ នៅក្នុងឱកាសនោះដែរ លោក ដួង តារាជំនួយការផ្ទាល់សម្តេចតេជោ បានចុះទៅខេត្តបាត់ដំបងទៅជួបពិភាក្សាសម្របសម្រួលជាមួយ លោកស្រី ឡៃ គីមហុង និង នាយឧត្តមសេនីយ ប៊ុន សេង ជាច្រើនលើកច្រើនសារ អំពីករណីវិវាទខាងលើ។  នៅព្រឹកមិញ ថ្ងៃទី ៥ តុលា នេះ លោក ដួង តារា ក៏បានអញ្ជើញភាគីពាក់ព័ន្ធទាំងអស់ រួមទាំងមេធាវីទាំងសង្ខាង មកប្រជុំពិភាក្សាសម្រុះសម្រួលដោះស្រាយបញ្ចប់វិវាទទាំងស្រុងជាលើកចុងក្រោយនៅវិមានសន្តិភាព ដែលជាលទ្ធផលគឺភាគីទាំងអស់ក៏បានព្រមព្រៀងគ្នា ផ្តិតមេដៃបញ្ចប់វិវាទ ដោយឈរលើគោលការណ៍ឈ្នះ-ឈ្នះ របស់សម្តេចតេជោ ក្រោមការសម្របសម្រួលរបស់លោក ដួង តារា។ ពិតណាស់ វិវាទដ៏រាំរ៉ៃយូររាប់ឆ្នាំ យូរយ៉ាងណាក៏ដោយ ហើយទោះបីភាគីនីមួយៗ មានឥទ្ធិពល បុណ្យស័ក្តិធំ និងទ្រព្យសម្បត្តិតិចឬច្រើនយ៉ាងណាក្តី ប៉ុន្តែបើយកដំណោះស្រាយឈរលើ គោលការណ៍ឈ្នះឈ្នះតេជោ ជាមួយនឹងគុណធម៌ មកដោះស្រាយហើយនោះ គឺនឹងទទួលបានលទ្ធផលល្អជាមិនខាន ដូចករណីខាងលើនេះស្រាប់។ លោក ដួង តារា ជំនួយការផ្ទាល់សម្តេចតេជោ បានថ្លែងអំណរគុណចំពោះ លោកស្រី ឡៃ គីមហុង និងប្រជាពលរដ្ឋ៥គ្រួសារដូចជាលោក ជិន ជន, លោក សួន បូរ៉ា, លោកស្រី សំ ថាន, លោក ជា សារ៉ាត់, និង លោក ជួន ជីវិន ដែលបានជ្រើសរើសដំណោះស្រាយបញ្ចប់វិវាទដីធ្លីក្រៅប្រព័ន្ធតុលាការ ដែលទទួលបានលទ្ធផលឈ្នះឈ្នះជាមួយនឹងស្នាមញញឹមគ្រប់ៗគ្នា។ លោក ដួង តារា ក៏បានគោរពថ្លែងអំណរគុណដ៏ជ្រាលជ្រៅបំផុត ជូនចំពោះសម្តេចតេជោនាយករដ្ឋមន្រ្តីដែលតែងតែមានក្តីស្រលាញ់ សណ្តោសប្រណី និងយកចិត្តទុកដាក់ខ្ពស់ ចំពោះពលរដ្ឋនៅគ្រប់ទីកន្លែង ព្រោះសុខទុក្ខប្រជាពលរដ្ឋ គឺជាសុខទុក្ខផ្ទាល់របស់សម្តេច។  លោក ដួង តារា បានអំពាវនាវដល់មន្រ្តី និងអ្នកមានទ្រព្យស្តុកស្តម្ភ សូមជ្រើសរើសដំណោះស្រាយ តេជោឈ្នះឈ្នះ ដើម្បីបញ្ចប់រាល់នូវគ្រប់វិវាទតូច ធំទាំងអស់ នៅទូទាំងប្រទេស ដើម្បីចូលរួមចំណែក  ឭជួយដល់ប្រមុខដឹកនាំរបស់យើង ដើម្បីភាពសុខដុមនីយកម្ម នៅក្នុងសង្គមជាតិយើងទាំងមូល៕ (ហ្វេសប៊ុកផេក Duong Dara)

Official Statement From the Secretariat of National Committee for Maritime Security ( NCMS ) On relocation of the Tactical Command Headquarters of NCMS

