សេដ្ឋកិច្ច

គិតត្រឹមថ្ងៃទី៨ ខែកក្កដា ធនាគារអភិវឌ្ឍន៍ជនបទ ទទួលពាក្យសុំខ្ចីចំនួន ជាង ៣៥០ ពាក្យក្នុងទំហំទឹកប្រាក់ ជាង៣៧ លានដុល្លារ ពីគម្រោងហិរញ្ញប្បទានពិសេសរបស់រាជរដ្ឋាភិបាល

ខេត្តកំពត ៖ គិតត្រឹមថ្ងៃទី៨ ខែកក្កដា ឆ្នាំ២០២០នេះធនាគារអភិវឌ្ឍន៍ជនបទ និងកសិកម្ម បានទទួលពាក្យសុំខ្ចីចំនួន ជាង ៣៥០ពាក្យក្នុងទំហំទឹកប្រាក់ដែលត្រូវស្នើសុំសរុបចំនួន ជាង៣៧ លានដុល្លារអាមេរិក ពីគម្រោងហិរញ្ញប្បទានពិសេសរបស់រាជរដ្ឋាភិបាលចំនួន ៥០លានដុល្លារអាមេរិក។ ក្នុងឱកាសបន្តចុះផ្សព្វផ្សាយគោលការណ៍ឥណទាន និងនីតិវិធីទទួលបានឥណទានក្រោមគម្រោងហិរញ្ញប្បទានពិសេសរបស់រាជរដ្ឋាភិបាលចំនួន ៥០ លានដុល្លារអាមេរិក ជូនដល់បងប្អូនប្រជាសហគមន៍ចញ្ចឹមសត្វ ចញ្ចឹមត្រី ដាំដុះបន្លែ និង ផ្លែឈើ និងក្រុមសិប្បកម្ម សហគ្រាសធុនតូច និងមធ្យម ក្នុងវិស័យផលិតផលកសិកម្ម វិស័យកសិ-ឧស្សាហកម្ម និងវិស័យកសិកម្ម ក្នុងខេត្តកំពតដើម្បី ឱ្យមានលទ្ធភាពពង្រីកអាជីវកម្ម និងធ្វើឱ្យប្រសើរឡើងនូវខ្សែច្រវាក់ផលិតកម្មរបស់ខ្លួន ក្នុងគោលដៅបង្កើតការងារបន្ថែមពង្រឹងភាពប្រកួតប្រជែង និងពង្រីកមូលដ្ឋានផលិតក្នុងស្រុក សម្រាប់ជំរុញទាំងការនាំចេញ និងកាត់បន្ថយការនាំចូលនៅក្នុងដំណាក់កាលដែលសេដ្ឋកិច្ចកម្ពុជាជួបប្រទះបញ្ហាប្រឈមមួយចំនួនកើតចេញពីជំងឺឆ្លង COVID-19 និងបញ្ហា EBA។ លោក កៅថាច បានជម្រាបជូនដល់បងប្អូនប្រជាកសិករដែលដាំដុះបន្លែ ចញ្ចឹមសត្វ ធ្វើវារីវប្បកម្ម នៅក្នុងពិធីផ្សព្វផ្សាយគោលការណ៍ឥណទាននិងនីតិវិធីទទួលបានឥណទានពិសេសក្រោមគម្រោងហិរញ្ញប្បទានរបស់រាជរដ្ឋាភិបាលថា គិតត្រឹមថ្ងៃទី៨ ខែកក្កដា ឆ្នាំ២០២០ធនាគារអភិវឌ្ឍន៍ជនបទ និងកសិកម្ម បានទទួលពាក្យសុំខ្ចីចំនួន ជាង ៣៥០ ពាក្យក្នុងទំហំទឹកប្រាក់ដែលត្រូវស្នើសុំសរុបចំនួនជាង៣៧ លានដុល្លារអាមេរិក ពីគម្រោងហិរញ្ញប្បទានពិសេសរបស់រាជរដ្ឋាភិបាលចំនួន ៥០លានដុល្លារអាមេរិកនេះ ។ អាស្រ័យហេតុនេះ លោក កៅ ថាច បន្តស្នើសុំ និងលើកទឹកចិត្តដល់បងប្អូន រួសរាន់រៀបចំឯកសារស្នើសុំខ្ចីឥណទានក្នុងកម្មវិធីទៅធនាគារអភិវឌ្ឍន៍ជនបទ និងកសិកម្ម ក្នុងករណីបងប្អូនមានត្រូវការពង្រីកអាជីវកម្មរបស់ខ្លួន។ ទន្ទឹមនេះ លោកបានស្នើសុំអោយអាជ្ញាធរ មូលដ្ឋាន ជួយបន្តផ្សព្វផ្សាយកម្មវិធីហិរញ្ញប្បទានពិសេសនេះ អោយបានទូលំទូលាយដល់បងប្អូនប្រជាពលរដ្ឋបានជ្រាបដើម្បីអោយបងប្អូនមានឱកាសអាចទទួលបានឥណទានពីក្នុងកម្មវិធីពិសេសនេះផងដែរ។ ជាមួយគ្នានេះ លោក កៅ ថាច បានធ្វើការចែករំលែកនូវបទពិសោធន៍ល្អៗមួយចំនួនអំពីការដាំដុះ ការប្រមូលផល ការចញ្ចឹមត្រី និងព័ត៍មានទីផ្សារជូនដល់បងប្អូនដើម្បីជាចំនេះដឹងថ្មី និងទុកសម្រាប់ជាមូលដ្ឋានសម្រាប់ធ្វើការពិចារណាក្នុងការពង្រីកអាជីវកម្មរបស់បងប្អូន។ ភ្ជាប់ជាមួយនេះ ឯកឧត្តម កៅ ថាច អគ្គនាយក នៃធនាគារអភិវឌ្ឍន៍ជនបទ និងកសិកម្ម ក៏បានធ្វើការស្នើសុំ និងសំណូមពរដល់បងប្អូនកសិករចញ្ចឹមត្រី ចញ្ចឹមសត្វ ដាំដុះបន្លែ អោយរៀបចំផែនការដាំដុះ ផែនការចញ្ចឹមឱ្យបានច្បាស់លាស់ ដើម្បីធ្វើការផ្គត់ផ្គង់ក្នុងទីផ្សារអោយបានតាមតម្រូវការ និងចូលរួមកាត់បន្ថយការនាំចូលពីប្រទេសជិតខាង។ លោក ក៏បានថ្លែងអំណរគុណដល់រដ្ឋបាលខេត្តកំពត ដែលបានជួយសម្របសម្រួលរៀបចំកិច្ចប្រជុំផ្សព្វផ្សាយនូវគោលការណ៍ឥណទានដែលមានអត្រាការប្រាក់ទាប ក្រោមកម្មវិធីពិសេសរបស់រាជរដ្ឋាភិបាល ជូនដល់បងប្អូននាឱកាសនេះ។ ចុងបញ្ចប់ លោកកៅ ថាច បានអនុញ្ញាតឱ្យមានវេទិការសំនួរ-ចំលើយ និងលើកជាសំណូមពរមកកាន់ធនាគារ និងអាជ្ញាធរពាក់ព័ន្ធផងដែរ។ ក្នុងឱកាសនោះ ក៏មានការអញ្ជើញចូលរួមជាវាគ្មិនផងដែរពីសំណាក់ លោក ភូ លិ អភិបាលរងខេត្ត តំណាង ឯកឧត្តម ជាវ តាយ អភិបាលនៃគណៈអភិបាលខេត្តកំពត តំណាងអគ្គនាយកដ្ឋានកសិកម្ម តំណាងអគ្គនាយកដ្ឋានសុខភាពសត្វ និងផលិតកម្មសត្វ និងតំណាងមកពីរដ្ឋបាលជលផល។

