ព័ត៌មានជាតិ

កងពលតូចលេខ៧០ ប្រារព្ធពិធីខួបអនុស្សាវរីយ៍ លើកទី២៦ ថ្ងៃបង្កើតកងពល

ភ្នំពេញ: លោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការ កងពលតូចលេខ៧០ នាថ្ងៃទី៥វិច្ឆិកា ឆ្នាំ២០២០នេះ បានជួបពិធីសំណេះសំណាល ជាមួយមេបញ្ជាការរង នាយទាហាន នាយទាហានរង និងពលទាហាន នាទីបញ្ជាការកងពល(ចោមចៅ) ក្នុងឱកាស ប្រារព្ធពិធី រំលឹកខួបអនុស្សាវរីយ៍ លើកទី២៦ ថ្ងៃបង្កើតកងពល ១៥តុលា ១៩៩៤-១៥តុលា២០២០ ។ នាឱកាសនេះ លោកឧត្តមសេនីយ៍ បានមានប្រសាសន៍ថា ការរីកចម្រើនរបស់កងពល គឺការកសាងហេដ្ឋារចនាសម្ព័ន ផ្លូវថ្នល់ ការជួយសង្គ្រោះប្រជាពលរដ្ឋ ទប់ស្កាត់ គ្រោះមហន្តរាយ មណ្ឌលសុខភាព ការជួយព្យាបាលប្រជាជនដោយមិនគិតថ្លៃ។ លោកបានបន្ថែមទៀតថា ទោះបីជាយ៉ាងណាក៏ដោយ កងពលបានប្តេជ្ញា ការពារបូរណភាពទឹកដី ការពាររដ្ឋធម្មនុញ្ញ ការពាររាជរដ្ឋាភិបាល ស្របច្បាប់ និងគាំទ្រយ៉ាងមុឺងម៉ាត់ ចំពោះគោលជំហរ របស់រាជរដ្ឋាភិបាល ដែលមាន សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលជាអ្នកដឹកនាំប្រទេស។ ជាពិសេស សម្រាប់ទិសដៅ ឆ្នាំ២០២១ កងពលមានផែនការបន្ថែម លេីការហ្វឹកហ្វឺន ដេីម្បីបង្កេីននូវ សមត្ថភាពដល់នាយទាហាននាយទាហានរង និងពលទាហានជំនាន់ក្រោយ ដែលជាយោធិនវ័យក្មេង បន្តវេនទៅខាងមុខទៀតផង។ កងពលបានត្រៀមខ្លួនជាស្រេច អនុវត្តដាច់ខាត នូវបទបញ្ជារបស់ប្រមុខ រាជរដ្ឋាភិបាល ក្រសួងការពារជាតិ អគ្គបញ្ជាការនៃកងយោធពល ខេមរភូមិន្ទ និងបញ្ជាការដ្ឋាន ទ័ពជេីងគោក។ កងពលតូចលេខ៧០ សម្រេចបាន រហូតមកទល់នឹងបច្ចុប្បន្ននេះ គឺអាស្រ័យដោយសារការខិតខំ ប្រឹងប្រែងតស៊ូ លះបង់ពុំខ្លាចនឿយហត់ និងការធ្វើពលិកម្ម គ្រប់បែបយ៉ាងប្រកបដោយការគោរពវិន័យ ការគោរពបទបញ្ជា សាមគ្គីឯកភាពគ្នាជាធ្លុងមួយ គួបផ្សំនឹងស្មារតី ទទួលខុសត្រូវខ្ពស់របស់មេបញ្ជាការ គ្រប់ថ្នាក់ក្នុង ការបែងចែក និងចាត់ចែងអនុវត្តការងារ ប្រកបដោយជោគជ័យក្នុងរយៈពេលកន្លងមក។ សូមរំលឹក ដោយការខកខាន ពុំបានប្រារព្ធពិធីខួប ចំពេលវេលា ដោយមូលហេតុ កំពុងបំពេញកាតព្វកិច្ចជួយសង្គ្រោះ ប្រជាពលរដ្ឋដែលជាភារកិច្ចចាំបាច់ ក្នុងពេលដែលប្រទេសកម្ពុជា កំពុងរងគ្រោះដោយសារទឹកជំនន់ ។ កម្លាំងសង្គ្រោះរបស់កងពល បានបំពេញតួនាទីជម្លៀសប្រជាជន សត្វពាហនៈ រកទីទួលសុវត្ថិភាពផង ដឹកជញ្ជូនពួកគេនិងសម្ភារៈ ត្រឡប់ទៅលំនៅដ្ឋាន ពេលទឹកស្រកផងចុះព្យាបាល និងចែកថ្នាំផង និងដុសលាងសំអាតផ្ទះ ថ្នល់ជូនប្រជាពលរដ្ឋវិញផង ។ ជាក់ស្តែងកងពលតូចលេខ៧០ ក៏បានដើរតួនាទីយ៉ាងសំខាន់ ក្នុងការចូលរួម ទប់ស្កាត់ការរីករាលនៃមេរោគ covid19នេះ តាមរយៈការចុះបាញ់ថ្នាំ សម្លាប់មេរោគតាមបណ្តាអង្គភាពទ័ពនិងស៊ីវិល ព្រមទាំងបាញ់ថ្នាំជូនប្រជាពលរដ្ឋជាអាជីវករ តាមផ្សារក្នុងរាជធានីភ្នំពេញ ។ ជាក់ស្តែងកាលពីពេលថ្មីៗនេះ ក្រោមបទបញ្ជាផ្ទាល់ ពី លោក ហ៊ុន ម៉ាណែត យើងបានបាញ់ថ្នាំសម្លាប់មេរោគនៅក្នុងអគារ ធ្វើការនៃទីស្តីការគណរដ្ឋមន្ត្រី ក្រោយពីរដ្ឋមន្ត្រីហុងគ្រីដែល មានជំនួបជាមួយថ្នាក់ដឹកនាំ មួយចំនួននៅទីនោះ បានចាកចេញពីកម្ពុជា និងត្រូវបានធ្វើតេស្តរកឃើញថា មានផ្ទុកមេរោគកូវីដ១៩ នៅទីក្រុងបាងកក ដោយមន្ត្រីចត្តាឡីស័ក ។ តាមរយៈ កងប្រតិបត្តិការរុករកននិងសង្គ្រោះ គ្រោះមហន្តរាយ៧១១ ។ ជាពិសេសកងពល នៅតែបន្តរឹតបន្តឹងការពារ ជំងឺកូវីដ១៩ អោយយោធិនទាំងអស់ ធ្វេីអនាម័យ វាស់កម្តៅ និងបាញ់អាល់កុលជាប្រចាំ។ សូមជម្រាបថា កងពលតូចលេខ៧០ គឺបង្កើតឡើងនៅថ្ងៃទី១៥ តុលា ឆ្នាំ ១៩៩៤ ដែលដំបូងឡើយ គឺមានឈ្មោះថា វរសេនាតូចលេខ៧១ បន្ទាប់មកបានប្រែក្លាយទៅជា វរសេនាធំលេខ៧០ មកដល់បច្ចុប្បន្ន ទើបក្លាយជាកងពលតូចលេខ៧០៕