សេចក្តីថ្លែងការណ៍ របស់គណៈកម្មាធិការជាតិសន្តិសុខលម្ហសមុទ្រ ស្តីពីការផ្លាស់ប្តូរ ទីតាំងទីបញ្ជាការជួរមុខ នៃមូលដ្ឋានសមុទ្ររាម

យុវជនគណបក្សប្រជាជនកម្ពុជា ថ្នាក់កណ្តាល រំលេចជីវប្រវត្តិសិក្សារបស់លោកបណ្ឌិត ហ៊ុន ម៉ាណែត

យុវជនគណបក្សប្រជាជនកម្ពុជា ថ្នាក់កណ្តាល រំលេចជីវប្រតបត្តិសិក្សារបស់លោកបណ្ឌិត ហ៊ុន ម៉ាណែត សូមលើកយកនូវជីវប្រវត្តិការសិក្សារបស់ឯកឧត្តមបណ្ឌិត ហ៊ុន ម៉ាណែត ដែលជាថ្នាក់ដឹកនាំដ៏ឆ្នើមរបស់ប្រទេសកម្ពុជា មានដូចតទៅ៖ ✍?នៅឆ្នាំ 1980-1990 ៖ សិក្សានៅបឋមសិក្សា និងមធ្យមសិក្សាកុមារី (បច្ចុប្បន្នសាលាបឋមសិក្សា និងមធ្យមសិក្សាចតុមុខ នៅឆ្នាំ 1990-1993 ៖ សិក្សានៅវិទ្យាល័យភ្នំដូនពេញ (បច្ចុប្បន្នវិទ្យាល័យព្រះស៊ីសុវត្ថិ) ជាអតីតសិស្សពូកែគណិតវិទ្យា ដោយប្រឡងជាប់ចំណាត់ថ្នាក់លេខ១ ទូរទាំងប្រទេសផ្នែកគណិតវិទ្យា ✍? នៅឆ្នាំ 1995-1999 ៖ សិក្សានៅសាលាបណ្ឌិតយោធានៅទីក្រុង West Point នៅអាមេរិកដោយទទួលបានសញ្ញាបត្រនៅថ្ងៃទី ២៩-ឧសភា-១៩៩៩។ ឯកឧត្តមបណ្ឌិត ហ៊ុន ម៉ាណែត ជាជនជាតិកម្ពុជាដំបូងគេ ដែលបានចូលរៀននៅសាលា West Point។នៅឆ្នាំ1995 ពេលឯកឧត្តមបណ្ឌិត ចេញទៅរៀននៅសហរដ្ឋអាមេរិក ឯកឧត្តម បានចូលបម្រើការងារកងទ័ពរួចទៅហើយ នៅក្នុងកងយោធពលខេមរៈភូមិន្ទ។ ✍? នៅឆ្នាំ 2002 ៖ ឯកឧត្តមបណ្ឌិត ទទួលបានសញ្ញាបត្រថ្នាក់អនុបណ្ឌិតសេដ្ឋកិច្ច នៅសាកលវិទ្យាល័យ New York សហរដ្ឋអាមេរិក  ✍? នៅឆ្នាំ 2008 ៖ ឯកឧត្តមបណ្ឌិត ទទួលបានសញ្ញាបត្រថ្នាក់បណ្ឌិតសេដ្ឋកិច្ច នៅសាកលវិទ្យាល័យ Bristol នៃចក្រភពអង់គ្លេស។ សូមបញ្ជាក់ជូនថា៖ ឯកឧត្តមបណ្ឌិត ហ៊ុន ម៉ាណែត ជាជនជាតិកម្ពុជាដំបូងគេដែលបានចូលរៀននៅសាលា West Point ក្រោយពីបញ្ចប់ការសិក្សា ឯកឧត្តមបានយកចំណេះដឹងដែលចេះពីការសិក្សាយកមកអនុវត្តនៅកម្ពុជា ដោយឯកឧត្តម បានលើកឡើងថា ៖ ” ទ្រឹស្តី និងជំនាញ ជាមូលដ្ឋាននៃការគ្រប់គ្រង និងដឹកនាំយោធាមួយចំនួន ប៉ុន្តែការងារជាក់ស្តែងគឺសំខាន់ដោយវាបានបង្រៀនយើងក្នុងការអនុវត្តការងារ ” ។ ❤️សូមជម្រាបជូនថា នេះជាប្រវត្តិការសិក្សាសង្ខេបរបស់ឯកឧត្តមបណ្ឌិត ហ៊ុន ម៉ាណែត ដោយមិនទាន់លើកយកពីប្រវត្តិការងាររបស់ឯកឧត្តម ដែលបានបំពេញកិច្ចការងារជាច្រើនដើម្បីលើកស្ទួយសង្គម ការពារជាតិ មាតុភូមិកម្ពុជានៅលើឆាកអន្តរជាតិ៕ (ហ្វេសប៊ុកផេក យុវជនគណបក្សប្រជាជនកម្ពុជា ថ្នាក់កណ្តាល)

