ព័ត៌មានជាតិ

ឃាត់ខ្លួនបុរសម្នាក់ ពាក់ព័ន្ធអំពើឃាតកម្ម សម្លាប់ឪពុកក្មេក នៅស្រុកបាទី រួចគេចខ្លួន

ភ្នំពេញ ៖ កម្លាំងងសមត្ថកិច្ចនគរបាលព្រហ្មទណ្ឌ នៃ អធិការដ្ឋាន នគរបាលស្រុកបាទី កាលពីថ្ងៃទី ១៨ ខែ វិច្ឆិកា ឆ្នាំ ២០២១ បានឃាត់ខ្លួនបុរសសង្ស័យម្នាក់ បន្ទាប់ពីគាត់បានកាប់ឪពុកក្មេករបស់ខ្លួន ចំនួនមួយកាំបិត ដោយជម្លោះពាក្យសម្ដី និង ស្រវឹងស្រា បណ្តាលអោយជនរងគ្រោះត្រូវស្លាប់ យ៉ាងអាណោចអាធ័ម នៅហ្នឹងកន្លែង រួចរត់គេចខ្លួនបាត់។ អំពីឃាតកម្មនេះ បានកើតឡើង កាលពីវេលាម៉ោង ១៩:៣០នាទី យប់ ថ្ងៃទី១៧ ខែវិច្ឆិកា ឆ្នាំ២០២១ ស្ថិត នៅក្នុងភូមិប្រាសាទ ឃុំក្រាំងលាវ ស្រុកបាទីខេត្តតាកែវ ។ សមត្ថកិច្ចនគរបាលស្រុកបានអោយដឹងថា ជនសង្ស័យ រូបនេះ មានឈ្មោះទួន ឡាច ហៅលិបភេទប្រុស អាយុ ២៧ឆ្នាំ មុខរបរមិនពិតប្រាកដ ។ ចំណែកឯ ជនរងគ្រោះ មាន ឈ្មោះ ម៉េង ហាក់ ភេទប្រុស អាយុ៥៩ឆ្នាំ មុខរបរកសិករ ។ អ្នកទាំង២ គឺ ត្រូវជាឪពុកក្មេក និង កូនប្រុសប្រសារ និង មានទីលំនៅភូមិប្រាសាទ ឃុំក្រាំងលាវ ស្រុកបាទី ខេត្ត តាកែវ ។ សមត្ថកិច្ចនគរបាលបាននិយាយថា យោងតាមសាក្សី នៅមុនពេលកើតហេតុជនសង្ស័យបានស្រាស្រវឹង និង មានទំនាស់ពាក្យសម្តីជាមួយជាឪពុកក្មេក ដែលជាជនរងគ្រោះ។ នៅពេលដែលកំពិងតែឈ្លោះគ្នានោះ, ជនសង្ស័យបានយកកាំបិតផ្គាក់កាប់ទៅលើឪពុកក្មេក ចំនួន មួយកាំបិតចំក ចំហៀងខាងឆ្វេងបណ្ដាលឱ្យរងរបួសជាទម្ងន់ និង ត្រូវក្រោយមក ក៏ត្រូវបានស្លាប់ នៅហ្នឹងកន្លែងកើតហេតុ។ សមត្ថកិច្ចនគរបាលបានបន្ថែមថា បន្ទាប់ពីគាត់ បានកាប់ជនរងគ្រោះ, ជនសង្ស័យ ក៏បានរត់គេចបាត់ ស្រមោលផងដែរ។ ក៏ប៉ុន្តែមួយថ្ងៃក្រោយមក គឺ នៅថ្ងៃទី ១៨ ខែ វិច្ឆិកា សមត្ថកិច្ចនគរបាលបានឃាត់ខ្លួនគាត់។ បច្ចុប្បន្ននេះ ជនសង្ស័យត្រូវបាន សមត្ថកិច្ចនគរបាលស្រុកបញ្ជូនទៅកាន់ស្នងការដ្ឋាននគរបាលខេត្តតាកែវ ដើម្បីកសាងសំណុំរឿង បញ្ជូនទៅកាន់ សាលាដំបូងខេត្តតាកែវ ចាត់ការតាមនីតិវិធី៕ ដោយ រស្មី អាកាស