1.3K

កូវីដ១៩ ៖ ៥ខែឆ្នាំនេះ ការនាំចេញកម្ពុជា នៅតែវិជ្ជមាន

ភ្នំពេញ៖ លោក វង្សី វិស្សុត រដ្ឋលេខាធិការក្រសួង សេដ្ឋកិច្ចនិងហិរញ្ញវត្ថុ បានអះអាងថា ទោះបីជាវិបត្តិកូវីដ១៩បានវាយប្រហារមកលើសេដ្ឋកិច្ចកម្ពុជាខ្លាំងយ៉ាងណាក៏ដោយ តែ៥ខែដំបូងនៅឆ្នាំ២០២០នេះ ការនាំចេញរបស់កម្ពុជា នៅមានសភាពវិជ្ជមាន ដដែល។ ក្នុងសន្និសីទសារព័ត៌មានស្តីពីវិធានការរបស់រាជ រដ្ឋាភិបាលបានដាក់ចេញនាពេលកន្លងមកក្នុងការឆ្លេីយ តបទៅនឹងវិបត្តិនៃជំងឺកូវីដ១៩ នៅថ្ងៃទី៨ ខែកក្កដា ឆ្នាំ២០២០ លោក វង្សី វិសុទ្ធ បានថ្លែងថា...

1.3K

ធនាគារពិភពលោក អនុម័តឥណទាន ៩៣លានដុល្លារ សម្រាប់គម្រោង បែងចែកដី សង្គមកិច្ច និងការអភិវឌ្ឍសេដ្ឋកិច្ច ជំហាន៣ នៅកម្ពុជា

ភ្នំពេញ ៖ ក្រុមប្រឹក្សាភិបាល នៃធនាគារពិភពលោក បានអនុម័តឥណទាន ៩៣លានដុល្លារ ពី សមាគមអភិវឌ្ឍន៍អន្តរជាតិ (IDA) សម្រាប់គម្រោង «បែងចែកដីដើម្បី សង្គមកិច្ច និងការអភិ វឌ្ឍសេដ្ឋកិច្ចជំហាន៣» (LASED III) នៅប្រទេសកម្ពុជា។ យោងតាមសេចក្ដីប្រកាស ព័ត៌មានរបស់ ធនាគារពិភពលោក ចេញផ្សាយនាពេលថ្មីៗនេះថា «គម្រោងនេះនឹងជួយបង្កើនសុវត្ថិភាព...

1.4K

៣សប្ដាហ៍ នៃខែមិថុនា ភ្ញៀវទេសចរ ជាង៤៥ម៉ឺននាក់ ចេញទស្សនាតាម រមណីយដ្ឋាននានា

ភ្នំពេញ៖ លោក ថោង ខុន រដ្ឋមន្ត្រីក្រសួងទេសចរណ៍ បានអះអាងថា គិតក្នុងរយៈពេល៣សប្តាហ៍ នៃខែមិថុនា ឆ្នាំ២០២០នេះ មានភ្ញៀវទេសចរសរុបចំនួន ៤៥២,៦៩២ នាក់ បានចេញទស្សនាកំសាន្តតាម រមណីយដ្ឋាននានានៅទូទាំងប្រទេស បើធៀបនឹង រយ:ពេល៣សប្តាហ៍នៃខែឧសភា កើនឡើង ៧.២៤ភាគរយ។ តាមបណ្ដាញទំនាក់ទំនងសង្គមហ្វេសប៊ុក របស់ក្រសួងទេសចរណ៍ នៅថ្ងៃទី២៤ខែមិថុនា ឆ្នាំ២០២០លោកថោង...