មហាឧបសិកាបណ្ឌិត ហ៊ុន សេងនី ដង្ហែកឋិនទាន ចូលវត្ត ឥន្ទបត្តបុរី អង្គរខាងជើង ទទួលបានបច្ច័យជាង ៩ម៉ឺនដុល្លារ ប្រគេនព្រះសង្ឃ សម្រាប់កសាងសមិទ្ធផលវត្តបន្ត

ភ្នំពេញ៖ វត្ត ឥន្ទបត្តបុរី អង្គរខាងជើង ស្ថិតក្នុងភូមិក្រវ៉ាន់ សង្កាត់នគរធំ ក្រុងសៀមរាប ខេត្តសៀមរាបទទួលបានបច្ច័យប្រមាណជាង ៩ម៉ឺនដុល្លារ ដុល្លារ ជាមួយនឹងការទទួលអង្គកឋិនពី លោកស្រី មហាសិកាបណ្ឌិត ហ៊ុន សេងនី ព្រមទាំងបុត្រចៅ និងពីសំណាក់ពុទ្ធបរិស័ទមួយចំនួនផងដែរ។ មហាសិកាបណ្ឌិត ហ៊ុន សេងនី បានផ្ដាំផ្ញើដល់ប្រជាពុទ្ធបរិស័ទ ដែលចូលរួមអង្គកឋិនទាននេះថា...

ឯកអគ្គរដ្ឋទូត ម៉ាឡេស៊ី នាំយកសម្ភារៈជូន គ្រួសារមជ្ឈមណ្ឌល គ្រួសារអភិវឌ្ឍន៍កុមារកំព្រា

ភ្នំពេញ ៖ នៅព្រឹកថ្ងៃអង្គារទី ២៩ ខែកញ្ញាឆ្នាំ ២០២០ បានចុះសួរសុខទុក្ខគ្រួសារមជ្ឈមណ្ឌល គ្រួសារអភិវឌ្ឍន៍កុមារកំព្រា នៅទីក្រុងភ្នំពេញ។ លោក Eldeen Husaini Mohd Hashim ឯកអគ្គរដ្ឋទូតម៉ាឡេស៊ី ប្រចាំនៅព្រះរាជាណាចក្រកម្ពុជា បានដឹកនាំគណៈប្រតិភូ រួមជាមួយលោកស្រី Masdiana Mohamad ប្រធានសមាគម PERWAKILAN...

សារអបអរសាទរ របស់លោក Wang Wentian ឯកអគ្គរដ្ឋទូតចិនប្រចាំកម្ពុជា ស្តីអំពីខួបអនុស្សាវរីយ៍ នៃការបង្កើតសាធារណរដ្ឋប្រជាមានិតចិន

សារអបអរសាទរ របស់ឯកឧត្តម Wang Wentian ឯកអគ្គរដ្ឋទូតចិនប្រចាំកម្ពុជា ស្តីអំពីខួបអនុស្សាវរីយ៍ នៃការបង្កើតសាធារណរដ្ឋប្រជាមានិតចិន ជនរួមជាតិ និងមិត្តភក្តិទាំងឡាយ ជាទីនឹករឭក៖ ថ្ងៃនេះ ជាថ្ងៃរំឭកខួបអនុស្សាវរីយ៍នៃការបង្កើតសាធារណរដ្ឋប្រជាមានិតចិន។ ក្នុងឱកាសដ៏សែនឱឡារិក និងឧដុង្គឧត្តមនេះ  ខ្ញុំសូមតំណាងស្ថានទូតចិនប្រចាំកម្ពុជា សម្តែងគារវកិច្ចដោយស្មោះ ជូនចំពោះបុគ្គលិកនៃសហគ្រាសចិន ក្នុងប្រទេសកម្ពុជា  គ្រូបង្រៀនភាសាចិន និងអ្នកស្ម័គ្រចិត្ត ក្នុងប្រទេសកម្ពុជា និស្សិតចិនក្នុងប្រទេសកម្ពុជា...