1.8K

ឃាត់ខ្លួនបុរស ប្រជាការពារម្នាក់ ពាក់ព័ន្ធការនឹងអំពើឃាតកម្ម សម្លាប់យោធិនពិការជើងម្នាក់ នៅសង្កាត់បឹងទំពុន

ភ្នំពេញ ៖ សមត្ថកិច្ចនគរបាលខណ្ឌមានជ័យ កាលពីថ្ងៃទី ១៩ ខែ វិច្ឆិកា ឆ្នាំនេះ បានឃាត់ខ្លួន និង បញ្ជូនខ្លួនជនសង្ស័យម្នាក់ ជាប្រជាការពារ ទៅកាន់សាលាដំបូងរាជធានី ភ្នំពេញ ដើម្បីធ្វើការសាកសួរ និង ចោទប្រកាន់ តាមច្បាប់ ជាប់ពាក់ព័ន្ធនឹងការវ៉ៃ បុរសចំណាស់ម្នាក់ ជាអតីតយោធិនពិការ និង ជាប្រជាការពារ ដោយជម្លោះពាក្យសម្តីគ្នា និង ស្រវឹងស្រា បណ្តាលអោយជនរងគ្រោះត្រូវស្លាប់ ប្រព្រឹត្ត នៅក្នុងសាលាសង្កាត់បឹងទំពន់ទី២ ស្ថិតក្នុងសង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ កាលពីវេលាម៉ោង ៨យប់ថ្ងៃទី ១៧ ខែវិច្ឆិកា ឆ្នាំ ២០២១។ សមត្ថកិច្ចនគរបាលខណ្ឌមានជ័យ បានអោយដឹងថា ជនសង្ស័យ រូបនេះមានឈ្មោះ ហេង សារ៉េត ភេទប្រុស អាយុ ៦២ឆ្នាំ មានទីលំនៅផ្ទះលេខ ២០៤ តាមបណ្តោយផ្លូវ ៣៧១ ក្នុងភូមិក្បាលទំនប់ ២ សង្កាត់បឹងទំពន់ ២ ខណ្ឌមានជ័យ រាជធានីភ្នំពេញ។ ចំណែកឯ ជនរងគ្រោះមានឈ្មោះ អេម វន ភេទប្រុស អាយុ ៧១ឆ្នាំ មានទីលំនៅផ្ទះលេខ ២១៨ ស្ថិតតាមបណ្តោយផ្លូវលេខ ៣៧១ក្នុងភូមិព្រែកតាគង់ ១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ( ជាជនពិការជើងស្តាំ)។ ជនសង្ស័យ និង ជនរងគ្រោះ គឺ ជាប្រជាការពារសង្កាត់ជាមួយគ្នា និង មានទីលំនៅ នៅក្នុងសង្កាត់ជាមួយគ្នា ផងដែរ។ សមត្ថកិច្ចនគរបាលបាននិយាយថា ជនសង្ស័យត្រូវបានជាប់ចោទពីបទ ឃាតកម្ម និង ឥឡូវនេះ ត្រូវបានបញ្ជូនខ្លួទៅកាន់តុលាការ ដើម្បីចាត់ការតាមនីតិវិធីច្បាប់ ។ ចំណែកឯ សពជនរងគ្រោះ ត្រូវបានសមត្ថកិច្ចនគរបាល ប្រគល់អោយទៅ សាច់ញាតិជនរងគ្រោះ ដើម្បីយកទៅធ្វើបុណ្យតាមប្រពៃណីខ្មែរ៕ ដោយ រស្មី អាកាស

1.6K

អុំទូកព្រៃស្នូល ផ្សាភ្ជាប់អាជ្ញាធរនិងប្រជាពលរដ្ឋ កាន់តែជិតស្និទ (Video)

ភ្នំពេញ៖ ប្រជាពលរដ្ឋ អ្នកភូមិព្រៃស្នួល និងលោក មេភូមិ មុឹង អ៊ុក បានថ្លែងអំណរគុណ លោក កេត ម៉ៅ អភិបាលស្រុកសំរោង លោក លោក កឹម ពន្លក មេឃុំរវៀង និងលោក ជា អូន រដ្ឋលេខាធិការ អាកាសចរណ៏ស៊ីវិល...

