ព័ត៌មានជាតិ

លោក អ៉ិត សំហេង៖ មាន ប.ស.ស. ផ្នែកប្រាក់សោធន គឺជួយបង្កើតស្មារតី ទទួលខុសត្រូវ ក្នុងការបំពេញការងារ និងបង្កើនផលិតភាព ក្នុងសហគ្រាស

ភ្នំពេញ៖ លោកបណ្ឌិត អ៉ិត សំហេង រដ្ឋមន្រ្តីក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថា ការបង្កើតឱ្យមានរបបសន្ដិសុខសង្គម ផ្នែកប្រាក់សោធន នេះឡើង គឺជាការយកចិត្តទុកដាក់ខ្ពស់បំផុត របស់រាជរដ្ឋាភិបាលកម្ពុជា ក្រោមការដឹកនាំប្រកបដោយ គតិបណ្ឌិត និងឈ្លាសវៃបំផុត ពីសំណាក់សម្ដេចតេជោ ហ៊ុន សែន នាយករដ្ឋមន្រ្តី នៃកម្ពុជា ទៅលើជីវភាពរស់នៅ ក្នុងន័យកាត់បន្ថយភាពក្រីក្រ និងធានានូវសុខុមាលភាព របស់បងប្អូនប្រជាពលរដ្ឋ ពិសេសបងប្អូនកម្មករនិយោជិត។ ក្នុងឱកាសអញ្ជើញជាអធិបតីភាព ក្នុងយុទ្ធនាការលើកទី២ នៃពិធីផ្សព្វផ្សាយ របបសន្តិសុខសង្គម ផ្នែកប្រាក់សោធន សម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញត្តិ នៃច្បាប់ស្តីពីការងារ លោកបណ្ឌិតរដ្ឋមន្រ្ដី បានលើកឡើងទៀតថា៖ របបសន្ដិសន្ដិសុខសង្គម ផ្នែកប្រាក់សោធនថ្មីនេះ គឺឱ្យកម្មករនិយោជិតទាំងអស់ ក្នុងវិស័យឯកជន ទទួលបានប្រាក់ចូលនិវត្តន៍ នៅពេលចាស់ធ្វើការលែងកើត ដូចទៅនឹងមន្រ្តីរាជការដែរ។ ជាមួយគ្នានេះ របបសន្ដិសុខសង្គម ផ្នែកប្រាក់សោធន បានរួមចំណែកយ៉ាងសំខាន់បំផុត ក្នុងការបង្កើនស្មារតី ទទួលខុសត្រូវខ្ពស់ ខិតខំបំពេញការងារ ប្រកបដោយស្ថិរភាព និងភាពយូរអង្វែង របស់កម្មករនិយោជិត ឈានដល់ការបង្កើតផលិតភាព ជូនសហគ្រាស គ្រឹះស្ថានរបស់ខ្លួន។ លោកបណ្ឌិតរដ្ឋមន្រ្តី បានសង្កត់ធ្ងន់ទៀតថា៖ ការចុះឈ្មោះចូលជាសមាជិក ប.ស.ស. ផ្នែកប្រាក់សោធន មិនមែនជាការស័្មគ្រចិត្តនោះទេ ប៉ុន្ដែវាជាកាតព្វកិច្ច របស់ភាគីនិយោជក និងភាគីនិយោជិត ដែលត្រូវអនុវត្តស្របទៅតាមច្បាប់ ស្ដីពីរបបសន្ដិសុខសង្គមដែលបានដាក់ចេញដោយរាជរដ្ឋាភិបាលកម្ពុជា។ ជាមួយគ្នានេះ លោកបណ្ឌិតរដ្ឋមន្រ្ដី ក៏បានធ្វើការសំណូមពរទៅកាន់ បងប្អូនសហជីពទាំងអស់ ដែលបានចូលរួមក្នុងពិធីផ្សព្វផ្សាយនាពេលនេះ សូមមេត្តាយកចិត្តទុកដាក់ស្ដាប់ និងសួរនូវរាល់ចម្ងល់ទាំងឡាយ ពាក់ព័ន្ធទៅនឹងរបបសន្ដិសុខសង្គម ផ្នែកប្រាក់សោធនថ្មីនេះ ដើម្បីអាចផ្សព្វផ្សាយបន្តអំពីកាតព្វកិច្ច និងអត្ថប្រយោជន៍ នៃរបបសន្តិសុខសង្គមផ្នែកប្រាក់សោធននេះ ឱ្យបានដល់បងប្អូនកម្មករនិយោជិត ដែលជាអ្នកនៅជាមួយ និងជួបផ្ទាល់បងប្អូនសហជីពទាំងអស់គ្នា ប្រកបដោយភាពត្រឹមត្រូវ ច្បាស់លាស់ ធ្វើយ៉ាងណាឱ្យមានការចូលរួមអនុវត្តកាតព្វកិច្ច ស្របតាមច្បាប់ស្តីពីរបបសន្តិសុខសង្គម ពេញលេញប្រកបដោយភាពពេញចិត្ត និងរីករាយសាទរ ជៀសវាងការទទួល នូវការញុះញង់ ការទទួលព័ត៌មានមិនពិត ពីក្រុមជនអគតិមួយចំនួនតូច។ សូមបញ្ជាក់ថា៖ ពិធីផ្សព្វផ្សាយខាងលើនេះ ប្រព្រឹត្តទៅនៅរសៀលថ្ងៃពុធ ទី១៣ ខែមិថុនា ឆ្នាំ២០២២ នៅសណ្ឋាគារ ហ៊ីម៉ាវ៉ារីដោយមានការអញ្ជើញចូលរួមពីបងប្អូនសហជីព សរុបប្រមាណជា ៣០០នាក់៕

1.2K

ក្រុមប្រឹក្សាធម្មនុញ្ញា ទូលថ្វាយព្រះមហាក្សត្រថា វិសោធនកម្មរដ្ឋធម្មនុញ្ញ មាត្រាមួយចំនួនអាចធ្វើទៅបាន

ភ្នំពេញ ៖ ក្រុមប្រឹក្សាធម្មនុញ្ញ បានសម្រេចជាឯកច្ឆ័ន្ទ ក្រាបបង្គំទូលថ្វាយព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជាថា ការស្នើសុំធ្វើវិសោធនកម្ម មាត្រាមួយចំនួន នៃរដ្ឋធម្មនុញ្ញកម្ពុជា គឺអាចធ្វើទៅបាន ។ ការ “អាចធ្វើទៅបាន” ដែលក្រុមប្រឹក្សាធម្មនុញ្ញ លើកឡើងក្នុងសេចក្តីប្រកាសព័ត៌មាន ក្រោយបញ្ចប់កិច្ចប្រជុំពេញអង្គ ដើម្បីពិនិត្យ...

1.3K

លោកបណ្ឌិត ហ៊ុន ម៉ាណែត ស្រោចស្រពសុគន្ធវារី ប្រកាសព្រះរាជប្រកាសនីយប័ត្រ តែងតាំងព្រះគ្រូ អនុគណស្រុកត្រាំកក់ ខេត្តតាកែវ និងសម្ពោធ សមិទ្ធផលនានា ក្នុងវត្តមង្គល មានលក្ខណ៍

ភ្នំពេញ៖ លោកបណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ក្នុងពិធីស្រោចស្រពសុគន្ធវារី ប្រកាសព្រះរាជប្រកាសនីយប័ត្រ តែងតាំងព្រះគ្រូអនុគណស្រុកត្រាំកក់ ខេត្តតាកែវ និងសម្ពោធសមិទ្ធផលនានា ក្នុងវត្តមង្គលមានលក្ខណ៍ ស្ថិតនៅឃុំត្រពាំងធំខាងជើង ស្រុកត្រាំកក់ ខេត្តតាកែវ នាថ្ងៃទី១៣ ខែកក្កដា ឆ្នាំ២០២២។...

1.1K

ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃ គង់ចាំព្រះវស្សានៅវត្តចំនួន២

នាព្រឹក ថ្ងៃទី១៣ ខែកក្កដា ឆ្នាំ២០២២ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាល ចុះមូលដ្ឋានខណ្ឌដង្កោ រួមជាមួយក្រុមការងារក្រោមឱវាទ បាននាំយកទៀនព្រះវស្សា ព្រមទាំងថវិកា និងទេយ្យវត្ថុចម្រុះជាច្រើនមុខ ប្រគេនដល់ព្រះសង្ឃដែលគង់ចាំព្រះវស្សានៅវត្តចំនួន០២ គឺវត្តព្រែកថ្លឹង និងវត្តកែវមុនី ក្នុងសង្កាត់ព្រែកកំពឹស ខណ្ឌដង្កោ រាជធានីភ្នំពេញ...

1.6K

ភ្នំពេញ នឹងមានរោងចក្រផលិត ទឹកស្អាត មានសមត្ថភាព ផលិតទឹក៥០០០ម៉ែត្រគូប ក្នុង១ថ្ងៃ

ភ្នំពេញ ៖ រាជធានីភ្នំពេញ នឹងមានរោងចក្រផលិត ទឹកស្អាតមួយកន្លែងទៀត មានសមត្ថភាពផលិតទឹកស្អាត បាន៥០០០ម៉ែត្រគូប ក្នុង១ថ្ងៃ ដែលមានទីតាំងលើដីសណ្តស្ទឹងព្រែកត្នោត ភូមិបឹងធំ២ ភូមិបឹងធំ៣ សង្កាត់បឹងធំ ខណ្ឌកំបូល ។ ដើម្បីឲ្យដំណើរការនៃគម្រោងនេះ ទទួលបានភាពជោគជ័យ បំពេញបំណងចង់ បានរបស់ប្រជាពលរដ្ឋ នៅព្រឹកថ្ងៃទី១៣ ខែកក្កដា ឆ្នាំ២០២២ លោក...