959

សមត្ថកិច្ចនគរបាលក្រុងស្វាយរៀង បង្ក្រាបចោរលួចម៉ូតូម្នាក់ នៅក្រុងស្វាយរៀង

ស្វាយរៀង ៖ សមត្ថកិច្ចនគរបាលក្រុងស្វាយរៀង បានធ្វើការចុះបង្ក្រាបជនសង្ស័យ លួចម៉ូតូរបស់ប្រជាពលរដ្ឋ នៅត្រង់ចំណុច ភូមិវាលយន្ត សង្កាត់ស្វាយរៀង ក្រុងស្វាយរៀង ចាប់ឃាត់ខ្លួនបានម្នាក់ ដើម្បីយកមកសាកសួរ។ សមត្ថកិច្ចនគរបាលក្រុងស្វាយរៀង បានឲ្យដឹងថា មានករណីលួចម៉ូតូមួយ កើតឡើងព្រឹកថ្ងៃទី០៥ ខែវិច្ឆិកា ឆ្នាំ២០២០វេលាម៉ោង ០៧ និង ០០នាទី បង្កដោយជនសង្ស័យម្នាក់ ឈ្មោះ...

1.6K

ម្តាយបញ្ចប់ជីវិត យកខ្សែចងកកូននិងខ្លួនឯង ស្លាប់ទាំងពីរនាក់ នៅស្រុករមាសហែក ខេត្តស្វាយរៀង

ស្វាយរៀង៖ មានករណីធ្វើអត្តឃាត ដោយម្ដាយយកខ្សែចងកកូន រួចចងកសម្លាប់ខ្លួនឯងតាមក្រោយ ស្លាប់យ៉ាងអាណោចអាធ័ម នៅភូមិក្រសាំង ឃុំក្រសាំង ស្រុករមាសហែក ខេត្តស្វាយរៀង កាលពីយប់ថ្ងៃទី ៥ ខែវិច្ឆិកា ឆ្នាំ២០២០ នៅចំណុចផ្ទះម្ដាយរបស់ខ្លួន។ បើតាមនគរបាលស្រុករមាសហែក បានឲ្យដឹងថា មានករណីធ្វើអត្តឃាត ចងកស្លាប់ទាំងម្ដាយទាំងកូន នៅផ្ទះឈ្មោះ មាស ចន្ថា ភេទស្រី...

