ចិន សិង្ហបុរី បង្ហាញជំហរសហការគ្នា ប្រឈមមុខទៅនឹងកូវីដ១៩

បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃព្រហស្បតិ៍ ទី៧ ខែឧសភានេះ បានឲ្យដឹងថា
ប្រទេសចិននិងសិង្ហបុរី បាននិងកំពុងធ្វើការយ៉ាងជិតស្និទ្ធជាមួយគ្នា ក្នុងការប្រយុទ្ធប្រឆាំងនឹងវីរុសកូវីដ១៩ ដែលកំពុងបណ្តាលឱ្យមានមនុស្សស្លាប់ ដោយសារការឆ្លងរាលដាលនេះ រាប់ម៉ឺននាក់ និងបង្កបញ្ហាធ្ងន់ធ្ងរ ដល់ផ្នែកជាច្រើន នៃពិភពលោកផងដែរ។

គួរឲ្យដឹងដែរថា កាលពីថ្ងៃអង្គារ រដ្ឋាភិបាលចិន និងសមាគមកាកបាទក្រហមចិន បានបរិច្ចាគម៉ាស់មុខចំនួន ៦២០០០០ ដើម្បីជួយដល់កិច្ចខិតខំប្រឹងប្រែង របស់រដ្ឋាភិបាលសិង្ហបុរី ក្នុងការគ្រប់គ្រងជំងឺរាតត្បាតកូវីដ១៩។

ថ្លែងក្នុងពិធីប្រគល់ម៉ាស់ទាំងនោះ ឯកអគ្គរដ្ឋទូតចិន ប្រចាំនៅសិង្ហបុរីលោក Hong Xiaoyong មានប្រសាសន៍ថា រដ្ឋាភិបាលសិង្ហបុរីផង កាកបាទក្រហមផង សហគមន៍អាជីវកម្មនិងប្រជាជនផង មកពីគ្រប់មជ្ឈដ្ឋាន បានផ្តល់ការគាំទ្រដ៏មានតម្លៃ ដល់ប្រទេសចិន ក្នុងការប្រយុទ្ធប្រឆាំងនឹងកូវីដនិង មិត្តភាពស្មោះត្រង់រវាង ប្រជាជនមកពីប្រទេសទាំងពីរ៕

ប្រែសម្រួល៖ស៊ុនលី