រទេស៖ប្រេសិតសហរដ្ឋអាមេរិកប្រចាំនៅអង្គការ សហប្រជាជាតិ នៅថ្ងៃពុធសប្ដាហ៍នេះ បាននិយាយប្រាប់ថា សហរដ្ឋអាមេរិក ត្រៀមខ្លួនជាស្រេច ដើម្បីបោះជំហានច្បាស់លាស់ ឆ្ពោះទៅរកកិច្ចព្រមព្រៀងមួយ ដែលមានគោលដៅឲ្យកូរ៉េខាងជើងបោះបង់ចោល កម្មវិធីនុយក្លេអ៊ែនិងមីស៊ីល ប៉ុន្តែក្រុមប្រឹក្សា សន្តិសុខត្រូវតែត្រៀមធ្វើការឆ្លើយតប ទៅនឹងការបង្កហេតុណាមួយ។ ឯកអគ្គរដ្ឋទូតសហរដ្ឋអាមេរិក លោកស្រី Kelly Craft បាននិយាយដូច្នេះថា “យើងនៅតែត្រៀមខ្លួនជាស្រេច ដើម្បីចាត់វិធានការក្នុងដំណើរស្មើភាព និងបោះជំហានជាក់លាក់ជាបន្តបន្ទាប់ ឆ្ពោះទៅរកកិច្ចព្រមព្រៀងនេះ យើងបានត្រៀមខ្លួនធ្វើការបត់បែន ក្នុងវិធីដែលយើងខិតចូលទៅជិតបញ្ហានេះ ហើយយើងទទួលស្គាល់ពីតម្រូវការចាំបាច់ សម្រាប់កិច្ចព្រមព្រៀងស្មើភាព ដែលដោះស្រាយក្តីព្រួយបារម្ភរបស់គ្រប់ភាគីទាំងអស់”។ គួរបញ្ជាក់ថា ក្រុមប្រឹក្សាសន្តិសុខអង្គការសហប្រជាជាតិ ដែលមាន១៥ប្រទេសជាសមាជិក បានជួបប្រជុំគ្នានៅថ្ងៃពុធសប្ដាហ៍នេះតាមសំណើរបស់ សហរដ្ឋអាមេរិក ស្របពេលមានក្តីព្រួយបារម្ភកើនឡើងជាអន្តរជាតិថា ប្រទេសកូរ៉េខាងជើង អាចនឹង បន្តធ្វើតេស្តនុយក្លេអ៊ែ ឬក៏មីស៊ីលវាយប្រហារចម្ងាយឆ្ងាយ ដែលបានផ្អាកចាប់តាំងពីឆ្នាំ២០១៧មក ព្រោះតែកិច្ចពិភាក្សាលុបបំបាត់ នុយក្លេអ៊ែរវាងទីក្រុងព្យុងយ៉ាងនិងទីក្រុងវ៉ាស៊ីនតោន បានជាប់គាំង៕ ប្រែសម្រួល៖ប៉ាង កុង
សេអ៊ូល៖ អតីតរដ្ឋមន្រ្តីបង្រួបបង្រួម បានឲ្យដឹងថា ប្រទេសកូរ៉េខាងជើង អាចដកការហាមឃាត់របស់ខ្លួនលើការសាកល្បងនុយក្លេអ៊ែរ និងមីស៊ីលរយៈចម្ងាយឆ្ងាយនៅចុងខែនេះ ខណៈកិច្ចពិភាក្សានុយក្លេអ៊ែរ ជាមួយសហរដ្ឋអាមេរិក នៅតែជាប់គាំងនៅឡើយ។ លោក Jeong Se-hyun បច្ចុប្បន្នជាអនុប្រធានប្រតិបត្តិក្រុមប្រឹក្សា បង្រួបបង្រួមជាតិ បានធ្វើការកត់សម្គាល់នេះ ចំពេលមានការសង្ស័យថា កូរ៉េខាងជើងអាចនឹងត្រៀម បាញ់មីស៊ីលបាលីស្ទិកអន្តរទ្វីប បន្ទាប់ពីធ្វើអ្វីដែលគេហៅថា ការធ្វើតេស្តដ៏សំខាន់មួយកាលពីចុងសប្តាហ៍ នៅទីតាំងបាញ់បង្ហោះផ្កាយរណបរបស់ខ្លួន។ ប្រទេសកូរ៉េខាងជើង...