1.2K

រាជរដ្ឋាភិបាល កំពុងប្រែក្លាយ តំបន់ការពារធម្មជាតិខ្លះ ទៅជាទេសចរណ៍ធម្មជាតិ

ភ្នំពេញ ៖ លោកនេត្រ ភត្ត្រា រដ្ឋលេខាធិការនិងជាអ្នកនាំពាក្យក្រសួងបរិស្ថានបានលើកឡើងថា រាជរដ្ឋាភិបាលកម្ពុជា មានគោលនយោបាយ ប្រែក្លាយទីតាំងមួយចំនួនក្នុងតំបន់ការពារធម្មជាតិខ្លះ ដែលមានសក្តានុពលទេសចរណ៍ ឲ្យទៅជាតំបន់ទេសចរណ៍ធម្មជាតិ ដើម្បីបង្កើនសេដ្ឋកិច្ច សម្រាប់សហគមន៍មូលដ្ឋាន ក៏ដូចជាចូលរួមអភិវឌ្ឍកំណើន សេដ្ឋកិច្ចជាតិ ។ តាមរយ:ប្រព័ន្ធតេឡេក្រាម នៅថ្ងៃទី៥ ខែវិច្ឆិកា ឆ្នាំ២០២០ លោកនេត្រ ភត្រ្តា បានថ្លែងថា”...

1.5K

អាជ្ញាធរខេត្ត ដឹកនាំក្រុមការងារ ចុះពិនិត្យស្ថានភាពអគ្គិភ័យ ឆាបឆេះផ្សារកំពង់ពពិល នៅស្រុកពារាំង ខេត្តព្រៃវែង

ព្រៃវែង៖ នៅព្រឹកថ្ងៃទី ៥ ខែវិច្ឆិកា ឆ្នាំ២០២០ អាជ្ញាធរខេត្ត ដែលដឹកនាំដោយ លោក សួនសុម៉ាលីន អភិបាលស្ដីទី អភិបាលខេត្តព្រៃវែង ដំណាងដ៏ខ្ពង់ខ្ពស់ លោក ជា សុមេធី អភិបាលខេត្ត រួមជាមួយលោក សុខ ផេង អនុប្រធានអចិន្ត្រៃយ៍ គណៈកម្មាធិការ សាខាកាកបាទក្រហមកម្ពុជាខេត្ត...

1.3K

ស្នងការ នគរបាលខេត្តកោះកុង បើកការហ្វឹកហ្វឺន ដល់កម្លាំងអន្តរគមន៍ពិសេស ក្នុងវិធានការបង្ក្រាប រាល់បទល្មើសទៅលើជនសង្ស័យ

កោះកុង : ស្នងការដ្ឋាននគរខេត្តកោះកុង នៅថ្ងៃទី៥ ខែវិច្ឆិកា ឆ្នាំ២០២០ ឧត្តមសេនីយ៍ទោ គង់ មនោ ស្នងការនគរបាលខេត្តកោះកុង បានបើកយុទ្ធនាការហ្វឹកហ្វឺន អនុវត្តន៍ជាក់ស្តែង ដល់កងកម្លាំងអន្តរាគមន៍ពិសេស នៃកងកម្លាំងនគរបាលជាតិខេត្តកោះកុង ដើម្បីពង្រឹងសមត្ថភាព ឲ្យកាន់តែមានប្រសិទ្ធិភាព ក្នុងការបង្រ្កាប់ជនល្មើស ដែលបង្កឡើង ឬភេវកម្មផ្សេងៗ ដែលអាចកើតមានឡើង។ ឧត្តមសេនីយ៍ទោ គង់...