2.2K

វិវាទដ៏ស្មុគស្មាញរវាងលោក កង សារ៉ន ហៅ គួក ដែលជាឪពុកយុវតីគរថ្លង់ និងលោក ជា ថន ហៅ ម៉ៅ ត្រូវបានដោះស្រាយបញ្ចប់ដោយលោក ដួង តារា

ភ្នំពេញ៖ គោលនយោបាយដោះស្រាយឈ្នះឈ្នះ របស់សម្តេចតេជោ បានធ្វើឲ្យវិវាទដែលធ្លាប់តែហែកហួរគ្នា រវាងលោក កង សារ៉ន ដែលជាឪពុករបស់យុវតីគរថ្លង់ សេង ចន្ថា និង លោកជា ថន ហៅ ម៉ៅ ត្រូវបានបញ្ចប់ទាំងស្រុងនៅល្ងាចថ្ងៃ ទី១៧ ខែវិច្ឆិកា ឆ្នាំ២០២១ ក្រោមការដោះស្រាយដ៏ឈ្លាសវៃរបស់លោក ដួង តារា...

2.2K

ថ្ងៃទី១ នៃពិធីបុណ្យអុំទូក មានភ្ញៀវទេសចរ ដើរកម្សាន្ត ជាង១៣ម៉ឺននាក់

ភ្នំពេញ ៖ ក្រសួងទេសចរណ៍ បានឲ្យដឹងថា ថ្ងៃឈប់សម្រាកទី១ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅទូទាំងប្រទេសកម្ពុជា មានភ្ញៀវទេសចរ ចេញដើរលេងកម្សាន្ត ចំនួន១៣២,០១៣នាក់ ក្នុងនោះ មានភ្ញៀវជាតិ ចំនួន១៣០,០០២នាក់ និងភ្ញៀវបរទេសផ្ទៃក្នុង ចំនួន២,០១១នាក់។ តាមរយៈ គេហទំព័រហ្វេសប៊ុករបស់ ក្រសួងទេសចរណ៍ នាថ្ងៃទី១៩...

5.1K

រដ្ឋមន្ដ្រីសុខាភិបាល ណែនាំប្រុងប្រយ័ត្ន ចំពោះអាកាសចុះត្រជាក់ បង្កឲ្យមានជំងឺផ្សេងៗ ឬឆ្លងឡើងវិញនូវជំងឺកូវីដ

ភ្នំពេញ ៖ លោក ម៉ម ប៊ុនហេង រដ្ឋមន្ដ្រីក្រសួងសុខាភិបាល បានណែនាំប្រជាពលរដ្ឋប្រុងប្រយ័ត្នចំពោះអាកាសចុះត្រជាក់ បង្កឲ្យមានជំងឺផ្សេង ឬឆ្លងឡើងវិញនូវជំងឺកូវីដ-១៩ ជាយថាហេតុ ដែលបណ្ដាប្រទេសមួយចំនួន ជួបប្រទះរួចទៅហើយ។ តាមសេចក្ដីជូនព័ត៌មានរបស់ ក្រសួងសុខាភិបាល នាថ្ងៃទី១៨ វិច្ឆិកា លោក ម៉ម ប៊ុនហេង បានបញ្ជាក់ថា «ក្នុងចំណោមជំងឺតាមរដូវកាល ដែលជួបប្រទះញឹកញាប់...

2.6K

តើនៅកម្ពុជា មានបទចម្រៀង ក្រោមចំណងជើងថា ស្រក់ទឹកភ្នែកតែមិនយំ ហើយឬនៅ?

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានថ្លែងថា នៅប្រទេសកម្ពុជា តើមានបទចម្រៀង មានចំណងជើង «ស្រក់ទឹកភ្នែកតែមិនយំ» ហើយឬនៅ? បើមិនទាន់មានទេសូមជួយ និពន្ធមួយបទផង។ តាមរយៈគេហទំព័រហ្វេសប៊ុក នាព្រឹកថ្ងៃទី១៩ ខែវិច្ឆិកា ឆ្នាំ២០២១ សម្ដេចតេជោ ហ៊ុន សែន មានប្រសាសន៍ថា...