1.3K

នាយករដ្ឋមន្ត្រីកម្ពុជា ៖ ខ្ញុំមិនដែលប្រកាសបិទសេដ្ឋកិច្ច សូម្បីតែមួយដង

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្រ្តី កម្ពុជា បានអះអាងថា សម្តេចមិនដែលប្រកាសបិទ សេដ្ឋកិច្ច មិនឲ្យប្រជាពលរដ្ឋប្រកបរបររកស៊ីប្រចាំថ្ងៃ សូម្បីតែមួយដងណាឡើយ។ ក្នុងពិធីប្រកាសជាផ្លូវការ កម្មវិធីឧបត្ថម្ភសាច់ប្រាក់ជូនប្រជាពលរដ្ឋមានជីវភាពក្រីក្រ និងងាយរងគ្រោះក្នុងអំឡុងពេលជំងឺកូវីដ១៩ ប្រមាណ៦០ម៉ឺនគ្រួសារ នៅថ្ងៃទី២៤ ខែមិថុនា ឆ្នាំ២០២០ សម្ដេចតេជោបានថ្លែងថា អ្នកបាត់បង់ការងារធ្វើ នៅតាមសហគ្រាស...

1.5K

ធនាគារឯកទេសវីង និងធនាគារ កាណាឌីយ៉ា រួមគ្នាជំរុញបរិយាប័ន្ន ហិរញ្ញវត្ថុ នៅកម្ពុជា

ភ្នំពេញ៖ ធនាគារឯកទេសវីង (ខេមបូឌា) លីមីតធីត និងធនាគារ កាណាឌីយ៉ា ក.អ កំពុងធ្វើការរួមគ្នា ដើម្បីបំពេញចន្លោះខ្វះខាត សេវាហិរញ្ញវត្ថុ តាមរយៈ ការចុះកិច្ចព្រមព្រៀង ធ្វើការរួមគ្នាមួយ ដើម្បីជំរុញបរិយាប័ន្នហិរញ្ញវត្ថុ និងផ្តល់ជូនប្រជាជនកម្ពុជា គ្រប់រូបអាចទទួលបាន ហិរញ្ញវត្ថុប្រកបដោយ ភាពងាយស្រួល។ ពិធីចុះហត្ថលេខានេះ ត្រូវបានប្រារព្ធឡើង នៅថ្ងៃទី២៣ ខែមិថុនា...

1.5K

រដ្ឋមន្ត្រីពាណិជ្ជកម្មអះអាងថា កិច្ចចរចាពាណិជ្ជកម្មសេរី កម្ពុជា-ចិន ត្រូវបានបញ្ចប់ ដោយជោគជ័យ

ភ្នំពេញ ៖ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានលើកឡើងថា ក្រុមការងារបច្ចេកទេសទើបបញ្ចប់ដោយជោគជ័យ លើកិច្ចចរចាពាណិជ្ជកម្មសេរីរវាងកម្ពុជា-ចិន កាលពីពេលថ្មីៗនេះ ហើយកម្ពុជារំពឹងថា នឹងមានកំណើននៃការនាំចេញទៅកាន់ទីផ្សារប្រទេសចិនប្រមាណជា ២០ភាគរយ។នេះបេីយោង តាម គេហទំព័រ ហ្វេសប៊ុក របស់ ក្រសួង ពាណិជ្ជកម្ម ។ ការថ្លែងបែបនេះ ធ្វើឡើងក្នុងឱកាសដែលលោករដ្ឋមន្ត្រី...

1.5K

ទីម័រខាងកើត ចាប់អារម្មណ៍ លើវិស័យកសិកម្ម និងជួយទ្រទ្រង់សេដ្ឋកិច្ចកម្ពុជា ដើម្បីកាត់ បន្ថយភាពក្រីក្រ

ភ្នំពេញ ៖ លោក Ermenegildo Kupalopes ឯកអគ្គរដ្ឋទូតទីម័រខាងកើត ប្រចាំកម្ពុជា ចាប់អារម្ម ណ៍ទៅលើវិស័យកសិកម្ម និងជួយទ្រទ្រង់កំណើនសេដ្ឋកិច្ចកម្ពុជា ដើម្បីកាត់បន្ថយភាពក្រីក្រ យ៉ាងល្អប្រសើរ។ ក្នុងជំនួបពិភាក្សាការងារជាមួយ លោក វេង សាខុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១១ ខែមិថុនា ឆ្នាំ២០២០...