921

នគរបាលខេត្តស្វាយរៀង ឃាត់ខ្លួនកូនប្រុសតិរច្ឆាន ដែលយកអង្រែបុកគ្រឿង វាយម្តាយរហូតដល់ស្លាប់បានហើយ

ស្វាយរៀង៖មានករណីឃាតកម្ម បង្កឡើងដោយជនសង្ស័យ ឈ្មោះ យឹម ធី ភេទប្រុស អាយុ ២៩ឆ្នាំ ត្រូវជាកូន ក្រោយផឹកស្រាស្រវឹង បានឈ្លោះប្រកែកគ្នាជាមួយម្តាយ និងឈានដល់យកអង្រែបុកគ្រឿង វាយសំពងទៅលើម្តាយឈ្មោះ យិន រី ភេទស្រី អាយុ ៦៩ឆ្នាំ ចំក្បាល បណ្តាលអោយបែក ដេកស្លាប់ភ្លាមៗនៅកន្លែងកើតហេតុ នាយប់ថ្ងៃទី០៤...

2.2K

អ្នកស្រាវជ្រាវ ៖ បារីនាំចូលជាច្រើន មិនមានបិទតែមប្រិ៍ពន្ធ

ភ្នំពេញ ៖ យោងតាមលទ្ធផល អ្នកស្រាវជ្រាវ ដេប៉ាតឺម៉ង់ចិត្តវិទ្យា នៃសាកលវិទ្យាល័យភូមិន្ទភ្នំពេញ កាលពីដើមឆ្នាំ ២០២០ អំពីការត្រួតពិនិត្យផលិតផលថ្នាំ ជក់នៅកម្ពុជា បានបញ្ជាក់ថា ២៨%នៃបារីនាំចូលទាំងអស់ ដែលកំពុងដាក់លក់នៅលើទីផ្សារ នៅកម្ពុជា មិនមានបិទតែមប្រិ៍ពន្ធ របស់អគ្គនាយកដ្ឋានគយ និងរដ្ឋាករ ហើយបារីទាំងនោះ មានបារីម៉ាក ESSE Hero Oris...

849

គណៈបញ្ជាការ ឯកភាពរាជធានី បន្តពង្រឹងលើការបង្ក្រាប ល្បែងស៊ីសង គ្រប់ប្រភេទ នៅក្នុងមូលដ្ឋាន

ភ្នំពេញ ៖ លោក ឃួង ស្រេង អភិបាលរាជធានីភ្នំពេញ នៅថ្ងៃទី៥ ខែវិច្ឆិកា ឆ្នាំ២០២០ ក្នុងកិច្ចប្រជុំ គណៈបញ្ជាការឯកភាព រាជធានីភ្នំពេញ បានធ្វើការណែនាំ ឲ្យកងកម្លាំង មានសមត្ថកិច្ចចំណុះ ឱ្យរដ្ឋបាលរាជធានីភ្នំពេញ និងអាជ្ញាធរខណ្ឌទាំង ១៤បន្ត បន្តពង្រឹងលើការបង្ក្រាប ល្បែងស៊ីសង គ្រប់ប្រភេទ នៅក្នុងមូលដ្ឋាន...

759

អាវុធហត្ថរាជធានីភ្នំពេញ ឃាត់ខ្លួនជនសង្ស័យ ចំនួន១៣នាក់ ពាក់ព័ន្ធករណីគ្រឿងញៀន

ភ្នំពេញ ៖ មុខសញ្ញាចែកចាយ និងប្រើប្រាស់ដោយខុសច្បាប់នូវសារធាតុញៀន ត្រូវបានកម្លាំងមូលដ្ឋានអាវុធហត្ថខណ្ឌទួលគោក ចុះធ្វើការបង្រ្កាបនៅទីតាំងជាក់ស្តែង ដោយឃាត់ខ្លួនបានជនសង្ស័យចំនួន១៣នាក់ ( ស្រី ៣នាក់) ព្រមទាំងដកហូតវត្ថុតាងគ្រឿងញៀនជាង៣៧កញ្ចប់តូចធំ និងសម្ភារៈសម្រាប់សេពមួយចំនួនទៀតផងដែរ។ ការបង្រ្កាបនេះធ្វើឡើងនៅចំណុចផ្លូវ២៣៤ សង្កាត់ផ្សារដើមគរ ខណ្ឌទួលគោក កាលពីវេលាម៉ោង២០:១០នាទី ថ្ងៃទី០៤ ខែវិច្ឆិកា ឆ្នាំ២០២០។ បច្ចុប្បន្នជនសង្ស័យទាំង១៣នាក់ត្រូវបានបញ្ជូនទៅ ការិយាល័យស្រាវជ្រាវបទល្មើសគ្រឿងញៀននៃកងរាជអាវុធហត្ថរាជធានីភ្នំពេញ ដើម្បីធ្វើការសាកសួរ...