2.8K

អាស៊ាន មានតួនាទីសំខាន់ ក្នុងការជួយមីយ៉ាន់ម៉ា ស្វែងរកវិធីសាស្រ្តដោះស្រាយវិបត្តិ ដោយសន្តិវិធី

ភ្នំពេញ៖ ក្នុងជួបសន្ទនាគ្នាតាមទូរស័ព្ទ នាថ្ងៃទី១៨ វិច្ឆកានេះ លោក ប្រាក់ សុខុន ឧបនាយករដ្ឋមន្ត្រី រដ្ឋមន្រ្តីការបរទេសកម្ពុជា និងលោក HAYASHI Yoshimasa រដ្ឋមន្ត្រីក្រសួងការបរទេសជប៉ុន បានពិភាក្សាយ៉ាងច្រើន ពីស្ថានការណ៍ក្នុងប្រទេសមីយ៉ាន់ម៉ា និងមានទស្សនៈដូចគ្នាថា អាស៊ានមានតួនាទីសំខាន់ ក្នុងការជួយមីយ៉ាន់ម៉ា ស្វែងរកវិធីសាស្រ្តដោះស្រាយវិបត្តិ ដោយសន្តិវិធី ។ យោងតាមសេចក្តីប្រកាសព័ត៌មាន របស់ក្រសួងការបរទេសខ្មែរ បានឲ្យដឹងថា ក្នុងជំនួបនោះដែរលោក ប្រាក់ សុខុន បានថ្លែងអំណរគុណ ដល់ប្រទេសជប៉ុន ដែលបានបន្តជួយដល់ការ អភិវឌ្ឍសេដ្ឋកិច្ចសង្គម របស់កម្ពុជា និងផ្តល់ការគាំទ្រដល់កិច្ចខិតខំ ប្រឹងប្រែងរបស់កម្ពុជា ដើម្បីឆ្លើយតបនឹងជំងឺរាតត្បាតកូវីត-១៩ រួមទាំងតាមរយៈការ ផ្តល់ឧបករណ៍ពេទ្យ និងវ៉ាក់សាំង។ រដ្ឋមន្ត្រីការបរទេសទាំងពីរ បានកត់សម្គាល់ដោយ ការពេញចិត្តចំពោះការរីកលូតលាស់ នៃទំនាក់ទំនងមិត្តភាព និងកិច្ចសហប្រតិបត្តិការរវាងជប៉ុន និងកម្ពុជា ហើយបានឯកភាពគ្នាថា ឆ្នាំ២០២៣ គឺជាពេលវេលាដ៏សំខាន់ សម្រាប់អបអរសាទរខួបអនុស្សាវរីយ៍ លើកទី៧០ នៃទំនាក់ទំនងផ្លូវការរវាងប្រជាជាតិទាំងពីរ។ ថ្នាក់ដឹកនាំទាំងពីរបានផ្លាស់ប្តូរយោបល់គ្នាលើវិស័យនានា នៃកិច្ចសហប្រតិបត្តិការទ្វេភាគី ដែលរួមមានការអភិវឌ្ឍកំពង់ផែ សមុទ្រក្រុងព្រះសីហនុ ការសម្រួលដល់ការ ផ្លាស់ប្តូរពាណិជ្ជកម្ម និងសេដ្ឋកិច្ច ការស្តារឡើងវិញនូវទំនាក់ទំនងរវាងប្រជាជន និងប្រជាជន