មូស្គូ ៖ អគ្គលេខាធិការសហព័ន្ធកីឡា ប្រដាល់រុស្ស៊ី បានប្រាប់សារព័ត៌មាន The Associated Press ថា អ្នកប្រដាល់រុស្ស៊ី នឹងចូលរួមក្នុងព្រឹត្តិការណ៍ អូឡាំពិកទីក្រុងតូក្យូ ប្រសិនបើការដាក់ ទណ្ឌកម្មបង្ខំឲ្យពួកគេចូលរួមប្រកួត ខណៈអត្តពលិកអព្យាក្រឹត ត្រូវបានលប់ចោល យោងតាមការចេញផ្សាយ ពីគេហទំព័រជប៉ុនធូដេ។ លោក Umar Kremlev បាននិយាយថា...
បរទេស ៖ អគ្គធិការ នៃក្រសួងការពារជាតិ សហរដ្ឋអាមេរិក នៅពេលថ្មីៗនេះ តាមសេចក្តីរាយការណ៍ បានបើកធ្វើការវាយតម្លៃ ចំពោះការ ប្រើប្រាស់បុគ្គលិក យោធារបស់លោកប្រធានាធិបតី អាមេរិក ដូណាល់ ត្រាំ នៅតាមបណ្ដោយព្រំដែន សហរដ្ឋអាមេរិក-ម៉ិកស៊ិក។ អគ្គធិការស្តីទីរបស់ក្រសួងការពារជាតិអាមេរិក លោក Glenn Fine នៅថ្ងៃអង្គារសប្ដាហ៍នេះ បានបញ្ជូនកំណត់ហេតុមួយ...
បរទេស៖តំណាងសហរដ្ឋអាមេរិកប្រចាំនៅអង្គការសហប្រជាជាតិ បាននិយាយ នៅថ្ងៃពុធសប្ដាហ៍នេះថា សហរដ្ឋអាមេរិក មិនអាចបដិសេធ ពីភាពអាចទៅរួច ដែលកូរ៉េខាងជើងអាច នឹងប្រើប្រាស់បច្ចេកវិទ្យាមីស៊ីល វាយប្រហារចម្ងាយឆ្ងាយផ្សេងទៀត នៅក្នុងតេស្តបន្ទាប់នោះទេ ហើយនេះគឺជាទង្វើមួយ ដែលគេទទួលស្គាល់ថា ជាការបង្កហេតុដ៏ធ្ងន់ធ្ងរ ។ ឯកអគ្គរដ្ឋទូត លោកស្រី Kelly Craft ជាក្រុមប្រឹក្សាសន្តិសុខ អង្គការសហប្រជាជាតិ បាននិយាយប្រាប់គណៈប្រតិភូថា ការព្រមាន...
បរទេស ៖ រដ្ឋមន្ត្រីការបរទេស អាមេរិក លោក Mike Pompeo នៅថ្ងៃពុធសប្ដាហ៍នេះ បាននិយាយថា សហរដ្ឋអាមេរិក ចង់ធ្វើការងារ ជាមួយប្រទេសរុស្ស៊ី ដើម្បីបញ្ចប់ជម្លោះនៅ ក្នុងប្រទេសលីប៊ី ប៉ុន្តែលោកបានបន្ថែមថា លោកបានរំឭក ដល់រដ្ឋមន្ត្រី ការបរទេសរុស្ស៊ី លោក Sergei Lavrov កាលពីមួយថ្ងៃមុន...