1.4K

បញ្ជូនជនជាតិចិន ១១នាក់, គ្រឿងញៀនជិត២តោន និងសារធាតុគីមី ជាង ២៧៦តោន ទៅតុលាការ សម្រេច

ភ្នំពេញ ៖ សមត្ថកិច្ចនគរបាលប្រឆាំង បទល្មើសគ្រឿងញៀន ក្រសួងមហាផ្ទៃ កាលពីព្រឹកថ្ងៃទី ១៣ ខែ កក្ដដា ឆ្នាំ២០២២នេះ បានបញ្ជូនបុរស សង្ស័យជនជាតិចិនចំនួន១១នាក់និងគ្រឿងញៀនជិត២តោន ទៅកាន់អយ្យការអមសាលាដំបូង ដើម្បីចាត់ការ និង សម្រេច តាមផ្លូវច្បាប់ ។ មន្ត្រីនគរបាលប្រឆាំងគ្រឿងញៀន បានអោយដឹងថា: ជនសង្ស័យចិនទាំង១១ នាក់...

1.4K

អតីតទីប្រឹក្សាសន្តិសុខជាតិ របស់អាមេរិក សារភាពថា បានចូលរួមរៀបចំផែនការ ធ្វើរដ្ឋប្រហារនៅបរទេស

បរទេស ៖ អតីតទីប្រឹក្សាសន្តិសុខជាតិ របស់សហរដ្ឋអាមេរិក លោក John Bolton បានកោតសរសើរ ចំពោះការប៉ុនប៉ងបណ្តេញ មេដឹកនាំដែលនៅបរទេស ដោយអះអាងថា លោកបានដើរតួនាទី ក្នុងកិច្ចខិតខំ ប្រឹងប្រែងផ្លាស់ប្តូរ របបមុន ខណៈដែលស្នើឱ្យអតីត ប្រធានាធិបតី Donald Trump ខ្វះការគិតទុកជាមុន ដើម្បីអនុវត្តការទម្លាក់រដ្ឋាភិបាល នៅអាមេរិក។...

1.1K

តុលាការកំពូល ជម្រះបណ្តឹងសារទុក្ខ អតីតសកម្មជន គណបក្សសង្គ្រោះជាតិ ដែលជាប់គុក៣ ឆ្នាំ ៨ ខែ ពាក់ព័ន្ធបទល្មើស ញុះញង់បង្កឱ្យមានភាពវឹកវរ ធ្ងន់ធ្ងរ ដល់សន្តិសុខសង្គម

ភ្នំពេញ: តុលាការកំពូលកាលពីថ្ងៃទី ១៣ ខែ កក្កដា ឆ្នាំ ២០២២ នេះ បានបើកសវនាការជំនុំជម្រះ លើកបណ្តឹងសារទុក្ខ ជនជាប់ចោទ អតីតសកម្មជនគណបក្សសង្គ្រោះម្នាក់ ដែលតុលាការថ្នាក់ក្រោម កាត់ទោស ដាក់ពន្ធនាគារ កំណត់ ១ ឆ្នាំ ៨ ខែ និងពិន័យចំនួន ៨...

1.8K

សិស្ស សាលា ប៊ែលធី អន្តរជាតិ ចំនួន ៩,២៩០នាក់ ចូលរួមប្រកួត កម្មវិធីប្រកួតប្រជែង សំណេរភាសាខ្មែរ លើកទី៦ ឆ្នាំ២០២២

ភ្នំពេញ ៖ សាលា ប៊ែលធី អន្តរជាតិ នារសៀលថ្ងៃទី១២ ខែកក្កដា ឆ្នាំ២០២២ បានរៀបចំកម្មវិធី “ប្រកួតប្រជែង សំណេរភាសាខ្មែរ កម្រិតប៊ែលធី (BELTEI Level) លើកទី៦ ឆ្នាំ២០២២ នៅសាលាប៊ែលធីអន្តរជាតិទី៩ (ស្ទឹងមានជ័យ) សម្រាប់សិស្សចំណេះទូទៅ ថ្នាក់ទី៤ ទី៧ និងទី១០...

1.6K

ចាប់ខ្លួនជនជាតិចិន១១នាក់ រឹបអូសសារធាតុញៀន ជាង១,៨០តោន និងគីមី ជាង២៧៦តោន នៅរាជធានី-ខេត្ត៤ (Video)

ភ្នំពេញ ៖ សមត្ថកិច្ចជំនាញមន្ទីរប្រឆាំងគ្រឿងញៀន បង្ក្រាបករណីកែច្នៃ ផលិតគ្រឿងញៀន ចាប់ខ្លួនជនជាតិចិន ១១នាក់ រឹបអូសសារធាតុញៀនជាង ១,៨០តោន និងសារធាតុគីមី ជាង២៧៦តោន នៅរាជធានីភ្នំពេញ ស្វាយរៀង ព្រៃវែង និងខេត្កកណ្តាល។ នេះបើតាមការចេញផ្សាយ របស់អគ្គស្នងការដ្ឋាន នគរបាលជាតិនាថ្ងៃ១៣ កក្កដា ។ ប្រតិបត្តិការបង្ក្រាប ក្នុងរាជធានី-ខេត្តទាំង៤នេះ...