បន្ទាប់ពីការបន្ធូរបន្ថយការរឹតបន្តឹង វិធានការទប់ស្កាត់ជំងឺកូវីដ-១៩។ ក្នុងវិស័យនយោបាយ-សន្តិសុខ លោក HAYASHI Yoshimasa បានកោតសរសើរចំពោះ ការរួមចំណែករបស់កម្ពុជាក្នុងការរួមចំណែក ដល់ថែរក្សាសន្តិភាពអន្តរជាតិ និងបានសន្យាថា នឹងគាំទ្រកម្ពុជាបន្ថែមទៀត នៅក្នុងកិច្ចខិតខំប្រឹងប្រែងនេះ។ ឧបនាយករដ្ឋមន្ត្រី ប្រាក់ សុខុន បានថ្លែងអំណរគុណចំពោះប្រទេសជប៉ុន ដែលបានផ្តល់ការគាំទ្រ លើការកសាងសមត្ថភាពដល់កងរក្សាសន្តិភាពរបស់កម្ពុជា និងបានយល់ស្របជាមួយលោក HAYASHI Yoshimasa ថា ប្រទេសទាំងពីរគួរបន្តដំណើរការផ្លាស់ប្តូរ ទស្សនកិច្ចឡើងវិញ និងពង្រីកកិច្ចសហប្រតិបត្តិការបន្ថែមទៀត ជាពិសេសក្នុងការថែរក្សាសន្តិភាព។ ថ្នាក់ដឹកនាំទាំងពីរ បានសម្តែងការពេញចិត្តចំពោះការពិគ្រោះ យោបល់កម្រិតខ្ពស់ និងសកម្ម ដែលកំពុងបន្តអនុវត្តរវាង ក្រសួងការបរទេសទាំងពីរ ស្តីពីកិច្ចសហប្រតិបត្តិការទ្វេភាគី រួមទាំងការលើការកម្ពស់ សិទ្ធិមនុស្សនៅកម្ពុជាផងដែរ។ លោក ប្រាក់ សុខុន បានថ្លែងអំណរគុណ ចំពោះជំនួយរបស់ជប៉ុន និងការអះអាងគាំទ្រឲ្យបាន ជោគជ័យនូវតួនាទី ជាប្រធានអាស៊ានរបស់កម្ពុជា ក្នុងឆ្នាំ២០២២។ លោកឧបនាយករដ្ឋមន្រ្តី បានបញ្ជាក់ជាថ្មី ពីការគាំទ្រយ៉ាងពេញទំហឹង ចំពោះការរៀបចំ កិច្ចប្រជុំកំពូល ពិសេសអាស៊ាន-ជប៉ុន ដើម្បីរំលឹកខួបអនុស្សាវរីយ៍លើកទី៥០ នៃទំនាក់ទំនងកិច្ចសន្ទនាអាស៊ាន-ជប៉ុន ក្នុងឆ្នាំ២០២៣ នៅប្រទេសជប៉ុន។ លោក ប្រាក់ សុខុន និងលោក HAYASHI Yoshimasa បានពិភាក្សាយ៉ាងច្រើនអំពី ស្ថានការណ៍ក្នុងប្រទេសមីយ៉ាន់ម៉ា និងមានទស្សនៈដូចគ្នាថា “អាស៊ានមានតួនាទីសំខាន់...