បរទេស ៖ កាលពីខែមុន ក្រុមឧទ្ទាម ហ៊ួធី នៅក្នុងប្រទេសយេម៉ែន បានអះអាងថា ពួកគេបានបាញ់ ទម្លាក់យន្ដហោះចម្បាំងធុន F-15 ដែលដឹកនាំដោយ ប្រទេសអារ៉ាប៊ីសាអូឌីត ដោយមិនបានបញ្ជាក់ច្បាស់ថា ប្រទេសណាជាក្រុមចម្រុះ ដែលជាកម្មសិទ្ធិ របស់យន្តហោះនោះទេ ។ យោងតាមសារព័ត៌មាន Sputnik ចេញផ្សាយនៅថ្ងៃទី១១ ខែធ្នូ ឆ្នាំ២០១៩...
មូស្គូ : ទីភ្នាក់ងារចិនស៊ិនហួ ចេញផ្សាយនៅថ្ងៃពុធទី១១ ខែធ្នូនេះ បានឲ្យដឹងថា គម្រោងបំពង់បង្ហូរ ឧស្ម័ន រវាងរុស្ស៊ី និងទ្វីបអឺរ៉ុប នឹងមិនអាចបញ្ឈប់ឡើយ ទោះបីជាបច្ចុប្បន្នខ្លួន កំពុងស្ថិតនៅក្នុងការដាក់ ទណ្ឌកម្មពី សហរដ្ឋអាមេរិកក៏ដោយ។ ការបញ្ជាក់អះអាង ដែលត្រូវបានធ្វើឡើង ដោយលោករដ្ឋមន្ត្រីការបរទេស របស់ប្រទេសរុស្សី Sergei Lavrov ។...
សេអ៊ូល : ទីភ្នាក់ងារចិនស៊ិនហួ ចេញផ្សាយនៅថ្ងៃពុធទី១១ ខែធ្នូនេះបានសរសេរថា សហរដ្ឋអាមេរិក បានធ្វើការប្រគល់មូលដ្ឋានទ័ព ចំនួន៤ ទៅឲ្យប្រទេសកូរ៉េខាងត្បូង ដោយក្នុងនោះមានទាំងការ យល់ព្រមបើកការពិគ្រោះយោបល់ សម្រាប់ការវិលត្រឡប់ នៃយោធភូមិភាគ ដែលស្ថិតនៅកណ្តាល ទីក្រុងសេអ៊ូលផងដែរ ។ ការប្រកាសនេះ បានធ្វើឡើងក្នុងអំឡុងពេលភាគីទាំងពីរ បានបើកកិច្ចប្រជុំគណៈកម្មាធិការ រួមលើកទី ២០០ នៃកិច្ចព្រមព្រៀងស្តីពីស្ថានភាព...
បរទេស: BBCចេញផ្សាយ នៅថ្ងៃពុធទី១១ខែធ្នូនេះ បានសរសេរថា សហរដ្ឋអាមេរិក បានធ្វើការផ្អាកសកម្មភាព របស់និស្សិត អាកាសចរណ៍យោធា ជនជាតិអារ៉ាប៊ីសាអូឌីត រាប់រយនាក់ នៅឯមូលដ្ឋាននានា នៅទូទាំងប្រទេស បន្ទាប់ពីការបាញ់ប្រហារ ដ៏ភ្ញាក់ផ្អើលមួយ កាលពីថ្ងៃសុក្រនៅរដ្ឋហ្វ្លរីដា។ រាល់ការហ្វឹកហាត់ ជាការហោះហើរ នឹងត្រូវផ្អាក តែការសិក្សាក្នុងថ្នាក់នឹង នៅបន្តជាធម្មតា។គួរបញ្ជាក់ដែរថាការសម្រេចចិត្តនេះ កើតឡើងបន្ទាប់ពី រដ្ឋមន្រ្តីក្រសួងការពារជាតិ...