3.6K

ការបញ្ចប់វិវាទរវាងលោក អ៊ូ អ៊ួយមិញ និងប្រធានកំពង់ផែភ្នំពេញដោយឈរលើគោលនយោបាយឈ្នះៗសម្តេចតេជោ តាមរយៈលោក ដួង តារា គឺធ្វើឲ្យវិនិយោគិន កាន់តែមានភាពកក់ក្តៅក្នុងការវិនិយោគនៅកម្ពុជា

ភ្នំពេញ៖ គោលនយោបាយឈ្នះៗរបស់សម្តេចតេជោ បានធ្វើឲ្យវិវាទរយៈពេលច្រើនឆ្នាំ រវាងអ្នកវិនិយោគចិនលោក អ៊ូ អ៊ួយមិញដែលបានធ្វើការវិនិយោគលើកំពង់ផែភ្នំពេញ ជាមួយនិងលោក ហ៊ី បាវី (ប្រធានកំពង់ផែភ្នំពេញ) ត្រូវបានបញ្ចប់ដោយស្នាមញញឹមនិងពេញចិត្តក្នុងការទទួល យកការសម្របសម្រួលក្រោមគោលនយោបាយឈ្នះៗសម្តេចតេជោ។ សូមបញ្ជាក់ថាដោយលោក អ៊ូ អ៊ួយមិញ មានបទ ពិសោធន៍ការងារអភិវឌ្ឍន៍កំពង់ផែនៅប្រទេសចិន លោកប្រាប់ថាតាមការអំពាវនាវនិងចង្អុលបង្ហាញរបស់សម្តេចពេលអញ្ជើញទៅប្រទេសចិនក្នុងឆ្នាំ ២០១១ គាត់បានសម្រេចចិត្តចុះមកប្រទេសកម្ពុជានៅឆ្នាំ២០១២ ដោយមានទំនាក់ទំនងល្អជាមូយ ឯកឧត្តម ហ៊ី បាវី ប្រធានកំពង់ផែភ្នំពេញ។ នៅឆ្នាំ ២០១៤ លោក អ៊ូ អ៊ួយមិញ បានចូលសញ្ជាតិកម្ពុជាព្រោះចង់មានឱកាសពេញលេញចូលរួមអភិវឌ្ឍន៍កំពង់ផែកម្ពុជា។ លោក អ៊ូ អ៊ួយមិញ ក៏បានអញ្ជើញ លោក ហ៊ី បាវី ទៅទស្សនៈកិច្ចនៅកំពង់ផែចិនទៀតផង។ បន្ទាប់មកភាគីទាំងពីរក៏បានចុះកិច្ចព្រមព្រៀងសហប្រតិបត្តិការលើការពង្រីកកំពង់ផែនៅថ្ងៃទី ១០ មករា ឆ្នាំ២០១៤។ ពេលនោះ លោក ហ៊ី បាវី បានណែនាំភាគីចិនអោយទិញដីមួយចំនួននៅក្នុងគម្រោងពង្រីកផែ។ នៅថ្ងៃទី ៥ ធ្នូ ២០១២ លោក អ៊ូ អ៊ួយមិញ បានចុះកិច្ចសន្យាទិញដី ៥៨ហិកតា (ប្លង់រឹង) នៅក្នុងទីតាំងគម្រោងអភិវឌ្ឍន៍កំពង់ផែ។ បន្ទាប់មកក៏មាន សជណលេខ ២៣ឧស ចុះថ្ងៃទី ៦ មករា ២០១៧ និរាករណ៍ចោលរួមទាំងដីលោក អ៊ូ អ៊ួយមិញ ទាំងអស់។ ទន្ទឹមនោះលោក អ៊ូ អ៊ួយ មិញ ក៏បានទិញដី៦ហិកតាផ្សេងទៀតនៅជិតផែភ្នំពេញ (ប្លង់រឹង) ក៏មានវិវាទតាមផ្លូវតុលាការជាមួយអ្នកផ្សេង ទៀតដែលរំលោភបំពានមកលើរូបគាត់។ សរុបទឹកប្រាក់ដែលគាត់បានចំណាយទិញដីគឺប្រមាណជាង៦លានដុល្លារ។ លោក អ៊ូ អ៊ួយមិញ បានព្យាយាមសុំ លោក ហ៊ី បាវី អោយជួយដោះស្រាយអស់រយៈពេលជាង៥ឆ្នាំមកនេះ ប៉ុន្តែពុំទទួលបានលទ្ធផល។ ទើបថ្ងៃទី ៤ សីហា ២០២១ គាត់បានដាក់លិខិតគោរពសុំអន្តរាគមន៍មកសម្តេច។ លោក ដួង តារា បានខិតខំសម្របសម្រួលជាមួយលោក ហ៊ី បាវី អស់រយៈពេលជិត៣ខែ ទើបថ្ងៃនេះ គាត់បានយល់ព្រមកាត់ដី(ឈ្មោះគាត់) ចំនួន ៣៦ ហិកតានៅ ភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល ជូនទៅភាគីចិនដើម្បីបញ្ចប់វិវាទ ដែលភាគីទាំងពីរបានផ្តិតមេដៃបញ្ចប់វិវាទទាំងស្រុងក្រោមការសម្របសម្រួលរបស់លោក។ វិវាទនេះបានបញ្ចប់ទាំងស្រុង នៅរសៀលថ្ងៃទី១៧ ខែវិច្ឆិកា ឆ្នាំ២០២១ នៅសណ្ឋាគារ Hyatt Regency Phnom Penh ប្រកបដោយដោយស្នាមញញឹម ការពេញចិត្ត ទទួលយកការដោះស្រាយតាមគោលនយោបាយឈ្នះៗ ក្រៅប្រព័ន្ធតុលាការ ដោយមិនមានការប្តឹងផ្តល់ទាមទារអ្វីបន្តទៀតនោះទេ។ ក្នុងនោះផងដែរ លោក អ៊ូ អ៊ួយមិញ សូមអរគុណយ៉ាងជ្រាលជ្រៅចំពោះសម្តេចតេជោដែលបានខិតខំដោះស្រាយវិវាទនេះ ហើយលោកបានសន្យាថា លោកនឹងបន្តកៀងគរអ្នកវិនិយោគចិន ដើម្បីការអភិវឌ្ឍន៍ប្រទេសកម្ពុជាឲ្យកាន់តែមានការរីកចម្រើន។ ចំណែកលោក ដួង តារា ក៏បានអរគុណដល់ភាគីទាំងពីរ ដែលបានព្រមព្រៀង-ឯកភាពគ្នាបញ្ចប់វិវាទដោយស្នាមញញឹម និង បន្តការរាប់អានគ្នាតទៅមុខ និង ចាប់ដៃគ្នាក្នុងការកៀងគរអ្នកវិនិយោគដើម្បីធ្វើការវិនិយោគនៅក្នុងប្រទេសកម្ពុជា ហើយការដោះស្រាយបញ្ចប់វិវាទនេះ គឺក្នុងគោលបំណងដើម្បីផ្តល់ភាពកក់ក្តៅដល់អ្នកវិនិ យោគចិន និង អ្នកវិនិយោគនៅបណ្ដាប្រទេសផ្សេងៗទៀតសូមឲ្យមានការជឿទុកចិត្តលើប្រទេសកម្ពុជា និង អ្នកកំពុងវិនិយោគនៅប្រទេសកម្ពុជាសូមកុំមានការព្រួយបារម្ភ ហើយបើសិនជាមានបញ្ហាអ្វី សម្តេចតេជោនាយករដ្ឋមន្ត្រី និងដោះស្រាយជូនអ្នកវិនិយោគទាំងអស់ ដោយមិនមានការរើសអើងឡើយ។ លោក ដួង តារា ក៏ស្នើស៉ំឲ្យប្រជាពលរដ្ឋ-អ្នកវិនិយោគចេះស្រលាញរាប់អានគ្នា ដោយគ្មានការរើសអើង និងចែករំលែកក្តីស្រលាញ់ស្នាមញញឹមចំពោះគ្នាទៅវិញទៅមក យើងចូលរួមសាងអំពើល្អទាំងអស់គ្នា៕ (ហ្វេសប៊ុកផេក Duong Dara)

2.8K

ផ្តន្ទាទោសជនជាប់ចោទ គ្រឿងញៀន ប្រុស-ស្រី ដាក់គុកក្នុងម្នាក់ៗ ពី២ ទៅ១០ ឆ្នាំ

ភ្នំពេញ: សាលាដំបូងរាជធានីភ្នំពេញ កាលពីថ្ងៃទី១៧ ខែវិច្ឆិកា ឆ្នាំ២០២១ បានប្រកាសសាលក្រម និងផ្តន្ទាទោស បុរសជាប់ចោទម្នាក់ និង ស្ត្រីជាប់ចោទ២នាក់ទៀត ជាគូកន ដោយដាក់គុក ក្នុងម្នាក់ៗកំណត់ពី២ឆ្នាំ រហូតដល់១០ឆ្នាំ ជាប់ពាក់ព័ន្ធនឹងការប្រើប្រាស់រក្សាទុក និងជួញដូរគ្រឿង ប្រមាណកន្លះ គីឡូក្រាម ប្រព្រឹត្ត កាលពីថ្ងៃទី២៩ ខែមីនា ឆ្នាំ២០១៧...